但一定leonBH所講的原因話買波輸錢,講真呢點我仲反感!!!
而實際上我"如果"真係買呢場都唔買曼聯
其實我只係針著我以上所講d原因
如果佢真係認真比comment,而唔係寫果d
我一定唔會第#4留言 本人係阿仙奴迷,以下只係發表己見,如果係曼迷就當睇唔倒算,比個機會我講幾句野,唔該!!! 自從曼聯賣走碧咸,曼聯個勢就一路跌,即使之後買過唔同嘅人去代碧咸,始終都唔見效
雲佬o係碧咸走左之後都曾經講過好掛住碧咸,
要知道雲佬係禁區內搵食嘅球員,最鐘意就係隊友嘅靚傳,少左碧咸,雲佬都無以前入波入得咁輕鬆.機會都少左.佢速度唔高,扭波一般,令到佢上季一度死火最大原因就係少左碧咸
令到碧咸走嘅當然係費格遜嘅問題啦
缺少左碧咸,加上堅尼,史高斯,傑斯開始老,費格遜買過唔少人,希望可以填補中場嘅缺口
但基本上大部份嘗試都失敗嘅,迪贊巴,米拿,比利安都係費格遜貪平買番黎嘅佣員
沙夏黎到又踢左幾多場好波呢??佢的確係好球員,o係富咸果季嘅表現都係有目共賭
但佢踢法係單打獨鬥,打速度,突擊,同曼聯嘅踢法有所不同,跟住仲傷埋
c朗,相信唔會再有人反對我話佢唔適合踢英超吧,佢除左頭槌,無一樣野係令我覺得佢有威脅
今場波更加睇得出防佢嘅球員只要有理無理鏟落去,c朗根本就無威脅
li個世界上唔只a高爾識防c朗,只要速度快一D嘅防守球員都可以凍結c朗
今場波好睇得出史密夫唔識踢防中,開波無錯佢o係中場截過幾球波
但之後benfica轉打突擊,一係就比nelson,geovanni快放,一係就大腳踢上前
球球波都一腳過史密夫頭,你可以話自己踢自己個位,唔怪得佢隱型
但之前你有幾可見過咁樣踢的話堅尼會隱型???堅尼會傳會遠射,史密夫呢???
史高斯係後上攻門,佢傳波已經唔太得,而家史密夫,費查,c朗都唔得,下下要朗尼番後打埋佢地果份,點踢???今場波比c朗上唔比j park上已經係一個錯誤嘅決定
曼聯最不幸嘅係rio li幾季有左夢遊病,今場比人追平佢要付全責
無釘緊geovanni,同埋錯誤決定唔頂走個波,li次都唔係第一次啦,相信艾歷臣都心裡有數吧
今場明顯地朗奴高文有下旨令叫自己D球員盡力逼奧沙,全場波大多攻勢到o係右路出
佢完全mark唔實高速嘅球員,加上rio近排失場,右路傳中可以制造好多機會
而benfica亦把握了其中一個機會,加上略帶幸運嘅第二球成功出線下round
的確,如果唔係軒斯受傷,都唔洗出奧沙,但係放巴斯利呢???佢點都好過速度慢嘅奧沙
li場見証住曼聯由盛轉衰嘅一頁
見證住放走史譚,碧咸,畢特嘅錯誤決定
曼聯出局將會少左一大畢獎金,一月相信格拉沙都會收番果1千萬鎊
未來數季曼聯相信都唔易走
而令曼聯步上li條路嘅唔係格拉沙,黃興桂
係費格遜一手做成嘅 [quote]Originally posted by [i]28083003[/i] at 2005-12-8 07:18 AM:
本人係阿仙奴迷,以下只係發表己見,如... [/quote]
完全講中晒曼聯而家既情況...其實呢樣野好多曼聯迷都知..只係無辦法o者.. 講曼聯嘅post我回過n次
次次D人都唔回當睇唔倒
一贏波又出番哂黎話自己乜勁乜勁
li場之前有邊個話過c朗廢????(非曼迷除外)
家下一輸波個個插佢屎
我一早都話佢唔適合踢英超又幾時有人答過係呀????
我講過alan smith未夠班踢班霸嘅防中
果場對車仔個個都話佢神級
梗梗入完曼迷post又有人插佢
一場好就讚,一場屎就彈
彈又彈得無point **** 作者被禁止或刪除 內容自動屏蔽 **** 曼聯喎~~唉~~ 當我見到賓菲加因球員受傷而把球踢出界
但曼聯隨後沒有把球回傳予對方，而是繼續帶球進攻時
我個心真係打個突。
堂堂歐洲勁旅竟然出此下策，真的令到看者心酸...... [quote]Originally posted by [i]stereo[/i] at 2005-12-8 09:18 AM:
當我見到賓菲加因球員受傷而把球踢出... [/quote]
我都以為自己睇錯,原來係真嘅
即使人地係扮野,都唔應該咁無品,輸波又輸品
ps:benfica真係抵贏,有條友比人一腳抽中何b.........(joke only) 其實賓菲加今日係六個主力缺陣下真係踢得唔錯
由其個個中堅雷沙奧清左好多高空波，盯人又貼
我覺得佢比里奧更值得拿12萬周薪。 雷沙奧勁野黎,如果唔係佢撩走雲佬個波可能2:2lu 我覺得對曼聯係好事﹐如此表現與其
勉強晉級﹐倒不如專心聯賽 [quote]Originally posted by [i]gogo8281[/i] at 2005-12-8 09:37 AM:
我覺得對曼聯係好事﹐如此表現與其
勉強晉級﹐倒不如專心聯賽 [/quote]
絕對不同意,本身已經嘈緊唔夠人又無錢買
家下更加唔洗買,比你今年攞倒第二直接踢歐聯又有乜用
人腳同今年一樣,仲可能走多幾個老將,只會越踢越差
加上剛出局,軍心大亂,要完全番過黎仲要一段時間
絕對係曼聯嘅壞消息!!! [quote]Originally posted by [i]28083003[/i] at 2005-12-8 07:43 AM:
講曼聯嘅post我回過n次
次次D人都唔... [/quote]
唔好一竹篙打一船人...我都係紅魔迷...我一向唔覺c7打得好...唔出佢打正選時我都不知幾放心...唔好齋講c7...成條中場線除咗星仔無個打得好...
你話smith未夠班踢班霸嘅防中...佢好似啱啱先轉打防中...你要佢打到曉飛根本無可能...佢已經比以前有進步...你諗吓佢以前打前鋒直頭係獨食王嗰隻...而家轉打防中我真係覺得佢打得唔差...只係唔夠穩定啫... 最黑色的一天?
我唔覺bor~
出局反而會係一個反省的機會
等球員們痛定思痛
下次唔好咁做
上次晌聯賽輸左幾場反省得唔夠深....過左一排聯賽贏左幾場就話自己番晒黎要拿冠軍
唔清清楚楚咁睇真d自己的弱點點可以去改善呢?
前中後曼聯都有改善的餘地,相信好多post都講過
其實最大問題係究竟曼聯踢唔踢到4-3-3呢個陣
你要學車仔巴塞咁踢呢個陣,要有番差不多的球員
先講雲老,佢又唔夠頂,又唔夠以前咁sharp咁快......完全係拖慢左進攻的流程
再講朗尼,好係好波,不過又似乎要做得太多野,又上又落....你睇下細哨,唔使點番後做防守
再講個右翼喇,完全唔係落底出波or入涉入波的類型....係乜野型?係獨扭型......
呢三個人都唔同個陣夾.....點可以好好咁發揮出球員的水準呢? [quote]Originally posted by [i]stereo[/i] at 2005-12-8 09:30 AM:
其實賓菲加今日係六個主力缺陣下真係踢得唔錯
由其個個中堅雷沙奧清左好多高空波，盯人又貼
我覺得佢比里奧更值得拿12萬周薪。 [/quote]
梗係有番咁上下啦...巴西國腳嚟架~:) [quote]Originally posted by [i]cfccfcc[/i] at 2005-12-8 09:50 AM:
再講個右翼喇,完全唔係落底出波or入涉入波的類型....係乜野型?係獨扭型...... [/quote]
直情係毒瘤型...:( 我起唔到身睇場波...剩係睇返新聞入球片段...所以對呢場波無乜意見...
邊個打得好...邊隊應該贏等都比唔到意見...
不過睇成個分組六場比賽...
分別對三支球隊都贏唔到...
對里爾一和一負...
對維拉利爾兩和...
對賓菲加一勝一負...(得失球一樣)
出唔到線係非常正常既事...
...
除左對賽成績...睇反佢地今季...
係咁賣人/放走晒d 人...
但同時又無買返d 好既球員填補...
得到現在既成績其實係以料中事...
歐聯對手唔係新特蘭...西布朗呢d 球隊...
佢地隊隊都係有返咁上下...
所以以咁既球員出戰歐聯...
小組出局唔算得係乜野黑色日子~~ 其實曼聯之前編入呢一組本來都諗住實出到線,但真係冇諗過結果會好似而家咁...:(
曼聯xxx賓菲加賽后檢討
琴晚的赛事真系曼聯近幾年来最惨痛的失敗，令到曼聯fans最心痛的唔系一場比赛的失利，而系成場比赛全隊丝毫没配合，技术上更处于下風。令人心痛！！今次無法出綫可能會令到曼聯更難得到讚助，就算拿到都可能加上好多不平等條例。我覺得這次比賽最大的問題繫频繁丢掉控球權，跟住開始变得焦急（傑斯在一次反擊中無法準確穿齣后，竟然指責隊友）。而频繁丢掉控球權引置無法給予前鋒有傚傳送，導緻兩個前鋒沒波射，鲁尼全場射門仅1次，一脚嘗試性的遠射，我們傳說中的禁區之王的射門次數则為0。兩翼的狀態低下就令到曼聯連傳統戰術無法施展，两翼折断。
各位觉得整體戰術布置上有没问题呢？费SIR会唔会因為這次的失利被炒或引咎辞职呢？
[[i] Last edited by brightlee on 2005-12-8 at 02:04 PM [/i]] [quote]Originally posted by [i]siredes[/i] at 2005-12-8 10:27 AM:
其實曼聯之前編入呢一組本來都諗住實出到線,但真係冇諗過結果會好似而家咁...:( [/quote]
開頭梗係諗住出硬線啦...對住兩隊歐冠新仔~