[轉貼]~愛~1 .愛情故事(在這post不斷更新) [卡+]
~愛~1~愛~
作者﹕Didi
(BB喊聲)
「有個BB o係度ar!!」
「帶佢去醫院先la!!」
<第一回>
我叫歐文軒, 冇數錯ge話今年應該17歲, 讀緊F.6。我唔知我阿爸阿媽叫咩名, 係點ge樣, 我淨係知我一出世佢地就掉低左我。我唔知佢地去左邊, 亦都唔想知, 因為我好憎佢地, 憎到入骨, 不過我都要多謝佢地, 佢地令我睇到呢個世界有幾殘酷, 周圍ge人有幾乞我憎。我唔需要友情, 愛情, 親情.......即係.......唔需要愛。
(o係班房裡面, 個個都嘈到拆天, 之後Miss入左o黎, 全部起晒身, 得軒仔一個趴o係檯度訓覺)
Vivian(即係個Miss)﹕(走埋去敲軒仔張檯)同學!
軒﹕(抬起頭, 唔耐煩咁講)做咩ar?
Vivian﹕起身喇!
軒﹕真係煩!! (企左起身)
全班﹕Good morning Miss........
Vivian﹕(o係黑板度寫住Vivian Yau)我姓游。
全班﹕Good morning Miss Yau。(坐返低)
Vivian﹕我係你地新ge Maths老師, 你地可以叫我Vivian。
女同學A﹕Miss, 妳幾多歲ar?
Vivian﹕唔.......妳估下?
女同學A﹕妳個樣咁後生, 我估20。
Vivian﹕差D la, 其實我23 ga喇!
女同學B﹕Miss, 妳D皮膚好靚ar! 點keep ga?
Vivian﹕呢D落左堂先講la!
男同學A﹕Miss, 妳好索ar!!
Vivian﹕多謝! 但而家可唔可以上堂先呢?
男同學B﹕Miss, 一o黎就教書, 好悶ga!
Vivian﹕我知, 但係你地進度已經慢左ga喇, 要快D跟返ar!
全班﹕扯~(之後Vivian就開始教書, 佢見到軒仔又趴低訓覺)
Vivian﹕(走埋去敲軒仔張檯)同學!
軒﹕(抬起頭, 勁唔耐煩)又點ar?
Vivian﹕上堂喇, 唔好再訓喇!
軒﹕我唔上堂ar!
Vivian﹕拿, 你唔可以咁個喎!
男同學C﹕Miss, 咪鬼理佢la!
Vivian﹕但係........
男同學C﹕佢話唔聽書咋, 佢年年考試都頭十名ga!
Vivian﹕係咩? (之後軒仔又趴返o係度訓覺)
(之後Vivian都冇理到佢, 但對眼成日都不自覺咁望住佢)
(落堂之後, Vivian返左去教員室)
Michelle(其中一個Miss)﹕今日教成點ar?
Vivian﹕幾好ya, 佢地都幾聽話。
Michelle﹕唔係ar ma? 佢地聽話??
Vivian﹕唔係咩?
Michelle﹕我同佢地上堂果陣, 佢地跟本就當我冇到, 我有我教書, 佢地有佢地傾計。可能因為
妳太索la!
Vivian﹕唔係ar? 喂不過有個學生好古怪ga。
Michelle﹕妳話歐文軒ar?
Vivian﹕我諗係掛, 佢成堂都趴o係檯訓覺。
Michelle﹕我諗係佢喇, 佢真係冇人搞得掂ar, 上親堂都o係度訓覺, D態度又差, 不過D成績又出奇地好喎! 好似舊年咁, 佢都係o係度讀, 期末考俾佢羅到全級第6 ar!! 見佢都考得咁好咯, 上堂又冇騷擾到人, 咪由佢訓lor!
Vivian﹕真係咁犀利?
Michelle﹕妳遲D改佢功課果時妳就知ga喇。
(之後Vivian準備放工返屋企, 佢見到軒仔o係度行緊, 但佢成身傷晒)
Vivian﹕(驚訝)歐文軒!!
軒﹕(超唔耐煩)又做咩ar??
Vivian﹕你.......發生咩事ar??
軒﹕關妳鬼事ar??
Vivian﹕我係你Miss, 我有權知道自己ge學生o係學校做過D乜!
軒﹕我同妳唔係好熟咋喎!
Vivian﹕你係咪俾人打ar? 唔怕同我講個喎!
軒﹕妳走la!
Vivian﹕我要保護學生ge安全ga!
軒﹕(眼神兇狠)我話妳知, 我最睇唔順眼就係妳呢D懶有愛心ge老師!! (Vivian俾佢ge眼神嚇呆
左, 之後軒仔另轉頭走左)
可能呢個世界實在太殘酷, 就算有人想關心我, 我都只會覺得佢係多管閒事。我話過, 我唔需要愛, 我永遠唔會理咩叫人間溫暖, 我鍾意點就點, 其他人冇權走入我ge世界裡面。
~待續~
我有到24集..但係冇結局.看過了幾好睇的.多多包函
[[i] Last edited by Rika on 2005-10-5 at 02:49 PM [/i]]
有冇人睇的..?
~愛~2~愛~
作者﹕Didi
<第二回>
(o係一間餐廳裡面, Vivian同佢男朋友Zigzag o係度食緊晚飯, 不過Vivian o係度發呆)
Zigzag﹕Vivian? 妳做咩ar?
