[quote]Originally posted by [i]siredes[/i] at 2005-10-28 11:50 AM:
請恕我直言, 我覺得Melody同佢男友兩個, 都係有D神經質...
雖然你為人火爆, 但起碼你D行為係正常, 唔似佢兩個咁樣... [/quote]
佢兩個本來真係天造地設既一對，金童玉女，男既大把女人投懷送抱，女既永遠一班男人拜倒其下．加上佢地愛恨交煎，神經俠侶捨佢地其誰？
我其實一路都覺得自己好正常，只不過其他人覺得我係癲既之麻．但我唔 care 佢地點睇，I will always be the change I want to see in this world.
不過都好多謝你，搵到覺得我係正常既朋友係我喺呢個世界既生趣嚟 ;> good to know you, siredes!
P.S. 上文「嗚呼哀哉」係「嗚咽」之誤．
[[i] Last edited by attaboy on 2005-10-28 at 12:13 PM [/i]]
[quote]Originally posted by [i]attaboy[/i] at 2005-10-28 10:12 AM:
佢兩個本來真係天造地設既一對... [/quote]
我都好高興可以o係度認識你! 你o既故事令我對"人性"有更深刻o既了解...
好期待你個故事o既發展~
最近本人真的忙個不可開交，欲知後事如何的朋友，最快都要等到下個月初，本人有空抖一抖之時才可再述下回分解．
[quote]Originally posted by [i]attaboy[/i] at 2005-11-14 08:39 PM:
最近本人真的忙個不可開交，欲知後事如何的朋友，最快都要等到下個月初，本人有空抖一抖之時才可再述下回分解． [/quote]
bro~
加油呀~
既然大家有幸相會
又駛咩咁客氣呀~~~:D
俾心機啦~
慢慢啦, 適當時候我就會幫你呢個topic推返上o黎o架喇:P
This is my first time see you your story, hope you could write as soon as possible, is very attractive, especilly relationship between you and melody!:cool::cool:
i learn a lot from this story.thz
我push~
期待你個story
......續前
淚眼盈盈的 Melody 搖搖頭，都唔知係信阿神死唔去定係我可以死去．佢呆左陣後話：我想返埋位同佢繼續 ICQ．我只好陪佢行埋位，立下個芒，dialogue box 已佈滿o的常用o既鬧人英文字句，不過黎黎去去都係o個四五隻英文字母，都係鬧 Melody 冇 reply 佢．阿神枉為學界精英，連小小罵人的藝術都唔識，高手鬧人係不可帶髒字o架．見 Melody 木無表情，只係好專心繼續佢既 ICQing．過左陣，Melody 手機响，聽佢傾左幾句，知係阿神打黎，但係 Melody 依然用另外隻手 ICQing．我愰然明白 ICQ Phone 係點解要發明勒，原來有人係鍾意咁樣 communicate 法既．再過左陣， Melody 突然大嗌：我唔講啦！ 我見到有粒淚珠沿佢面龐悵然而下．然後見佢伏係檯頭不停飲泣．問佢乜事？ 佢將阿神一o的好無賴好卑鄙o既說話覆述我聽．我登時無名火又三千丈，要威脅個女仔唔分手都唔駛咁下三流呱？ 但係 Melody 話好擔心阿神真係做出o個o的卑鄙行逕，問我點算，我同佢講話：有乜點算，見招拆招，等佢做出先至算！同埋做人如果問心無愧就乜都唔駛擔心．自己冇對人唔住已經好夠，人地係都要對你唔住，真係天要下雨，控制唔到個喎．不過你放心，有我係度，佢o的低莊招係無用武之地既，我係專對付呢o的所謂叻仔o既人． Meldoy 聽完安心o的，同我講：阿神而家過緊黎公司搵我，但係我唔想見佢呀！ 噢！女人！你的名字是善變，十分鐘前話要去搵佢，十分鐘後連見都唔想見佢．不過無所謂啦，我都開始習慣佢地呢o的反覆無常o既特性，同 Melody 講：咁我地而家走，去食晏好冇？ Melody 破涕為笑道：o依！而家咁肉酸，落街好樣衺（指剛喊完）！ Oops！差o的唔記得o的靚仔靚女係最緊張個樣添，好在我不嬲都冇呢個顧慮，亦都多謝阿媽冇畀呢個包袱我． 等 Melody 去完洗手間，佢好似洗左個面，話行得啦．咁同佢兩個人落樓下 Food Court 食快餐．食完野，佢問我跟住去邊好？吓！即係又要我諗節目，唯有又度下．因為女仔係天生o既 Shopper，佢地做人就好似去行街買衫咁，見到有野吸引佢地既鋪頭就死都唔肯走，不過一但間 shop 無新貨式返 ，佢地就毫不猶疑行左去第二間．諗下諗，冇乜 idea，我識做既棟篤笑都已經做勻畀佢睇，唯有提議上我屋企睇黃老華既正牌棟篤笑啦．
[[i] Last edited by attaboy on 2005-12-30 at 02:35 PM [/i]]
唉..唔會又>3<?
