華富村傳說
有[b]關華富村是亂葬崗[/b], 查過料資:-18XX年香港發生一場大風災叫”甲午風災”
當年死了很多人, 沉了很多船
當時昂船州是一無人島
風災後幾十年政府開發昂船州
發覺島上有過百屍骨, 查原來是甲午風災的沉船魚民死難者,
之前不被人發現而已,於是政府把這些屍骨移去” 雞籠環” 安葬,
取名”甲午義墓” 即現今的華富村位置, 現今華富村山上也可找到此石碑.
後來因為要起華富村就把屍骨移去了和合石安葬直到現今.
亂葬崗由此而來
[b]瀑布灣[/b]
瀑布灣好猛下架，所以游水都唔好去個度，每年都死人，前年一個阿伯，上年一個細佬，今年就呢單，所以無咩事夜晚唔好去瀑布灣
唉，人死了啦！！我想，政府何不整鐵絲網圍住那瀑布，而且找人看守，那就不會一年死一個人啦！！！！！ 鐵 欄 及 鐵 閘 門 沒有人看守有鬼用！
[引文26/5蘋果]遇 溺 身 亡 的 少 年 陳 嘉 斌 ， 十 六 歲 ， 在 香 港 仔 一 所 中 學 就 讀 中 三 ， 與 父 母 及 兄 長 同 住 華 富 華 景 樓 一 單 位 ， 陳 的 父 親 昨 晚 一 直 隨 消 防 員 在 現 場 一 帶 搜 索 ， 並 不 斷 呼 喚 兒 子 的 名 字 。
警 方 消 息 稱 ， 昨 下 午 三 時 三 十 分 ， 陳 嘉 斌 放 學 後 ， 與 兩 名 分 別 姓 梁 及 姓 陳 的 同 學 ， 往 華 富 對 開 的 瀑 布 灣 石 灘 玩 耍 。 其 間 ， 事 主 提 議 落 海 游 泳 ， 兩 名 同 學 均 因 不 諳 水 性 而 不 敢 下 水 ， 陳 稍 後 獨 自 脫 去 校 服 ， 穿 底 褲 跳 落 水 中 。
陳 獨 自 暢 泳 期 間 ， 兩 名 同 學 亦 曾 落 水 玩 耍 ， 稍 後 兩 人 發 現 陳 已 游 得 不 知 所 終 。直 至 下 午 五 時 許 ， 兩 人 仍 不 見 陳 的 蹤 影 ， 懷 疑 他 遇 溺 ， 經 商 議 後 奔 返 學 校 通 知 班 主任 及 致 電 報 警 。
[b]發 生 多 宗 泳 客 溺 斃[/b]
警 員 及 消 防 員 接 報 趕 至 現 場 ， 立 即 安 排 蛙 人 下 海 搜 索 ， 稍 後 ， 一 架 政 府 飛 行 服 務 隊直 升 機 亦 到 場 協 助 ， 經 七 小 時 搜 索 ， 至 今 晨 零 時 三 十 分 ， 消 防 蛙 人 在 距 離 華 美 樓 對開 約 三 十 米 遠 的 海 底 發 現 陳 的 屍 體 。
據 陳 的 兩 名 同 學 向 警 員 稱 ， 他 們 是 第 一 次 往 上 址 玩 耍 ， 事 發 時 海 面 並 不 大 浪 ， 直 至 過 多 小 時 不 見 對 方 蹤 影 後 便 擔 心 起 來 。
陳 的 父 親 任 清 潔 工 、 母 親 在 瑪 麗 醫 院 任 雜 工 ， 兄 長 任 廚 房 散 工 ， 已 有 一 段 時 間 失 業 。
陳 的 學 業 成 績 普 通 ， 課 餘 喜 歡 打 遊 戲 機 。 此 外 ， 陳 家 所 住 的 華 景 樓 單 位 ， 原 由前 亞 姐 冠 軍 黎 燕 珊 及 父 母 所 住 ， 但 黎 家 八 六 年 遷 出 ， 兩 年 後 ， 陳 家 便 遷 入 上 址 。
現 場 瀑 布 灣 海 面 並 非 泳 灘 ， 但 以 前 不 少 香 港 仔 居 民 喜 歡 往 上 址 游 泳 ， 並 發 生過 多 宗 溺 斃 泳 客 事 件 。 五 年 前 ， 一 名 十 歲 男 童 在 岸 邊 嬉 水 時 ， 被 海 浪 捲 出 十 米 外 海面 ， 然 後 再 遭 巨 浪 拋 回 沙 灘 ， 送 院 急 救 後 不 治 。
此 後 ， 華 富 的 居 民 已 少 往 上 址 游 泳 ， 岸 邊 石 灘 亦 已 加 設 鐵 欄 及 鐵 閘 門 ， 不 過 ， 鐵 閘 門 並 非 長 期 上 鎖 。
[b]華富村華昌樓午夜喊聲~搵替身[/b]
夜晚12點幾果陣你係屋企聲唔聲到喊聲如果你聲得就唔好講野呀~
因為夜晚的喊聲就是冤魂搵替身訊號如果你一講野佢就會知你係邊~佢一睇中你你就一定會死。
我有一個朋友同我一樣住係華昌樓,有一日佢喊住去我屋企佢同我講佢聽到喊聲同咪見到一個男人,之後我地同媽咪講,媽咪同我地講下次聽到唔好講野呀個d喊聲係搵替身d聲黎既!