Vivian﹕我o係度諗緊野...........
Zigzag﹕有D咩可以煩到妳呢個聰明女ar?
Vivian﹕(嘆氣)有個學生, 佢上堂掛住訓覺, 態度又差, 但D成績又可以好好, 所以冇人理佢, 但
我硬係覺得佢好似有D問題咁ar.......係ar, 我今日收工仲見到佢成身傷晒, 好似俾人打過咁ar! Zigzag, 你話我應該點做?
Zigzag﹕妳話佢俾人打.....咁妳不如同校長講la!
Vivian﹕不過我問佢發生咩事, 佢又好唔耐煩咁, 乜都唔肯講我知。
Zigzag﹕都叫妳唔好做Miss ga la! 呢D問題少年好難搞ga!
Vivian﹕梗係唔得la! 做老師係我ge理想, 教好呢D學生都係我ge理想!
Zigzag﹕咁妳不如做社工!
Vivian﹕點ar, 你聽晚得唔得閒ar?
Zigzag﹕我聽晚要同Joey錄音ar!
Vivian﹕大監製即係大監製, 紅人見得特別多。
Zigzag﹕做咩ar? (淫笑)唔通妳聽晚想........
Vivian﹕(打Zigzag個頭)我見呢度D野咁好食, 想聽晚再o黎食過咋!
Zigzag﹕咁好la! 後日再同妳o黎食過la! 妳而家D野都未食晒ar! 快D食la!
唔知點解D人硬係咁鍾意多管閒事, 我明明冇叫佢理, 佢硬係要叉隻腳埋o黎, 都唔知佢想搏乜。呢個係一個黑暗ge世界, 你永遠唔知佢係咪真心對你好, 所以我一定會同呢D人保持距離。
(第二日o係學校, Vivian去左校長室搵校長)
校長﹕妳話6A ge歐文軒尋日俾人打?
Vivian﹕嗯, 尋日我見到佢周身瘀, 相信係俾人打。
校長﹕知唔知佢俾邊個打?
Vivian﹕唔知ar, 佢乜都唔肯講。
校長﹕咁你帶佢o黎先la!
Vivian﹕哦! (之後Vivian就去左6A班房搵軒仔)
Vivian﹕(敲門)唔好意思.......歐文軒! 你出一出o黎ya!
軒﹕(唔耐煩)又點ar??
Vivian﹕你出左o黎先la! (之後軒仔就好唔耐煩咁行左出班房, 跟住Vivian帶左軒仔去校長室)
校長﹕你就係歐文軒?
軒﹕係ar, 有咩事快D講!
校長﹕聽講你尋日俾人打係咪?
軒﹕邊有ar??
校長﹕咁你點解釋你面上果一撻撻呢?
軒﹕唔俾我自己仆親ar?
校長﹕你唔講我地幫唔到你個喎!
軒﹕唔駛你地幫ar! 我邊個都唔追究!
校長﹕佢都話唔追究咯, 不如就咁算la!
Vivian﹕唔得! 如果唔快D捉左果班打人ge學生, 可能會有其他學生受害ga!
校長﹕又係喎, 不如你都係講la!
軒﹕我都話唔追究咯! 我唔得閒, 走先! (跟住就自己走左出校長室)
Vivian﹕喂! 歐文軒! (追左出去)
Vivian﹕喂! 歐文軒! (捉住軒仔隻手)唔好走la!
軒﹕(甩開佢隻手)放手la! 同妳有親ar??
Vivian﹕你究竟有咩問題? 你可以同我講個喎?
軒﹕個問題就係妳! 唔該妳唔好再煩住我! (走左)
Vivian﹕人地想幫你ga ma!
我真係懷疑果個Miss Yau係咪想抽我水, 呢個世界咁多人有問題佢唔理, 係都要理我, 我話佢先有問題la。我個人就係咁, 冇人可以改變到我, 我亦冇諗過要改變, 因為呢個世界實在太乞我憎。
(Vivian返到教員室)
Vivian﹕Michelle, 可唔可以話我知歐文軒咩背景?
Michelle﹕做咩ar?
Vivian﹕因為我真係好想幫佢ar!
Michelle﹕我俾佢個profile妳慢慢睇la! (俾左份野佢)
Vivian﹕唔該晒!
Michelle﹕妳幫還幫ar, 小心D ar! 唔知佢會點對妳ga!
Vivian﹕得la! (睇住份profile)o下?
~待續~
大家睇唔睇的...
~愛~3~愛~
作者﹕Didi
<第三回>
(夜晚, Vivian o係屋企睇住份profile, o係度諗緊野, 突然電話響, 原來係Zigzag)
Vivian﹕點ar? 衰野?
Zigzag﹕掛住妳ya ma! 做緊咩ar BB?
Vivian﹕諗緊野ar!
Zigzag﹕又諗緊野??
Vivian﹕今日羅左果個學生ge profile o黎睇, 睇下可以點樣幫佢, 但睇下佢D資料, 又冇咩問題
ya?
Zigzag﹕果然係好老師喎!
Vivian﹕係ar, 你知唔知ar, 算命師傅話我老公會同我相差5, 6年喎!
Zigzag﹕唔係ar??
Vivian﹕但係你同我同年喎!
Zigzag﹕唏~算命呢D野未必可信ge!
