熱火今年0既屈機陣容,成績會如何?
巨無霸誠邀 披頓投熱火【明報專訊】37歲老牌後衛披頓在「巨無霸」奧尼爾的誠意打動下，昨天落實以年薪853萬港元（110萬美元）與熱火簽約一年，兩人將會繼2003/04球季在湖人後再次並肩作戰，而披頓的加盟將會為控球後衛積遜威廉士提供強力支援。
曾9度入選明星隊的披頓去季效力塞爾特人，平均每場取得11.3分及6.1次助攻，雖然他已不復當年勇，但其穩定防守力及豐富經驗，對熱火爭標仍有很大幫助，披頓說﹕「積遜威廉士只是一位年輕後衛，他從沒得到一位好像我的前輩從旁提點，所以我加盟熱火不是要與他爭正選，我只是希望盡力協助他改善表現。」再加上熱火之前先後羅致了安東獲加和普斯等球員，熱火來季實力大增。
年薪853萬港元
今次披頓答應轉投熱火，部分原因是為了奧尼爾，披頓說﹕「我與奧尼爾一向老友鬼鬼，兩年前亦是他邀請我加盟湖人的，可惜我們在總決賽敗於活塞手下，今次奧尼爾又向我招手，我怎能拒絕他呢﹗我只希望我們今次能勇奪總冠軍。」 都系SPUR同HEAT之争噶啦~~~~ if lakers could lose with tht super star square two years ago..........i thk evrything could be possible 坐亞望冠!!! 東西岸決賽止步(四強) 我覺得輸係總決賽 如果磨合得好，有機會打贏馬剌。 正選五人:Jason Williams Dwyane Wade James Posey Udonis Haslem Shaquille O'Neal
後備五人:Gary Payton Shandon Anderson Antoine Walker Michael Doleac Alonzo Mourning
仲有500萬中產合約一份。 總冠軍都有機會可以!!! 使唔使咁早講啊, 可能馬刺, 活塞等都會增兵呢?? 熱火 經過大型的整合後, 長遠實力增強
但相信短期內 同活塞, 馬刺重有一段頗長的距離 我驚佢物極必反~好似湖人4天王咁(雖然得kobe一個時仲不濟) 太屈機了... [quote]Originally posted by [i]Lap Hui[/i] at 2005-9-24 13:54:
使唔使咁早講啊, 可能馬刺, 活塞等都會增兵呢?? [/quote]
應該無啦。兩隊都到左球隊球員同薪金上限，無可能再有新成員，除非係唔要本來球員啦。
不過太早講就真，熱火陣容強就真係好強，不過要睇佢地融合如何，先至可以估計成績如何。依家實在有太多不穩定因素。
[[i] Last edited by shaqkobe on 2005-9-24 at 03:44 PM [/i]] [quote]Originally posted by [i]YUEN_LOUIS[/i] at 2005-9-24 15:10:
我驚佢物極必反~好似湖人4天王咁(雖然得kobe一個時仲不濟) [/quote]
論陣容我覺得熱火比果時果時F4湖人有過之而無不及。睇返果時既陣容，由於kobe同shaq已經用左球隊大部份資金，就算payton490萬+malone110萬已經超值，不過其他替補琳員就真係好弱。最強都係fisher。所以係長久賽季裡面就殘晒。
至於依家熱火既後備力量就充足好多，而且打東岸，對手實力較弱，常規賽打少好多場硬仗，主力球員應可有更充足休息，shaq受到上季季尾受傷既教訓，對留力應更有決心，唔會為面子而搏老命。payton打後備，体力上唔會好似果時F4咁，頂唔住。
球隊球員合作融洽，唔會有果時shaq vs kobe既程況出現。 [quote]Originally posted by [i]shaqkobe[/i] at 2005-9-24 03:44 PM:
論陣容我覺得熱火比果時果時F4湖人... [/quote]
(1)韋迪及不上高比, 比高比更獨食了, 有一點獨行獨斷
全隊都未夾熟 有此子不斷係咁 中央切入入樽 條橋用得太死
可能將會好似 以前既柏加咁 畀睇穿封殺 再令本以 合作經驗不足既熱火 雪上加霜
(2)而且夏士林亦不及馬龍吧
奧尼爾正走下坡, 在籃板(10.4)和球感方面 已被 鄧肯(11.?), 加尼特(13.X)等逐漸放離
再加上同是老將的 積臣威廉士, 獲加, 莫寧, 披頓,
熱火 跟以前 以老將做主力 加個韋迪
長遠還是不太樂觀
(3)熱火實在太著重金錢的力量
用錢用到差唔多到 薪金上限
比馬刺 用多不知幾多錢
熱火事實上再無乜彎轉
因為想請人加盟 都無錢畀人工啦!