之後我地無在聲到個d喊聲呀。
[b]華富村靈異鬼怪事件五之 "跳樓鬼"網友打的[/b]
這件事發生在我十九歲那年,足足二十年前,地係華昌樓,記得那日是黃昏時份發生的,正是吃晚飯的時候,突然間"彭.............",一聲巨響,令到全樓低下層的住停晒手,而我對面單位個麥太重開門睇睇乜事,衹見他一開門往下望,跟住"哎"一聲走番入屋冇眼睇,而我和我老豆也因好奇而走出去睇,啊!!!原來係跳樓.....,因這次是我第一次見有人跳樓的關係,個心卜卜跳,感覺很震驚,從樓上望下去,衹見死者躺在井字型的正中間,鮮血噴到幾尺遠,正是很高跳落的模樣,從上面看還以為死者是一名肥胖的男子,其牛仔褲全都因衝力過猛墮地而爆開,我老豆重大,竟然帶埋我落樓睇!!嘩!!!!!!唔睇由自可,一睇直頭嘔去,(冇辦法啦,連D差人都嘔,叫我頂)在樓下近鏡睇,原來死者唔係肥仔,成個人扁晒,打橫睇衹得四吋厚!!塊面好似人皮面具一樣,痴往塊地,D差人重用電筒照,睇下對眼球彈去邊??我就睇到頂唔順番上樓,而我老豆重到幫手搵,真係笫二D野唔見佢咁積極,呢件事攪到我幾日冇胃口,但事情過一星期,那晚我落完中環DD(Disco Disco)在樓下行去升降機口時,突然見到個後生仔企樓下井字型一邊牆邊,一動也不動地低頭,好似讀書罰企咁,當我行過佢身邊時,佢好似全冇反應,我覺得很奇怪,我住咁耐,那張面孔我是從未見過的,極之生疏,唔理佢啦,正到上樓後望番落去,佢重原風不動地企,因為當時以經係半夜三幾,開頭重以為佢等女朋友就冇理會佢,入屋休息,但過後第二第三晚都見到佢往同一套衣服,企同一位置度,我望佢好多眼,原全冇諗過同D鬼魂有關,衹係覺得奇怪,晚晚都係兩三先見,十二點前都唔見佢,到笫四晚十幾,雖然就見唔到佢,但係就有個呀嬸度燒金銀,燒好耐,重呼天愴地叫道:「仔呀....仔,解你咁??你掉低呀媽唔理,咁就跳落,你叫呀媽以後算呀......你為個咁女人,值唔值得.................,唉!!個呀嬸真係好淒,而佢燒金銀個位置同個男仔企位置係同一樣,衹見佢連燒幾晚之後,那男子再沒有出現,我相信佢重個度,離不開,衹是我再見不到他罷了........一念之差,換來全家悲痛欲絕,唉!.............何苦呢..........................
[b]華富村靈異鬼怪事件之三“瀑布灣好心鬼”[/b]
這件事亦都係本人親身經歷,亦都係細個果陣,話說當晚和幾個朋友一齊落瀑布灣玩,不用多講住在華富村的朋友一定知道瀑布灣唔止有瀑布,海灣旁重有一間石室和一個炮台,而上面就係最出名的魔鬼山,我地細個時就成日走去個石室入面玩同爬上炮台上煲煙,因以前那時環境好特別,石室入面撥開D垃坡會拾到子彈殼,而旁邊炮台上就有一支生晒銹大炮,係對住個海,（後來有政府人員將大炮當作文物搬走,石室也加上鐵閘）但我地都係照樣爬上爬台上玩,記得那晚上我的朋友都爬晒上去,剩番我一個在下面,D浪花就係咁打上來,而我就僅係那那聲爬上去啦（其實都幾難爬）正當我差不多上到去,我的朋友正想伸手拉我之際,我突然差錯腳跌落,但落地的一刻我覺得好似跌落張彈弓床上面咁,重同一時間聽到“浸”一聲,接再有水花四淺的聲音,但我起番身應該是全褲濕晒至係,但係冇喎,兼且完全冇傷冇痛,非常之冇理由,定神後回望上面的朋友,有的問我有冇事,有二個就望住石室果邊然後就叫走,而我在下邊等佢地續一爬落之後就一齊離開,離開後佢地先同我講,話頭先我跌落地面時,見到有個人形黑影好似淩空抱住我然後一齊落地,聽到水花聲同我彈開後起身之際,D朋友就見到個黑影走去間石屋後面,這個經歷我真係好感激那位大哥,不知道是我唔覺意壓親佢定係佢有心救我??但我剩係知道若果唔係佢,我一定斷手或斷腳,入硬醫院囉,在這裏希望那位大哥早日投胎吧!!!!!