Vivian﹕咁又係!
Zigzag﹕好喇, 妳都唔好諗到咁夜喇, 早D訓la!
Vivian﹕知喇! 你都係ar! Bye Bye! (kiss左部電話一啖之後就收左線)
(第二日o係學校, Vivian又去左搵軒仔)
軒﹕妳想點ar大姐??
Vivian﹕我淨係想同你好好咁傾下咋!
軒﹕我同妳冇野好傾喎! (Vivian見到軒仔左手手臂上有一條條痕, 就即刻拎起佢隻手o黎睇)
Vivian﹕點解咁多紅色一條條ga? 你成日界手ga??
軒﹕(甩開佢隻手)關妳鬼事ar!!
Vivian﹕你唔怕死ge咩? 界咁多手??
軒﹕我死左D人咪仲開心!
Vivian﹕點解你會咁樣諗野ga??
軒﹕我好忙ar! 唔同妳講!! (掉頭走)
Vivian﹕喂! 講多兩句先la........呀!! (突然線低)
呢一刻我真係好想快D走, 但唔知點解, 我心裡面不停叫自己唔好理佢, 我就硬係唔受控制, 不由自主咁返轉頭伸手扶返佢起身, 究竟我o係度做乜?
Vivian﹕(起返身)唔該晒.........(軒仔塊面即刻紅晒, 極速走人)
Vivian﹕喂!! 你去邊ar??
一定冇可能..........我突然覺得好熱, 但一定唔會係因為佢........因為我根本唔需要愛........一定係因為我尋晚太夜訓搞到唔舒服! 冇錯! 一定係咁!!
(軒仔跑到一個垃圾桶前面, 佢好大力咁踢跌左個垃圾桶, 之後自己執返好D垃圾)
Vivian﹕(追左上o黎)你做咩整跌晒D垃圾ar? (幫軒仔執垃圾)
軒﹕(推開佢隻手)唔駛你幫!
Vivian﹕好, 唔幫.........就算我唔幫你執垃圾, 我都係想幫你解決心理上ge問題lor!
軒﹕點解妳要幫我??
Vivian﹕因為你係我學生lor!
軒﹕咁如果我唔係妳學生, 妳會唔會幫ya?
Vivian﹕我都會ga! 因為我覺得呢D人一定係好唔開心ge o者! 不如你都係同我講下你ge問題la!
軒﹕(停手)妳真係咁想知?
Vivian﹕係ar! 咁先可以幫到你ga ma!
軒﹕咁妳跟我o黎!
Vivian﹕o下? (跟住軒仔帶左Vivian上天台)
Vivian﹕天台? (心諗﹕佢唔會係想跳樓掛??@.@)
軒﹕咁我就破例淨係講俾妳一個人知。
Vivian﹕快D講la! 睇你D資料又冇咩問題, 同其他人一樣係有父母........
軒﹕其實我而家ge阿爸阿媽唔係我親生父母, 佢地係o係我十歲果時o係孤兒院領養我ge。
Vivian﹕o下??
軒﹕知唔知孤兒院D人係o係邊度發現我? o係公園ge長凳度ar!! 係我阿爸阿媽o係我一出世就唔要
我喇!!
Vivian﹕但係.......點解佢地唔要你?
軒﹕(激動)一定係佢地唔想生la! 唔想生都生我出o黎, 生完又唔要我, 都唔知佢地諗乜!!
Vivian﹕咁.........你知唔知佢地o係邊ar?
軒﹕我唔知, 亦都唔想知, 我淨係知我好憎佢地o者!! 妳問完la ma? 咁唔好再煩我喇!! 係咁!!
(走左)
Vivian﹕原來係咁...........唔怪之得la..........不過我有信心一定可以幫到佢!!
睇睇下其實佢都唔係好乞人憎o者.......咁點解同佢一齊會有種不安感? 而且我ge身體越o黎越
熱.........好熱ar.............
(軒仔突然暈低o係地上)
~待續~ ~愛~4
~愛~
作者﹕Didi
<第四回>
(軒仔張開眼之後, 發現自己訓o係保健室ge床上)
Vivian﹕你醒拿?
軒﹕好痛ar個頭.........點解我會o係度ga?
Vivian﹕你發高燒ar! 你Mummy已經o黎緊接你ga喇!
軒﹕發高燒? (軒仔摸摸自己額頭, 又真係好熱喎)
Vivian﹕點解無端端會發燒ga? 你做過D咩o黎ar?
軒﹕我咩都冇做ar.........關妳咩事喎!! (之後, 軒仔阿媽行左入o黎)
軒媽﹕軒仔! (走埋去軒仔度)你點ar? o黎la, 我而家同你去睇醫生。(想拖軒仔隻手, 但俾軒仔甩開左)
軒﹕我自己行ar!! (跟住就自己落左床, 跟左佢阿媽走)
(Vivian望住軒仔ge背影微微一笑)
原來我熱只係因為我發燒.......咁都好D, 幾驚係因為佢ar, 我話過自己唔需要愛, 我係唔可以輸俾呢個怪女人ga!!
(第二日, 軒仔屋企門鐘響, 佢阿媽去開門)
Vivian﹕Auntie妳好, 妳記唔記得我ar?
軒媽﹕哦~妳係尋日o係保健室陪軒仔果個Miss ar!
