[quote]Originally posted by [i]donald15[/i] at 2005-10-30 22:35:
你想法咪錯左囉
曼聯全盛時既打法... [/quote]
講咁多,不如你同費格遜搵一個理由點解要由4-4-2改4-3-3,朴智星,C朗拿度,傑斯都係正宗快翼,佢地仲有5個前鋒,減去受傷嘅蘇斯克查同沙夏都仲有3個,打乜鬼4-3-3啫,仲未輸夠咩,好多曼聯迷認定費格遜用嘅陣係啱嘅,再從中搵球員排陣,但其實個陣都已經唔啱曼聯打,我話佢要出C朗拿度,史高斯,ALAN SMITH,朴智星就梗係要佢打4-4-2啦,唔通叫佢打9-0-1咩,英超聯風格唔同其他聯賽,佢地速度比較快,而且MARK人比較貼身,費查一係就打死防中,要佢攻守兼顧不如叫佢去死,用開贏波嘅陣一般都唔會變,曼聯由雙翼齊飛起家稱霸歐洲,轉乜鬼陣式,而且自從打左4-3-3之後都未好過,都應該係時候食返老本啦
[quote]Originally posted by [i]donald15[/i] at 2005-10-30 20:37:
我只可以講你既見解好得意
你話買... [/quote]
基巴臣出場次數真係一隻手都數得哂,車路士唔係下下贏夠數先換人入場,上場侯夫都打正選,亦因此輸波,今年曼聯傷兵係多,但上年呢,前年呢,我唔係話曼聯可以學車路士,我只不過話摩連奴懂得用人同協調球隊,你睇下車路士無論出邊個都有默契同狀態,這唔係一件容易嘅事,我地打WE都唔一定可以平衡到球員出場機會啦,何況佢地仲要係現實生活
[quote]Originally posted by [i]丹山[/i] at 2005-10-30 07:50 PM:
其實並非如你所講無腳法
睇得佢多 就會知道其實佢其實幾冷靜 成日都通人渠過完再出
出波都幾好
有唔少座攻 不過係中堅不穩之下 搵佢打中堅相信會放心很多
[/quote]
丹山兄你也覺得奥沙打中堅不錯嗎？
其實佢同史維斯達交換番個位就差唔多、奥沙搭李奧真係俾到人信心
至於奥沙既腳法，我真的不敢苟同。
佢應付英超中下遊球隊就唔錯，但當對英超或歐洲列強後衛時就顯得相形見絀。
不過唔緊要，佢都係做替工、希望佢最終係中堅位置找到一席位啦！
如小弟愚見令丹山兄有所不快，還望兄多多見諒。
抵死-.-
[quote]Originally posted by [i]ciger[/i] at 2005-10-31 01:07 AM:
講咁多,不如你同費格遜搵一個理由點... [/quote]
由442演變到433其實有好多個楷段同因素演變出黎
你要明白一個領隊係唔會謬謬然改變陣式既
況且呢個係費格遜難聽d講句佢教波o個陣你都未出世
3冠o個陣係好好
但係前面既高爾同約基再交唔出水準所以費sir就搵雲佬番黎
到搵雲佬番黎為左配合番雲佬既踢法而改變用4411
但係試左好耐4411都冇乜進展
就演變都今年既433
某程度上轉陣係為左雲佬既自己搵食能力而轉既
呢個原因其實好多人都知
不過你咁樣講到442頭頭是道既話你估費sir有冇諗過呢
如果佢諗唔到而你又諗到又work既我諗你唔駛坐係到同我吹水
一早比人搵左你去教過啦
一個教左幾十年波既領隊佢做既野我唔敢話佢岩晒
不過佢做事總有佢既道理
作為一個領隊有邊個唔想自己隊波稱皇稱霸
不過我都明白你既心態既
始終呢個交接期慢慢等下你
冇一隊波可以一直處於高峰既
梗係會有d挫折先會有進步
[quote]Originally posted by [i]ciger[/i] at 2005-10-31 01:16 AM:
基巴臣出場次數真係一隻手都數得哂,... [/quote]
冇辨法架始終人地質素平均
[quote]Originally posted by [i]donald15[/i] at 2005-10-31 01:38:
由442演變到433其實有好多個楷段同... [/quote]
唔好意思,我出世時比利都仲踢緊波,我諗費格遜教唔到30年波,我睇波時費格遜都未教曼聯
你這種想法即係信名牌,咁即係以後世界上任何一支'職業'球隊我地都唔可以話佢唔啱,因為佢地請嘅都係有專業資格嘅教練,乜野叫做好唔好不需要由我地去界定,佢地嘅成績就已經話左比我地聽,費格遜唔打4-4-2可以有好多原因,我諗你都唔清楚,因為你一定冇親耳聽佢講過,但好肯定講句就係曼聯過往打4-4-2時比現在打4-3-3好,如果現在打4-4-2都冇起色就證明現在嘅曼聯唔適合打4-4-2,但你有冇見過?又點可以肯定唔得,與其成日話唔夠人錢多所以成績唔及人不如睇下查爾頓同韋根啦,講錢講人都係曼聯強,但到現在成績呢
4-4-2兩翼側擊之所以適合曼聯係因為唔需要有創造力高嘅攻中,但4-3-3就要有好嘅攻中,史高斯強在佢嘅埋門,唔係創造力,打4-4-2佢只需要分波比兩邊就得,但4-3-3就需要佢在中場穿針引線,簡東拿時期嘅曼聯就得,到3冠皇時已經要靠兩翼側擊,所以我敢講曼聯最佳陣武一定唔係4-3-3
[quote]Originally posted by [i]ciger[/i] at 2005-10-31 03:36 AM:
唔好意思,我出世時比利都仲踢緊波,... [/quote]
有陣時呢
睇字就唔好睇咁死
話難聽d講句姐
你就真係作回應
不過你呢次就真係捉蟲啦
今個球季而經係費格遜執教生涯既第33個球季
74年7月開始教第一個球季
其實我唔係信名牌
我係信佢既經驗
大大話話超過30年既執教經駛
佢有乜未用過未試過呢
成績好與壞當然與教練有好大關系
但係足球係有好多臨場因素黎主宰勝負
冇錯錢未必係最主要因素
不過冇錢既話就一定涯唔到半季
除左錢外其次既就係球員既士氣
依家既曼聯就係欠缺士氣
就連隊長都唔想踢
就算你打咩陣球員全部係頂級
結果都只係會輸
442兩邊出波係簡單直接
但係以依家既朴智星同c7放佢打兩邊冇錯佢地突破能力係好強
但係要斬出靚波比中間直接攻門
可以講話係未夠班
不過唔好以為442靠兩邊就唔需要中場既keyman
keyman呢個位跟本就係現金打得出成績球隊既最重要棋子
照你所講齋用兩邊出波中間冇keyman送攻模式就變到得返一個
對手就會針對呢個打法集中防守兩邊
咁你就成場波企係到唔駛玩囉
不過依家點講都冇用架啦
依家無論打咩陣式都好唯一球星就係真係簽波歷克番黎
曼聯最需要既係keyman
曼聯有無得救仲係未知之數
不過我仍然會撐曼聯
睇埋佢對里爾同車路士先講係唔係冇得救
如果曼聯o係聯賽win左車仔 咁聯賽就唔會冇意義
費sir係有料之人 希望佢盡快諗到串起隊波o既辦法啦
[quote]Originally posted by [i]stereo[/i] at 2005-10-31 01:24 AM:
丹山兄你也覺得奥沙打中堅不錯... [/quote]
這個其實大部份人都有同感的
腳法就 打閘既 其實唔洗咁多腳法既我覺得
熟右腳 左腳又出到波 軒斯都係咁上下
閘我覺得佢勝任有餘既
不過如果同一同施維調位
效果一定更好
[[i] Last edited by 丹山 on 2005-10-31 at 10:29 PM [/i]]
[quote]Originally posted by [i]donald15[/i] at 2005-10-31 20:18:
有陣時呢
睇字就唔好睇咁死
話難... [/quote]
[quote]
不過唔好以為442靠兩邊就唔需要中場既keyman
keyman呢個位跟本就係現金打得出成績球隊既最重要棋子
[color=Red]照你所講齋用兩邊出波中間冇keyman送攻模式就變到得返一個[/color]
對手就會針對呢個打法集中防守兩邊
咁你就成場波企係到唔駛玩囉
[/quote]
點解你對足球嘅理解係非黑即白,係減少keyman嘅工作量唔等於冇keyman,單翼鋒會變得好單調,而keyman亦都好難分波,因為得一個目標,雙翼鋒就唔同,中間分波對手都唔知你會比去左定右,但單翼鋒對手跟住一個就得,其他人可以移入中間協防,現今打得出成績嘅球隊有keyman之餘都會有兩個翼鋒,咁keyman先有選擇去交波,前面一個前鋒入禁區,剩下一個翼鋒係人都知你交去邊到啦,史高斯自己突破力又唔強,唔同細哨可以出乎意料地自己去波,對手就好易佈防,曼聯唔掂已經唔係今季嘅事,從打單箭頭開始已經唔掂,只不過今季傷兵多左先更加嚴重
我覺得費sir 最錯= 賣走左碧咸...
自從碧咸走左就一直滑落...
因為man u已經再冇一個可以放到靚直線同出波好既人...
雲佬本來頭頂都唔錯...再者c 7 都係...但係冇人出到波...
進攻模式太單調...
雖然你可以話賣走碧咸因為佢就黎入黃昏期...
但係睇佢呢2年踢皇馬都好掂...七旋斬無敵=.="
過多2年先賣仲好...雖然價錢一定低好多...
不過好過而家又要花幾多錢買人去補位....仲要係無成效
ps...我唔係碧咸d fans...
[quote]Originally posted by [i]ciger[/i] at 2005-10-31 11:04 PM:
點解你對足球嘅理解係非黑即白,... [/quote]
其實你都唔好得好多姐
死都比你講番生
一時又話要放442
轉個手又話要番翼鋒出波
你玩晒啦
同你講都晒氣
你慢慢玩啦
[quote]Originally posted by [i]donald15[/i] at 2005-10-31 23:19:
其實你都唔好得好多姐
死都比你講番生
一時又話要放442
轉個手又話要番翼鋒出波
你玩晒啦
同你講都晒氣
你慢慢玩啦 [/quote]
大哥,你思覺失調呀,你睇番我第#58嘅post,我一向都話曼聯要打[color=Red]兩[/color]翼鋒出波,4-4-2咪一左一右加兩個中間囉,有乜問題呀,我只不過話要[color=Red]兩[/color]翼出波,唔係[color=Red]單[/color]翼出波,乜曼聯三冠王時碧咸傑斯唔係兩翼出波咩?
[[i] Last edited by ciger on 2005-10-31 at 11:27 PM [/i]]
[quote]Originally posted by [i]ciger[/i] at 2005-10-31 11:04 PM:
點解你對足球嘅理解係非黑即白,... [/quote]
哈~你有冇聽摩連奴講過" 現今既足球...兩個前鋒攻擊力不等於一個前鋒既2倍~"
[quote]Originally posted by [i]塵埃[/i] at 2005-10-31 23:26:
哈~你有冇聽摩連奴講過" 現今既足球...兩個前鋒攻擊力不等於一個前鋒既2倍~" [/quote]
摩連奴自己都試過出三箭頭啦,唔同踢法同球員質素有唔同效果,巴西都係打雙箭頭,唔通又因為摩連奴一句說話又走去打單箭頭
哈~但係佢而家唔係呢~
佢一係出基斯普or 杜奧巴...
搭杜夫,洛賓,飛臘斯2個翼鋒...
一個攻中...2個防中...基本上同曼聯冇乜分別=.="
巴西方面...如果朗拿度傷左肯定佢出阿祖安奴單箭頭衝哂防線...
朗拿甸奴極其量係一個輔鋒...其他冇乜邊個係有份量既前鋒
[quote]
巴西方面...如果朗拿度傷左肯定佢出阿祖安奴單箭頭衝哂防線...
朗拿甸奴極其量係一個[color=Red]輔鋒...[/color]其他冇乜邊個係有份量既前鋒
[/quote]
這就係問題所在喇,有玩WE都知有一個新名詞叫ST,其實一向都有不過以前都叫埋做前鋒,現在有人將佢細分左,好多球隊現在話打單箭頭,其實佢地都有出一個輔鋒,咁同雙箭頭分別唔大,如果有兩個可以上腳嘅前鋒,例如朗拿度,羅賓奴,亨利等,出兩個都冇問題,但如果好似古莊臣等靠衝撞嘅球員,就好少出兩個
[quote]Originally posted by [i]ciger[/i] at 2005-10-31 11:25 PM:
大哥,你思覺失調呀,你睇番我第#58嘅... [/quote]
你又真係幾搞笑喎
442即4後4中2前鋒
用2個翼鋒咁雲佬唔駛出囉
仲亂咁話人思覺失調
曼聯三冠王時碧咸傑斯係兩翼出波
不過佢地係左右中場
唔該你組織下你自己先亂咁放火啦
最後一post等你無仇報:P
Stay clam. Both of you are correct. No need to argue with 翼鋒 or 中場
For 442A
defense => 中場
attack => 翼鋒
[quote]Originally posted by [i]donald15[/i] at 2005-10-31 23:56:
你又真係幾搞笑喎
442即4後4中2前... [/quote]
你真唔知定假唔知呀,傑斯都唔係左翼?就算碧咸唔係傳統右翼,咁再早D嘅簡察斯基呢?普波斯基呢,佢地都唔係翼?就算排陣名義上係左右中場,功能都係翼啦,4-4-2正是傳統雙翼齊飛嘅陣式,英格蘭當年華杜班尼斯都被譽為出色翼鋒,但咪又係左右中場