[quote]Originally posted by [i]瑞比[/i] at 2005-11-3 19:41:
係唔值
問題係曼聯無佢唔得,佢又要場場踢足,鐵人咩
希望一月買過頂級後防幫輕下佢... [/quote]
買阿爾克馬爾的"奧丹":cool:
佢咁鐘意夢遊球場，早走早啦。
值囉。
毫無疑問
我偶像佢呢排真係踢得好曳
3000萬鎊買番黎唔通佢無做過野??
12萬鎊周薪唔通又佢又懶懶閒啦wo?
咁佢埸埸踢足
唔攰咖?
咁人總有個高低起跌期
依家咪正正係佢低潮囉
況且,波又唔係一個人踢,無錯有幾球真係因為佢失
咁如果曼聯成隊都係有狀態既,傳波控波唔失既,個波又會係人地腳下?
唔可以將責任推晒係佢身上。
我唔係話佢無,佢根本仲係應該要咩晒上身tim
只不過,一隊波,攻入同失守.都係成隊既事
佢依家先2幾歲仔,使唔使咁快話要生要死咁呢
用阿 night個句
輸打嬴要,唔多好wo
[[i] Last edited by 心冷之戀＊行 on 2005-11-3 at 09:03 PM [/i]]
唔值...但又冇人夠班代替佢..所以局住比佢踢
ok...個個都想買走佢...咁買邊個可以頂到佢個位..
而家邊個世界級的後衛會去曼聯??
一級的中堅如果去吾到車仔,寧願番返自己球會做大佬啦...
咁曼聯吾要佢,搵邊個一級中堅呀???
人地岩岩去曼聯個陣,個個都話值,而家人地踢得差佐,就話人地3000萬鎊吾值..
跟紅頂白,你地吾諗下...除佐後防,其實前線同中場都係問題...
3場先入得2球,係強隊的攻力咩?
一個人長期受咁大壓力,先有車仔的長期壓力,跟住續約問題,,樣樣野都令到人好煩...
踢米堡之前個個鬧佢..你俾人鬧得耐,點叻的人都會失準啦...
做咩要針對一個..踢波一team人嫁...
**** 作者被禁止或刪除 內容自動屏蔽 ****
[quote]Originally posted by [i]au212001[/i] at 2005-11-3 08:56 PM:
ok...個個都想買走佢...咁買邊個可以... [/quote]
點解要針對佢??最主要係因為佢最高薪
[quote]Originally posted by [i]lookityourself[/i] at 2005-11-3 09:48 PM:
點解要針對佢??最主要係因為佢最高薪 [/quote]
曼聯宣佈，會與隊中的英格蘭中堅里奧費迪南，續約至二零零九年，正式掃除了幾個月來的不明朗因素。里奧費迪南跟球會原本還有兩年合約，消息說，他續約後周薪將高達[color=Red]十萬鎊。[/color]
不係你地所講ge 12萬
值唔值都要佢踢架啦。:lol:
其實3千萬鎊一開始已經唔值
果時個市都未托高
唔認為有後衛應該值咁多
但佢的確係勁我唔會懷疑呢樣
唔值呢個價
但一定唔可以賣走佢
等等先…
我投值既，佢應該留低，原因有幾個：
一、計佢起曼聯幾年黎既長期表現，三千萬磅轉會絕對值。如果無佢呢幾年黎頂住後防，大家認為曼聯呢幾年頂唔頂得住？
二、有邊個中堅可以頂住佢個位呢？青訓的？還是買人？誰保證到即時可以用合理既價錢買到有級數既中堅？其他球會見你等中堅用，仲唔吊高個價？賣碧咸、賣韋拉，都是例子，前車可鑑。
三、狀態回落就賣既話，成隊曼聯都賣得出去啦係咪？而家里奧除了狀態問題，還有信心問題，壓力大，因為佢知自己價貴，打差少少都俾人罵死，壓力就會黎，壓力一黎，加埋狀態不足，表現就回落，隨之而黎就少左信心，就更難打翻起。
四、佢已經改善緊，仲咩唔繼續俾佢打翻起？
無話值唔值 .
但o係唔出佢 , 唔通出 brown 咩 ?!
定還是出 pique , 等佢腳震下 ?:)
俾下時間人啦
球員總有打唔出水準既時候
可能有私人問題影響呢,
何況之前佢停賽既時候, man utd條防線....
曼聯錯過一次架啦
就係史譚就係因為私人理由放棄一個極具級數既中堅
難道你又想曼聯錯多次
其實里奧費迪南佢都好勤力架啦
回想下佢停賽o個陣時
成隊曼聯入埋都唔夠失救多
佢一出番個後防即刻定晒
咁你又有冇諗過一過球員冇得落場咁耐點樣keep都佢個狀態
佢係呢方面做左好多野真係非所有人能明白
我覺得值喎...起碼後生重可以賣番出去...:P
點解大家唔諗吓之前佢幫咗曼聯後防幾多...唔知有無人記得佢停賽段日子曼聯打成點...豬維豬拍mr. brown死得人啦...唔係話佢兩個踢得唔好...係兩個都壓唔到場...帶住條後防線嚟打...李奧一出番嚟失波即刻小哂...
重有....見有人叫佢唔好玩嘢...其實佢踢法係咁...嬴波就話比較細膩...輸咗波咪俾人話玩嘢囉...唔通要好似新特蘭d後衛咁...一有波就大腳清...如果李奧係呢隻吓吓大腳清嘅後衛...我反而覺得唔值...
[quote]Originally posted by [i]心冷之戀＊行[/i] at 2005-11-3 08:25 PM:
值囉。
毫無疑問
我偶像佢呢排真... [/quote]
Terry and Lampard also play so many game in this season
it not EXCUSE !!
中前場踢得唔好既時候,加上後防傷晒咁滯,仲想靠一個中堅令球隊贏波???
其實佢壓力都好大架....
[quote]Originally posted by [i]tkk2p[/i] at 2005-11-4 10:11 AM:
中前場踢得唔好既時候,加上後防傷晒咁滯,仲想靠一個中堅令球隊贏波???
其實佢壓力都好大架.... [/quote]
咪就係low..只有曼聯球迷先至真正明白...
想佢走的一定吾係曼聯球迷
強如森美爾,去到皇馬,中前場幫助唔大之下,面對咁大既壓力都踢唔到水準