Vivian﹕我係軒仔ge數學老師, 我姓游ga。
軒媽﹕(緊張)唔係軒仔犯左D咩事ya ma?
Vivian﹕唔係, 我只係想o黎探o下佢o者! (俾左D生果佢)小小意思。
軒媽﹕多謝! 妳真係有心喇! 真係個好老師! (指住間房)軒仔o係房入面ar!
(跟住Vivian就走左入軒仔間房, 見到佢o係度溫書)
Vivian﹕你病左竟然唔休息??
軒﹕(驚訝)妳o黎做咩ar??
Vivian﹕係咪o黎探下你都唔俾先!
軒﹕妳快D走la!!
Vivian﹕算喇, 唔阻你! (行左出廳)
軒媽﹕(招呼Vivian)Miss, 坐la!
Vivian﹕軒仔已經講晒你地ge情況俾我知喇!
軒媽﹕(驚訝)咩話? 軒仔佢........竟然會講呢D野俾人知?? 佢平時半句野都唔願同我講, 竟然
肯講咁多野俾人知??
Vivian﹕佢本來都唔肯講ga, 但尋日終於俾我「逼」到佢講lor!! (軒仔阿媽望住Vivian, 真係想
當佢神咁拜)
軒媽﹕(嘆氣)果個仔, 七年都冇笑過........雖然佢唔係我親生o者, 但睇見佢咁樣, 都咪話唔心up ar!
Vivian﹕妳放心la, 我一定會幫佢ga!
軒媽﹕麻煩晒妳真係唔好意思...........
Vivian﹕唔駛客氣。
軒﹕(走出o黎)好嘈ar妳地!! 妳走未ar??
軒媽﹕軒仔! 唔得咁冇禮貌ga!!
Vivian﹕算喇, 我都係時候走喇。真係打攪晒。(對住軒仔)你聽住, 我有信心我一定可以改變到你ga!!
聽完佢講呢句之後, 唔知點解, 我突然又覺得好熱.........一定係我未好返! 呢個咁ge女人邊可以令我動容呢? 一定係因為我未好返o者! 冇錯! 一定係咁!!
(之後, Vivian同Zigzag手拖手行街, 佢地行過一間婚紗鋪)
Zigzag﹕Vivian ar! 妳睇果件婚紗! 妳著上去一定好靚o者!
Vivian﹕好靚咩?
Zigzag﹕做咩ar Vivian? 妳唔係好鍾意呢個款ge咩?
Vivian﹕你知我唔想咁快結婚o格!
Zigzag﹕我冇話結婚喎! 我俾妳睇下之ma!
Vivian﹕.......咁Sorry la, 我講錯野。
Zigzag﹕Vivian.......妳做咩ar? 妳呢幾日都係咁.......
Vivian﹕點o者? 咪同平時一樣, 每日5個call, 打電話都整個goodbye kiss lor! 你覺得咁樣唔好咩?
Zigzag﹕唔係ar......我硬係覺得呢, 呢幾日妳對我一係就好o爹, 一係就好cool.........
Vivian﹕你知我煩緊果個學生ge野o格。
Zigzag﹕但妳而家同我Relax緊喎........
Vivian﹕好喇, 我唔想因為一個學生傷到大家感情, ok? 點ar, 係咪想影婚紗相? 想就跟我o黎la! (拖左Zigzag入婚紗鋪)
(而呢個時候, Zigzag已經開始亂諗野喇...........)
~待續~ 好好睇，繼續就好喇~ 我都想睇落去 ~愛~ 5
~愛~
作者﹕Didi
<第五回>
(第二日放學, 軒仔執緊野ge時候, 有六個男仔走埋去軒仔度)
男1﹕點ar? 上次爽唔爽ar? (軒仔冇理到佢)
男2﹕(推軒仔個頭)同你講野ar!! (軒仔想還手, 但俾佢地捉住左)
男3﹕睇見你個寸樣就慶喇!! (一拳打到軒仔趴左落檯)
(之後果D男仔就開始圍毆軒仔)
男4﹕(對其中兩個男仔講)你兩個出去睇水la! (之後果兩個男仔就出左去睇水)
(D男仔繼續圍毆軒仔, 軒仔想還手都還唔到)
(之後Vivian行過班房, 兩個男仔想即刻入班房叫佢地停手, 突然Vivian條裙俾風吹起左)
男5+男6(睇水果兩個)﹕(睇到眼定定)Wow~
Vivian﹕(面紅, 即係按住條裙)你地睇咩ar!!
男5+男6﹕冇睇野.......冇睇野..............
Vivian﹕你地放左學都唔走, o係度做咩ar?
男5+男6﹕e.........我地o係度.........(突然Vivian聽到班房入面有掟凳聲)
Vivian﹕咩事ar? 邊個o係班房入面??
男5﹕(緊張)o下? 有人o係班房咩??
Vivian﹕等我入去睇下.........(果兩個男仔即刻阻止佢)
Vivian﹕你地做咩??
男6﹕(緊張)Miss, 裡面冇野ga!!
Vivian﹕咁即係有野la! (最後擺脫左果兩個男仔走左入班房, 見到班男仔圍毆緊軒仔)
Vivian﹕(驚訝)你地做咩ar!! (班男仔見到Vivian之後即刻停晒手, 但軒仔已經俾佢地打到傷晒)
(之後, Vivian帶左果班男仔去校長室)
校長﹕你地點解要打人??