但人地見勢色唔掂仲可以 臨時買D球員塞住個漏洞
熱火呢? 一有乜野突然間既意外 咁就恐怕神仙難救了
看來, 熱火又是NBA另一個 哂冷 博一季冠軍的冒險了
但對著 實力明顯加強但仲有錢未用 既 馬刺
同 經驗豐富, 合作力超強 但球員仲未開始退化 既活塞
熱火前景實在不值得過於樂觀 總冠軍 That's the other problem you guys may never think of it:
Can Stan Van Gundy take care all of this 12 people, to make them happy???
do u see the example in Dallas 2 years ago when A Walker and A Jamison on the bench?
even Don Nelson couldn't handle that situation.......
Well, sometimes, a team which may have too many "stars", there may not be as good as we expect....... 其實論用錢上，熱火都仲有唔少空間。至少仲有份中產合約500萬，同埋一份170萬既條約，季中見唔對路都仲有錢用。
至於shaq問題係係度，不過唔好唔記得佢依家過左東岸，有超過一半既比賽唔駛佢上場，熱火都一樣可以贏波。就好似上年咁，佢好多場都打得輕輕鬆鬆。最終佢傷左只是佢為面子，到季尾都死要打，想話俾全世界知自己過到熱火，熱火既戰積幾咁好。不過就換黎季後賽未能上場。我林佢今年一定會得到考訓。仲有籃板能力強係呢個時代一向唔係中鋒既工作，大多由中鋒頂位，大前鋒去搶，haslem就係咁羅到成10個籃板。
獲加同jason又何算是老將？披頓和莫寧亦只是後備，佢地既体能應可應付今場十數分鐘的比賽。
wade比kobe更獨食？如何見得？只從助攻數字作判斷？？？加上依家仲有jason同payton兩個一級控衛，節奏控製上可以落係佢地身上。wade可以更專注於進攻。至於wade既進攻門路係少，唔係砌入就係中距離，不過佢仲有大大既進步空間吧。
haslem比不上馬龍，只是有進攻上較弱一點。對抗性不比年老馬龍差太遠，而且夠拼搏夠後生，正好彌補shaq因年老的活力不足。有專家指出halsem係咁多位shaq內線幫手中，最好的一個。籃板能力更高於當時年老既馬龍。加上仲有A.walker既進攻能力，二人絕對比malone更佳。
而且仲有posey有活力有才華，正好彌補湖人或上年熱火正正缺少的SF位置上既空動。
潛在不穩定因素確有不少，如明星球員太多。不過就比當時湖人明朗。至少shaq同wade感情較好，shaq一早擺定wade做老大，有晒落台階！payton當年在F4就成日話無機會，不過事實上佢上年140萬簽celtics已經乜都放低晒，上年幾靜，只顧做好自己。佢依家講明今年可能係最後一季，睇黎佢可以放底個人得失，只為球隊利益為先，講明不介意做後備全力輔助jason。至於jason以前就話鐘意個人表演，不過經過調教之後，佢依家已經係一個穩重既球員，爭波打機會唔大。最大問題都係walker，出左命濫射。球員中最不穩定既就係佢。雲根迪又係一個問題，資歷低，不過有鐵腕萊利係後面頂住。
講左咁多野唔係話熱火羅總冠軍好大機會。不過我只係從陣容上看其實力，比當年F4有過之而無不及，亦不會比活塞、馬刺差太遠。
坦白講呢一刻要話熱火好勁羅梗冠軍，好唔公平。不過林深一層係呢個程況你話熱火好多問題一定唔掂、難以比得上活塞、馬刺都一樣唔公平者。始終一切都要睇佢地實際既磨合表現，我只係想講一句，如果佢地整合得黎，實力會係聯盟數一數二的強隊，如果佢地成功絕對有力染指冠軍。
[[i] Last edited by shaqkobe on 2005-9-24 at 09:07 PM [/i]] 我不是太識nba請球員的標準,可否講解下