[b]華富村靈異怪事之四,"半夜鬼拍門"華樂樓[/b]
這件事發生在華樂樓,由我D老朋友講我知,發生在他家裏的事,某一個夜半,我朋友全家睡得正矓,突然被三下好大力的拍門聲嘈醒,當時全家嚇一跳之餘成家醒晒,老豆第一時間落床走出去開門,知兩邊乜都冇,因華樂係直冷巷,好長,佢地正住中央,投視了一輪之後冇動靜便關門再睡,直至天光第二日如常,直至夜晚,全家都冇再留意到昨晚的事下,睡得好好的,又!!彭.......彭........彭.......三聲!!!全家一齊嚇到彈起,之後佢老豆爆住粗走出去開門,不知????吹脹,又冇!!!在極怒之下向住條冷巷鬧了幾聲,好好玩呀!!依家幾呀!!但係就淨到出奇兼空洞,冇法啦,唯有再睡,到第三晚,家裏好幾個都睡得不好,心諗會唔會再???到了三,終於真係,因今次全家有了心埋準備,全部冇人出聲,仍都冇去開門,因每人都想靜聽之下聽下有冇跑笑聲,但係又冇,大家之後在討論,冇結果但有一就係連續三晚都係三左右就,每次都是這樣地沈重地三下,走得o甘快,可能係D細路仔除對拖鞋閃得快呢???相討之後,我朋友決定同佢呀哥預早閃定在梯口,等到咁上下睇下邊個玩,第四晚到了,佢呀家買D汽水煙仔,重帶多個FD,實行捉到就知死隻,在吹水吹到又又剩之後,時間差不多,決定行動,三個烏低身在梯口""過去,冇動靜,行番轉頭食多煙,等再去,等一個字喥,行過去,今次冇縮縮,三個好自然地行出去望了望,突然間三個一齊見到有一個人企在佢地屋企門口,唔知做乜,佢呀哥下意識地喝了一聲"做咩呀"然後三個衝前追,起初那人都是全冇動作地向住佢門口,但差不多走到去時,佢地見到佢好快速,隻腳唔陏,打則咁樣離地移走,佢地立刻停低,窒一窒,再見到佢移到去接近盡尾處消失,!!!!嘩!!!!!這一嚇,非同少可,三個標到門口拍門,個老豆重以為D細路玩,正開門鬧之際,三個一扑一碌咁,衝晒入屋闢門,佢全家問乜野事,佢地就將見到一切,索住氣,一五一十地講出,原來正話跑得最接近那人時,在那人開始以不正常動作快速移走消失之前,帶頭個呀哥在未窒停時看見那個原個不是人,是個紙絫公仔!!!正頭嚇了眼,老豆見佢地面青口震,心知不妙,跟住就即刻打電話俾D朋友,於第二日佢朋友帶同多一個中年朋友來探他們,他們全家將事講出後,那中年朋友立即知道乜野事,還說,你地唔知乜解究俾人落一種叫鬼拍門的法術,這種法術係用整蠱對頭人多,屬於茅山法術一種,後來佢老豆個朋友唔知話佢屋企整一輪,跟住又化符落盆水度然後用來抹門口,燒完金銀衣紙後,全家都要化符沖涼同飲符水連續七日,咁先至冇事!!!!由那天開始,便再沒有午夜拍門了,後來我問番我朋友,解你屋企無端端被人落D咁???佢話佢地全家上下都一頭霧水........,但事實就真係佢老豆個FD整完一輪,晚就冇再發生!!!!嘩!!!!!!我日聽佢講到七情上面之後,連續成年夜晚都唔敢上佢樓....................這件事是我朋友提供的,在這裏與大家分享......
[[i] Last edited by 左輪仔 on 2005-9-22 at 10:20 PM [/i]] 道道都有人死過ｌａ～
放鬆ｄ ｌａ～
我住係華貴的～ 我中一時仲成日去瀑布灣放火的～
死左個個細路係我朋友ｍａｍａ的朋友個仔～
個ｏｎ９係唔識游水都仲要去玩水～
之後就沖走左ｌｏｕ佢～
頁:
[1]