男﹕...................
Vivian﹕(好惡)點解ar!!
男1﹕如果唔係佢咁寸, 我地駛晒咁多力打佢??
Vivian﹕(勁惡)人地寸就要打人ge咩!!
校長﹕咁阿Miss Yau, 妳認為應該點做呢?
Vivian﹕報警!!
男5﹕(驚)o下?? 報警??
Vivian﹕做錯事ge人係應該受到法律制裁ga!!
校長﹕有道理............
男1﹕你個死八婆ya!!
Vivian﹕不過你地年紀仲細, 我就俾個機會你地自首。
男2﹕自首?? 妳當我地係咩ar??
Vivian﹕你地今晚返去諗清楚la!
(之後Vivian去左醫院, 見到軒仔同佢阿媽行出o黎)
Vivian﹕軒仔! (走埋軒仔度)你冇事ya ma?
軒媽﹕(微笑)妳咪游老師?
Vivian﹕Auntie妳好! (對住軒仔)點ar你? 你有冇事ar?
軒﹕果班蛋散呢?
Vivian﹕我叫佢地返去考慮下自首, 如果佢地仲係咁硬頸ge話我地就會報警。
軒媽﹕都叫左你平時有禮貌D la, 得罪埋晒D咁ge人, 真係俾人打死都唔知咩事ar!!
Vivian﹕你放心la, 我一定會幫你討返個公道ga!
究竟佢係咪真心想幫我ge呢? 睇落又好似係喎...........不過我都係唔信佢可以改變到我!! 就算佢做幾多野都一樣!! 因為佢只係一個微不足道ge小角色!!
(幾日後, Vivian打俾軒仔)
Vivian﹕喂! 唔該搵歐文軒ya!
軒﹕我係..........
Vivian﹕軒仔! 我係Miss Yau ar! 我地最後都係報左警ar, 單案後日第一次提堂, 你要上庭做證喎!
軒﹕(唔耐煩)得la! 有咩聽日先講la! 我好忙ga! 係咁! (收左線)
其實佢唔理我ge話根本唔駛搞咁多麻煩野個喎! 點解佢寧願麻煩都要幫我呢? 唔通呢D叫愛? 冇可能!! 我同佢之間係絕對唔會有愛存在ge!!
(上庭果日, Vivian同軒仔阿媽陪軒仔去法庭, 佢地同果六個男仔ge其中一個o係走廊碰面, 軒仔同佢都好唔順超咁睥住對方)
男1﹕睥咩ar睥!
軒﹕收聲la! 靜靜地等坐監la你!!
男1﹕(嬲)你............好! 橫掂都要坐監ga喇! o係坐監之前我要........(羅出把界刀)
Vivian﹕(緊張)你........你想點ar?? (個男仔想cut落軒仔度, Vivian即刻擋o係軒仔前面, 把界刀cut左落Vivian ge右手手臂上, 仲即刻流血添)
Vivian﹕呀!! (個男仔, 軒仔同佢阿媽都呆左)
軒﹕妳..........妳冇野ya ma?
Vivian﹕我冇野ar!
軒﹕我......我同妳去醫院la!
Vivian﹕唔得ar! 你仲要上庭ga!
軒﹕我唔上庭喇! (跟住就即刻拖左Vivian走)
Vivian﹕喂! 喂!!
軒媽﹕軒仔! 你去邊ar??
我都唔知點解我會咁緊張, 我而家淨係好想快D帶佢去到醫院..........究竟點解我會咁緊張ga? 係咪即係話我輸左ar? 冇可能ga! 我點可以輸俾佢ga? 我係唔需要愛ga ma! 不過我而家真
係.....好緊張........
~待續~ 我想問下有幾多集ga [quote]Originally posted by [i]elvisfong2003[/i] at 2005-9-26 04:33 PM:
我想問下有幾多集ga [/quote]
我有到第24集..冇結局,, [quote]Originally posted by [i]手田水[/i] at 2005-9-26 05:40 PM:
我有到第24集..冇結局,, [/quote]
你係邊度有ga,好好睇wo ~愛~6
~愛~
作者﹕Didi
<第六回>
(o係醫院, Vivian包紮完之後就行返出o黎)
軒﹕妳.......妳冇野ya ma?
Vivian﹕我冇野ar! 但好奇怪你點解會咁做lor! 你平時應該係話之我死個喎!
軒﹕(面紅)我........我唔知ar!!
(呢個時候, Zigzag衝左o黎醫院)
Zigzag﹕Vivian!! (衝埋Vivian度)妳點ar? Dr. Chan話俾我知妳入左醫院ar! 擔心死我喇!!
Vivian﹕我冇事ar! (望住軒仔同Zigzag)......我o黎介紹, 呢個就係果個學生, 佢叫歐文軒, 呢
個係我男朋友Zigzag。
Zigzag﹕(冷冷地說)你好。(軒仔諗左一陣之後只係輕輕點左頭)
唔知點解, 我覺得呢個人好大壓迫感..........佢個樣唔係惡, 但有種好惡ge感覺..........
Zigzag﹕多謝你送我女朋友o黎喎。(軒仔又只係點一點頭)
Zigzag﹕(拖住Vivian隻手)好喇, 我地走la!
Vivian﹕o下? 走拿?
Zigzag﹕仲唔走! 貪呢度香咩! 走la! (之後就拖走左Vivian)
果個人真係好怪.........同佢一齊ge不安感比任何人都大...........我同佢只係第一次見, 佢又唔識我我又唔識佢, 我亦冇得罪佢, 究竟點解會咁?
(第二日小息, 軒仔一個人坐o係學校花園ge石凳上)
Vivian﹕(行埋o黎)軒仔? 你o係度做咩?
軒﹕妳.......冇野ya ma?
Vivian﹕(笑)都話左冇野咯! 做咩咁有閒情逸志一個人o係度沉思ar?
軒﹕........妳點解......要咁做?
Vivian﹕唔??
軒﹕尋日o係法庭........妳幫我擋..........
Vivian﹕因為我真係唔想再俾你受傷喇!
軒﹕但係.....妳自己搞到咁...........
Vivian﹕唔緊要la! 你冇事就得喇! 總之你以後有咩事, 只要我幫得到我都會幫ga!
軒﹕(眼紅)就算會死.......妳都幫??
Vivian﹕嗯! (呢個時候, 軒仔忍唔住流淚)
Vivian﹕軒仔........你做咩ar?
軒﹕(即刻抹眼淚扮冇野)咩ar?? 冇野ar!!
Vivian﹕你對眼紅左喎!
軒﹕邊有ar! 冇ar!!
Vivian﹕唔係喎! 你喊ar?
軒﹕做咩係都要踢爆人ge o者?? 俾返少少面人得唔得o者??
Vivian﹕Sorry Sorry.........唔講喇。
佢做ge野竟然可以令我感動? 唔通我真係會輸俾佢??
軒﹕............因為從來都冇人會為左我......咁樣做........
Vivian﹕你阿媽唔會ge咩?
軒﹕.........可能咁多年都冇乜危險事發生過.........(Vivian心諗﹕唔係ar? 冇乜??)
Vivian﹕咁你係我學生o黎ga ma, 我係應該保護你ga!
軒﹕(面紅)..............多謝................
Vivian﹕(笑)你開心D la! 人係應該開心咁生活o係呢個世界上ga ma!
軒﹕點解妳成日都咁開心?
Vivian﹕因為呢個世界有愛lor!
愛? 即係我成日強調我唔需要果樣野? 有左愛........真係會開心D ga咩??
Vivian﹕你起碼都笑下ya! (軒仔諗左好耐之後, 終於都擠出一個微笑)
Vivian﹕咁咪幾好! 你笑個樣好可愛ga!
可愛? 呢個係一個用o黎形容我ge詞語咩? 從來都冇人咁樣形容我.........佢竟然會咁樣講?
Vivian﹕喂! 我已經改變到你lor喎!
軒﹕妳只係令我笑咋喎!
Vivian﹕咁都算係一個改變ya!
咁即係話.......我輸左俾佢? 點解會咁? 但係......我好似都心甘情願咁ge? 呢個女人竟然有咁大威力??
Vivian﹕好喇! 唔同你講喇! 你記住要開心D ar! Bye!! (走左)
(軒仔望住Vivian ge背影, 覺得好不可思議)
(夜晚, 軒仔屋企, 軒仔o係房度回憶返今日發生ge事)
「你冇事就得喇! 總之你以後有咩事, 只要我幫得到我都會幫ga!」
「你開心D la! 人係應該開心咁生活o係呢個世界上ga ma!」
「咁咪幾好! 你笑個樣好可愛ga!」
(第二日, 軒仔返到班房, 唔小心踢到人地個書包)
軒﹕Sorry ar! (D同學全部都好驚訝)
女同學A﹕點.......點解你會講Sorry ga??
軒﹕我諗過喇! 由今日開始我要用新面目見人!
我真係徹徹底底咁輸左俾佢。真係估唔到佢竟然可以改變到我。由呢日開始, 我唔再cool, 唔再寸, 唔再亂咁得罪人, 出現o係大家身邊ge我已經係一個全新ge我。而家D人終於肯同我做朋友, 同埋可能因為我太靚仔ge關係>v<, D女仔開始接近我。
(軒仔打緊籃球)
女同學們﹕呀~!! 軒仔~!!>v<
(之後o係班房, 軒仔o係櫃桶發現一封信, 於是就打開o黎睇, 佢睇左之後有D驚訝)
~待續~ [quote]Originally posted by [i]elvisfong2003[/i] at 2005-9-26 09:04 PM:
你係邊度有ga,好好睇wo [/quote]
朋友找的.我都覺得幾好睇.放心我會繼續post的.:o:cool: 最後Vivian會同軒仔............... 你 post 晒之後我再補返分比你，好睇~ 第7 回快d上就好 [quote]Originally posted by [i]elvisfong2003[/i] at 2005-9-27 06:13 PM:
第7 回快d上就好 [/quote]
OK 我即刻post 多兩集.哈哈 ~愛~7
~愛~
作者﹕Didi
<第七回>
咁大張紙裡面淨係得用粉紅色筆寫住ge一句﹕「放學之後o係花圃等」。通常呢D情況, 一係就
有人搵我尋仇, 一係就係有女仔搵我........而o係呢一刻, 我諗到ge淨係得女仔..........