[quote]Originally posted by [i]sky2005[/i] at 2005-12-31 12:39 PM:
唉..唔會又>3<? [/quote]
冇．之後亦都再冇．
......續前
上到屋企，放左 VCD 畀 Melody睇．由於當時只係一心唔想畀阿神o的奸計得逞，但係又怕自己會同 Melody 再生枝節，只好打畀施莉亞，話畀佢知 Melody 既情況，問佢得唔得閒，可唔可以出黎幫我陪陪 Melody，施莉亞話有野做緊，最快要到夜晚先得．我話咁唯有一齊食晚飯．施莉亞有o的唔放心，千叮萬囑我同 Melody 淨係睇 VCD 好啦，千祈咪諗其他野．我同佢講話：知啦．你估我真係o的姑爺仔大狼狗，專吼o的失戀少女黎埋手咩？
陪住 Melody 睇 VCD，間唔中望下佢，見佢雖然都有笑，但係眼裡依然有一點點哀愁，知佢重未忘懷o的唔開心既事．好平靜睇到六點，同佢撘車落灣仔會合施莉亞同肯尼士．呢次係佢地三個第一次見面，我地去左一間小菜館食中菜．席間，我地四個都若無其事，談天說地．講下笑話，食完飯，一行人再去 CWB 大時代廣場樓上飲野．我趁 Melody 去洗手間之際，同施莉亞及肯尼士講左阿神o個番無恥說話．施莉亞即時好大反應咁話：乜呢個世界原來有o的男人可以做到咁賤格？ 我就話：咁你而家知我點解要陪住佢啦！我係最不能容忍呢o的影衰男人既行逕既．
坐到十點幾，Melody 話怕屋企人擔心，想打個電話報到．佢開翻個手提（臨離公司前佢熄左），行左出門口傾．返黎佢同我講話要走啦．我話送佢，佢話唔好．因為阿神岩岩打左電話畀佢，話下晝去公司搵唔到佢，就去左佢屋企樓下等佢，等左六個鐘，一路重等緊，話一定要見到佢為止．我明白如果畀亞神見到我，只會令事情更複雜，所以都冇堅持要陪 Melody 返屋企，同佢講：我諗你都知道應該點 handle，自己小心啦，有事就打畀我！ Melody 點點頭，語帶堅定話：我會同佢講清楚架勒！ 我應以微笑，再送個眼神嘉許．過冇耐，我同肯尼士等都埋單各自返歸．
第二晚，Melody 打電話畀我，好開心咁話我知同阿神已經講好左分手，呢次應該係真個喎．我話：咁咪好羅，瞓返個好覺啦．人生裏面除左情情塌塌外，重有好多更有意義既野可以做架！唔好花晒o的精神時間落呢瓣野度． Melody 應話知道．事情表面上好似真係告一段落，我亦完左一件心事，安心承大成至聖先師孔老二遺訓，去夢見周公矣！
[[i] Last edited by attaboy on 2005-12-31 at 07:17 PM [/i]]
我無睇到你既上集,, 所以都唔知道你既經歷
頭頭我睇到你講左句 你同好多你公司既同事都死起佢既手上... 係咩意思
係咪佢一直玩緊你,, 定係佢..... 我一路睇落去都想知道係咩意思 佢真係咁西利?
