題外話‧‧‧
好鐘意睇女打波‧‧‧唔靚唔緊要，最緊要係身材好，打嗰陣可以用對波夾住支 cue，磨下磨下‧‧‧呵呵呵~~~
[quote]Originally posted by [i]YingTung[/i] at 2005-11-14 12:18 PM:
以前細個會去新旺打,因為以前平,不過o... [/quote]
我就無去咁多地方...因為有d打過唔好我就唔會再去...而家最多都係蒲金輪...其次重有皇子嗰間k.c.同埋東亞...其實最大原因唔周圍去打係因為支cue擺咗喺金輪啫...同埋旺角方便集合嘛~:D
[quote]Originally posted by [i]sonyguy[/i] at 2005-11-14 01:18 PM:
通常都會在k.c 打...即係皇雀會打... [/quote]
唔知會唔會有機會撞到你呢~?:lol:
我都好常喺旺角打...不過金輪多...有時我都會去新旺打...因為我有個fd逢星期六都會落去打...
[quote]Originally posted by [i]sonyguy[/i] at 2005-11-14 01:23 PM:
e+唔同返學果時...
舊屎會為打波... [/quote]
而家我都會約出去打波...其實重可以話同班fd聚吓咁...收工後打到9~10點去食飯...都好爽架~:D
哈~我同朋友篤波係唔講野架~通常篤到第六、七局先開始一路打一路傾計。
因為到尾聲所以開始放鬆同傾閒計。
其實波樓真係好多扮野人,扮野唔緊要,我覺得如果你真係有料就可以串得起,
有o的人成日大大聲講:係咪打波鐘,打波鐘我會認真好多....
我就會留意下呢o的人係咪咁勁,結果...
自己本身唔係勁,所以打波都唔會講咁多野惹人留意。
我同班friend 打波好鬼嘈架...哈~~
但都係講d 無謂野...
唔會大大聲講到自己好勁咁既...
=)
我地又好鍾意聽隔離枱果d 人講果d 野...
有d 真係好攪笑架...
有d 講到之前好勁...但一睇佢地既波...
連好簡單既波都入唔到...好簡單既snooker 都救唔到...
真係諗都諗到佢以前有幾"勁"...
如果隔離枱係賭錢既...
仲好睇...睇住佢地又驚輸...又唔衰得個衰樣...又係超攪笑...
印象中有一次好攪笑...
三四個麻甩佬去打波...
係到傾打幾多錢一度...
幾個大男人...三蚊一度又話細...
四蚊一度又驚輸...
最後話3.5 一度...
笑到我同我班朋友眼淚水都標埋...
真係輸廿幾度既話...要用計數機先得~~
[quote]Originally posted by [i]sonyguy[/i] at 2005-11-15 09:59 AM:
我同班friend 打波好鬼嘈架...哈~~
... [/quote]
我同班FD打都係好嘈架...不過如果得兩個人打又會靜好多喎...不過我蒲開嗰度都識得好多波友...就算我唔嘈都會有人埋嚟打吓牙較...
可能嗰次你見到三四個麻甩佬係我嚟都唔定呀...不過我而家都唔打度LU...淨打$20板(純娛樂+牙較)...起碼鋪波有時唔駛打到尾波鐘都平D嘛~:D
哈...原來係你...
=)
我地在隔離講...
不如十蚊七丫笨...
哈~
幾位經常在波樓打滾既兄台...
你地多唔多見到人"dum"雞...
有一次我在創興間波樓打波...(旺角果度...我成日將創興同始創撈亂)
隔離枱有三個人打緊...
佢地打得好大...
一百蚊一板...輸左變二百...
再輸變四百...點知都輸埋...
最後佢叫人打八百...
佢地講得好大聲...
驚死你聽唔到...
但佢地真係好屎...
近距離直shot 唔入都無突止...
仲要係差好遠果隻...
最高勁果cue 都入唔到三隻ball...
我同我朋友見到流晒口水...
好想埋去叫佢地"jum"埋我地玩...
但又好驚佢地係"dum"雞...
=)
[quote]Originally posted by [i]sonyguy[/i] at 2005-11-15 12:43 PM:
幾位經常在波樓打滾既兄台...
你地多... [/quote]
嗰間波樓係蛇仔明開架...我上過去捧佢場...不過唔係太好打...所以去咗幾次之後就無去lu...見到d人都唔太勁...但係都聽見有人打錢...dum雞都唔奇...
唔識嘅好小打錢...況且我蒲開間波樓大家有幾多料心照...
細個(啱啱出嚟做嘢時)試過同人打2000板...明知嬴梗佢...對人係個3x歲我個fd個fd...點知可能打得太大太緊張...輸咗2:1...之後都無再打咁大lu...反而打比賽我又唔緊張喎...其實我都係嗰d一打錢就精神d嗰隻...點知唔係駛出真功夫...係出哂洋相添...
哈~~我見過有班人大大聲話玩十蚊一度~~
點知一睇佢地打又係麻麻地波o個隻,
(即係入球黑柴八度已經好自滿o個隻)
然後佢地最後既分數好似係"28-12"......(未打啡波已經投降~)
o個個拎28度既咁就win左百六蚊...win左錢仲大大聲話:唉~~~咁就win你百幾蚊,有無人想挑戰下我呀...
一.一" ...........
PS:你地同朋友打波係鐘意玩防守，定進攻波多？
我個人唔太鐘意一開波打散佢，然後同朋友玩打快波。始終鐘意打傳統set cue同埋慢慢set住黑柴咁round落去（感覺好有打147既感覺，但係通常一搏炸pet就中招..）
[quote]Originally posted by [i]YingTung[/i] at 2005-11-15 02:22 PM:
哈~~我見過有班人大大聲話玩十蚊一度~... [/quote]
我就好進攻型的...只要有50%機會即搏兼較波...如果入嘅機會唔大我都會try...但係會keep住個白波上番枱頭...
我都係唔會爆波打的...除非自己打緊cue波大chance想打break就會try吓去開pack...唔會貿貿然炸波...因為我 d fd 有大 chance 一 cue 都會打我最小1x度...一吓唔覺意俾佢打cue過30就會輸50蚊bonus(因為我同班fd打親波都會set如果1cue過30就人人磅50...過40就100...如此類推...)...俾佢打cue30就好難追lu...
[quote]Originally posted by [i]sonyguy[/i] at 2005-11-15 12:36 PM:
哈...原來係你...
=)
我地在隔離講...
不如十蚊七丫笨...
哈~ [/quote]
有架有架~:lol:
你有冇打珠仔~?
有超多種玩法~
[quote]Originally posted by [i]iMacc[/i] at 2005-11-15 02:37 PM:
有架有架~:lol:
你有冇打珠仔~?
有超多種玩法~ [/quote]
舊屎返學一大班人就會打珠仔...
貪佢鬼殺咁嘈好開心...
但本身唔係好鍾意打...
覺得好講運...
所以e+無lu...
其實真係好多玩法..
我見人打樽...
睇過幾次...覺得幾好玩...
但都睇唔明...
kc 果位睇場話教我地打...
但最後都無學...
主要原因...e+少打...
所以費事在學新野..
=)
[quote]Originally posted by [i]YingTung[/i] at 2005-11-15 02:22 PM:
PS:你地同朋友打波係鐘意玩防守，定進攻波多？
我個人唔太鐘意一開波打散佢，然後同朋友玩打快波。始終鐘意打傳統set cue同埋慢慢set住黑柴咁round落去（感覺好有打147既感覺，但係通常一搏炸pet就中招..） [/quote]
我同班朋友都係打friendly...
最多都係打波鐘...
其實因為大家都差唔多...
難得我地又會好認真...
所以唔打錢都會好開心...
我地會好似比賽咁打...
但又唔會好safe...
即係唔會一開波就爆散晒...
但只要有少少機會都會搏波...
除非last 一兩隻果d 先會safe...
哈～～一大班人我地都會玩抽珠仔同賭少少錢。
不過原則係揀最偏ｏ個張枱，免得又嘈到人，又五六個人圍住張枱阻到其他人咁．．
我地唔識玩打樽，成日見到班阿伯玩打樽，但真係唔知點玩法～
有次個朋友話識玩，教到一半又話唔記得、又唔肯定．．．．．
呢度有無人教下？？
[quote]Originally posted by [i]YingTung[/i] at 2005-11-16 10:13 PM:
哈～～一大班人我地都會玩抽珠仔同賭... [/quote]
打樽我有班fd周不時都打吓...我淨係知道抽粒珠...之後打跌d樽...每支樽有自己嘅分數...一路打再加埋自己粒珠仔到31分就嬴...多過頭就會爆...又要由頭嚟過...重有唔可以打到支黑樽...唔係又會即死~
我有次同班fd打鋤大2添呀...好搞笑...:D