(放學之後, 軒仔真係去左花圃, 突然有個女仔跑過o黎)
女﹕軒仔!! (走到埋去)
軒﹕(心跳加速)......咦? 妳..........(諗左一陣).......妳係邊個?? (個女仔聽到之後, 即刻喊左出o黎)
女﹕(喊)太過份喇!! 同你同班都唔記得!!
軒﹕(不知所措)Sorry ar sorry ar........妳知我以前係點o格!!
因為我以前好討厭世界, 身邊ge野根本唔會理, 班裡面ge人一個都唔識......除左打我果班人之外 。但我估唔到一句就可以整喊人, 呢次係我第一次整喊女仔, 我講到尾都係個男仔, 遇到呢D事真係唔知點好! 不過呢個女仔ge喊樣真係好可愛, 連我都睇得入迷..........
女﹕(平復返少少)我係莊嘉茹ar! 我坐近門口第二行第三個位ga! 我英文名叫Toby ar! 記得未ar??
軒﹕記得記得........唔好喊la!
佢實在太可愛, 令我忍唔住親手幫佢抹眼淚。我都係第一次咁樣做, 感受住佢面上ge熱同佢ge眼淚, 原來會令我心跳越o黎越快, 身體越o黎越熱..........
軒﹕........Toby.........妳搵我咩事ar??
Toby﹕(抹返D眼淚)我諗我頭先做ge野都講明晒la?
軒﹕o下? (面紅)..........即係點?
Toby﹕(面紅)人地女仔o黎ga ma! 唔好要人講到咁白先得ga!
其實我完全明白佢想講咩, 但真係唔知點樣答佢..........
Toby﹕點o者? 你明唔明o者??
軒﹕(面紅).........我...........(未等軒仔講完, Toby已經咀左軒仔一啖)
Toby﹕明未ar? 一個女仔好難得做主動ga! (軒仔塊面變到勁紅, 個心跳得勁快, 終於抵受唔住暈
低左)
Toby﹕軒仔!! 軒仔!! 你點ar??
(軒仔張開眼之後, 發現自己訓o係保健室張床度)
軒﹕大佬ar! 點解又係呢度ga??
Toby﹕你醒拿? 你點ar? 頭先真係嚇死我ar!!
救命ar! o係一個女仔面前暈低已經夠瘀la! 仲要係因為俾人咀左一啖而暈低! 俾人知道左實瘀死我ar!
輝﹕(走入保健室)軒仔! 聽講你俾人咀到暈左喎!
軒﹕(面紅)你咁大聲做咩ar!!
佢叫阿輝, 係我第一個fd, 雖然佢都叫做有我咁靚仔, 但佢好貪玩同多口, 令我成日打佢。
輝﹕(大聲)你就正la! 界到Toby呢個靚女!
軒﹕(打阿輝個頭)你仲要大聲D個喎!!
Toby﹕軒仔.........咁你即係.........受唔受o者?
軒﹕(面紅).................
Toby﹕等你遲D諗到先答我la!
Toby唔算係特別靚, 但好可愛, 由佢ge爽朗, 佢ge大膽至到佢講野果種嬌o爹, 我都只可以用
可愛o黎形容, 同埋佢唔係特別細粒, 但就硬係令人好想保護佢, 尤其係佢喊果陣, 會令人好想攬實佢唔放, 確實係個令人難以抗拒ge好女仔。
輝﹕喂! 冇野就走la!
軒﹕(打阿輝個頭)記住唔好講俾人知我暈低ar!
Toby﹕軒仔!
軒﹕唔?
Toby﹕你好可愛ar! (軒仔塊面又紅晒)
又有人讚我可愛喇, 今次係俾一個可愛ge人讚我可愛, 係繼Miss Yau之後第二個...........Miss Yau? 如果俾佢知道我拍拖點算呢...........關佢咩事喎! 佢又唔係我邊個! 點解我會咁諗ga??
(第二日Maths堂, 有個阿Sir行左入班房)
Sir﹕Miss Yau今日請左病假, 你地今堂自修la! (軒仔聽到之後, 突然覺得沮喪)
咦? 佢冇返關我咩事? 點解我要唔開心?? 可能因為我鍾意計Maths掛! 唔係! 應該係......一
定係!
(o係Vivian屋企, Vivian o係床度休息)
Zigzag﹕(捧住碗粥去Vivian度)食得喇!
Vivian﹕唔該晒ar!
Zigzag﹕我餵妳ya! (Vivian食左一啖)點ar?
Vivian﹕你煮乜都好食ga la!
Zigzag﹕多謝!
Vivian﹕係喎! 你今日唔係要同E-kids錄音ga咩?
Zigzag﹕我要照顧妳ga ma! 遲少少有咩所謂ya?
Vivian﹕唔得! 做野緊要ar! 快D去la! 我自己休息下得ga喇!
Zigzag﹕唔.............咁好la! 好好休息ar! (走去門口)
Zigzag﹕係喇, Vivian.........妳愛唔愛我ar?
Vivian﹕傻瓜! 我梗係愛你la!
Zigzag﹕淨係愛我一個?
Vivian﹕唔係你仲想有邊個ar?
Zigzag﹕(笑)拿! 妳唔好講大話ar! 早D休息la! Bye Bye! (互相飛吻完之後就走左)
Vivian﹕佢做咩無端端咁問呢?
~待續~ ~愛~8
~愛~
作者﹕Didi
<第八回>
(o係學校)
軒﹕Toby!
Toby﹕(心跳加速)係?