真係睇到我好想再睇落去 好想知 佢係個咩人 都好想睇你之前個一集
希望你快d可以再寫下去 佢係咩人呢....
[quote]Originally posted by [i]道友[/i] at 2005-12-31 11:25 PM:
我無睇到你既上集,, 所以都唔知道你既...
你同好多你公司既同事都死起佢既手上... 係咩意思[/quote]
我都唔知佢到底算係乜人，男既通常覺得佢係天使，女既大部份卻認為佢係魔鬼......連佢自己都曾經向我直認不諱．
至於何謂死係佢手上？當然唔係以醫學角度而言，我參考了香港法律既觀點，得出以下定義：
[i]在愛情謀殺罪上，控方必須証明疑犯在謀殺受害人的心時，是存有意圖致他的心於死地或導致他愛情重創。但即使沒有意圖成份，疑犯在行兇之前，旁人如果認為她早應「預見」受害人的心有可能會傷重或死亡，疑犯亦有可能被判愛情謀殺罪名成立。[/i]
Melody 通常犯的是謀殺而非誤殺．
好期待!! =)
[quote]Originally posted by [i]attaboy[/i] at 2006-1-1 10:59 AM:
我都唔知佢到底算係乜人，男既通... [/quote]
bro~
新年快樂!!!!!
:D
你依輪點呀???
聽你咁講, 佢好似係果d 要有人追, so証明自己既人wor
佢咁又何必呢 ?
[quote]Originally posted by [i]homan~[/i] at 2006-1-2 04:25 AM:
bro~
新年快樂!!!!!
:D
你依輪點呀???
聽你咁講, 佢好似係果d 要有人追, so証明自己既人wor
佢咁又何必呢 ? [/quote]
homan, happy new year! 多謝你一直以黎都咁捧塲！
最近真的很忙．本來打算返黎 OZ 過的樂 Com(puters) 書以消憂的生活，奈何個天同我過唔去，失驚無神要我 run 多辦生意，所以黎緊三五年都可能要繼續o的營營役役既生活．不過唔緊要，因為而家我可以學我既 No. 1 hero 講 "I can certainly define happiness, because happy is what I am!" 當我第一次讀到佢呢句說話時，真係覺得做人去到呢個境界先至不枉此生．同埋，而家我 "don't have to associate with anybody who causes my stomach to churn." 呢點在我黎講係至為重要既．
Melody 大至上都係你所講既咁，好多女仔都有呢個問題．我都不下一次質問過佢，佢自己死話覺得唔係喎（但我諗佢係唔願承認啫）．點都好，o係 Melody 身上我見識齊女仔既弱點同通病，佢幫我上左一課女性心理學既 advanced course. 回頭睇返，我應該感激佢多過責怪佢既．
[[i] Last edited by attaboy on 2006-1-3 at 09:27 AM [/i]]
[quote]Originally posted by [i]attaboy[/i] at 2006-1-3 07:14 AM:
homan, happy new year! 多謝你... [/quote]
bro
捧你埸應該既,
小既都係度偷師ma :P
依輪我幾忙下
如果唔係一定好似bro 咁
租碟煲下棟篤笑先
一次過睇哂你的愛情故事... 感覺良好~~
Melody係一個懂得"耍手段" 的女孩噢~~
attaboy兄...期待你的故事呀~~
attaboy~我仲等緊你繼續講o架~:clap: