[轉貼] 兩公婆日常對話[fw]--- reply if u think it's funny^^[月+]
兩公婆日常對話老婆：「你對性有乜睇法？」
老公：「睇法就無乜，做法反而有好多喎！」
兩公婆日常對話
老婆返工前：「老公呀，激死我啦，D頭髮吹極都塔落黎，點算呀，係咪好樣衰呀？」
老公：「唔係o丫！妳樣衰唔關D頭髮事！」
老公帶老婆出席公司活動
老公：「下星期日，我公司搞左個遊船河，你同唔同我去呀？」
老婆：「好呀，老公呀，你話我著o個日買個件比堅尼去好唔好呀？」
老公：「梗係唔好啦！盞人地以為我為左錢先至同你結婚呀！」
睇掌
老婆：「老公，快D幫我睇下我呢D係咪叫斷掌？」
老公：「仲駛睇？一定係喇。」
老婆：「點解呀？」
老公：「如果唔係，我呢世人點會就咁就白白斷送左係你手上o丫！」
網上購物
王太係Internet上面睇到一間德國狗店既Homepage，
可以係網上買到經過訓練既純種警犬，佢見到D狗咁得意，咪買隻玩下o羅。
一星期後，警犬運到，王太一睇，點知發現送黎既竟然係一隻雜種狗，於是扯哂火咁打電話去個間狗鋪。
王太：「呢隻都算係警犬呀？你地有冇送錯地址呀！」
狗店負責人：「無…………你都覺得佢唔似呢，咁證明我地既訓練係好成功啦，佢係隻便衣黎架！』
外母，我怪錯你啦
亞明同亞恩兩公婆今日鬧大交 ，
亞恩眼淚鼻涕一齊流，對住亞明話：「早知我就聽亞媽講，唔好嫁比你！」
亞明噩左然，跟住就問：「你話咩話…………妳亞媽以前阻止妳嫁比我？」
亞恩點左一下頭…………
亞明就出力咁"dump"左自己心口一野，跟住同亞恩講：「老婆，咁多年黎我都怪錯@@喇！」
[[i] Last edited by 月月鳥 on 2005-10-2 at 11:12 PM [/i]]
頁:
[1]