軒﹕(面紅)妳.........妳做我女朋友ya!!
Toby﹕(面紅)咩話??
軒﹕做我女朋友ya!!
Toby﹕真ga??
軒﹕係ar!! (之後Toby就好開心咁攬住軒仔)
我已經揀定左Toby, 我就唔會再三心兩意。邊有得三心兩意? Miss Yau同我頂到籠都只係朋友關係, 我對佢唔會有feel, 而且Toby確實係好可愛, 呢樣野佢絕對比唔上Toby! 所以我可以全心全意咁鍾意Toby喇! 好! 就咁決定!
(之後Toby就拖住軒仔隻手大搖大擺咁o係走廊度行)
軒﹕Toby........駛唔駛咁揚ar?
Toby﹕可以做你女朋友咁開心, 我只係想將呢個喜悅講俾全世界知o者!
(呢個時候, Vivian o係走廊行過)
軒﹕(緊張)有Miss ar! 快D放手la!
Toby﹕唔緊要la! 呢間學校D老師好開通ga! (Vivian行到埋o黎)Miss Yau!
Vivian﹕Hello! (望住佢地隻手)咦? 你地.........
軒﹕(甩開Toby隻手)我.......我地冇野ga!
Toby﹕(拖返軒仔隻手)你怕咩o者!
Vivian﹕(笑)拍拖還拍拖, 記住要讀好D書ar!
Toby﹕知道! (之後Vivian走左)
點解我會介意俾佢見到我地一齊ga? 佢見到又點ar? 我而家鍾意果個係Toby喎! 關佢咩事ar?? 究竟我o係度諗乜ar??
(之後Toby繼續拖住軒仔隻手o係走廊大搖大擺咁行)
軒﹕呀! 係ar!
Toby﹕咩ar?
軒﹕都係唔好咁揚喇! 我驚會.........
Toby﹕會點ar? (但係軒仔又講唔出)
Toby﹕會點o者?
軒﹕總之妳小心D la!
Toby﹕??????????
(之後Toby去左locker度, 一打開就見到有隻青蛙彈出o黎, 彈左上佢個頭度)
Toby﹕呀~~~~~~~~~~~~!! (阿輝聽到Toby ge尖叫聲之後即刻衝埋o黎)
輝﹕Toby!! 咩事ar??
Toby﹕(指住隻青蛙)快D幫我整走佢ar!! (之後阿輝就好努力咁幫佢捉青蛙, 但隻青蛙走得太快, 佢捉唔到, 其間仲引起一陣騷亂)
(之後有班女仔行埋Toby度)
Toby﹕(有D驚)咩......咩事?
女1﹕我地有野同妳講!
Toby﹕講咩ar?
女2﹕妳都好大膽喎!
Toby﹕大咩膽ar?
女3﹕做到軒仔條女就o係度晒命?
Toby﹕唔通妳地..........全部都係鍾意軒仔ge?
女4﹕唔好同佢講咁多喇! 打左先算la!
Toby﹕唔好ar~~~~~~~!! (阿輝終於捉到隻青蛙, 佢聽到Toby ge叫聲之後即刻衝埋去)
輝﹕Toby!! (呢個時候, 軒仔都衝埋o黎)
軒﹕停手ar!!
女﹕軒軒軒軒軒.......軒仔!!
輝﹕你有冇搞錯ar? 你唔好下世先o黎? 你點做人男朋友ga??
軒﹕我去緊廁所ya ma!!
Toby﹕(喊住攬住軒仔)軒仔~!!
軒﹕唔駛驚, 有我o係度!
女1﹕軒仔! 你唔係認真ya ma?
軒﹕我已經決定左做佢男朋友, 由今日開始我就會盡男朋友ge本份, 唔會俾人傷害到佢!
Toby﹕(感動)軒仔..............(阿輝聽到有D唔開心)
(咁o岩Vivian行過聽到, 軒仔都見到Vivian)
佢聽到晒我講ge野? 我頭先講左乜野? 唔係喎........俾佢聽到有咩所謂? 我都話左我係鍾意Toby ga la.......我唔可以再在意佢ga喇!
(放學之後, 軒仔同Toby一齊行)
軒﹕Toby ar!
Toby﹕唔?
軒﹕點解妳鍾意我? 係咪因為我個樣?
Toby﹕我鍾意你所有野!
軒﹕所有野? 你真係知我係點咩?
Toby﹕我淨係覺得你好值得我去鍾意lor!
呢個都係Toby ge可愛之處, 佢鍾意一個人好簡單, 鍾意就係鍾意, 冇咩特別原因, 總之就鍾意。
Toby﹕咁你覺得我值唔值得你鍾意ar?
軒﹕(笑)如果唔值得我就唔會肯做妳男朋友la!
Toby﹕真ge? (軒仔又對佢笑一笑, 跟住Toby就好開心咁挨左落軒仔個膊頭度)
究竟我係咪真係鍾意Toby呢? 我諗我應該係鍾意佢ge lor! 因為佢好難令我抗拒ar! 點都好la! 我鍾意ge就得佢一個! 唔會有第二個!!
~待續~ 嘩!!!軒仔好多女仔鐘意wo [quote]Originally posted by [i]elvisfong2003[/i] at 2005-9-27 07:51 PM:
嘩!!!軒仔好多女仔鐘意wo [/quote]
多謝你的收睇呀.;)