英超獨霸歐聯是否好事？

eric911

歐聯四強戰英超玩晒﹗估不到少了近半隊主力的曼聯可入7球，合共7比1狂勝羅馬。今場羅馬的表現其實不至於太差，只是曼聯的爭勝決心超強，一開波已搶錢咁搶，令羅馬後防亂晒籠。卡域克和費查表現亦出奇地好，尤以前者更入了兩球世界波，軒斯亦踢得非常搶鏡。其實，甚麼巴塞、皇馬主場亦不算甚麼，奧脫褔才是真正的地獄球場，那種氣氛簡直可用處處迫人來形容，就連托廸的表現也一般。至於車仔那場就有點奇怪，當車仔下半場追成1比1平手時，兩隊也好像不願踢那樣，尤以華倫西亞，成隊慢晒落黎，反觀車仔還好一點，叫做有點攻勢，臨尾10分鐘重好似自己喺主場咁攻，最後在補時艾辛離門20多碼遠射死位成2比1，無仇報激死華倫。明日凌晨利物浦亦好大機會入四強，就變成四強有3隊英超出現，應該是歐聯歷史以來首次出現此情況，唔怪得歐協阿頭柏天尼狂叫改歐聯出場制度，即是英、意、西、德國聯賽的歐聯名額由4變3，免出現現時的獨攬情況之餘，亦可顧及次一級的球隊參加歐聯的機會。本人亦是英超死硬派，但想深一點，雖說勝者為王，但同一國家的大球會獨霸歐聯，會否令球迷失去觀賞的意欲？今屆以後，是否又是這幾隊玩盡歐聯？除著英超球會愈來愈富有，一眾外援超級球星的來投，絕對可令英超球會雄霸一方，英超迷當然歡天喜地。但另一方面，亦意味住本土球員少了出場機會，形成英格蘭國家隊的低劣表現。環顧意、西、德國球會，當然亦有一級球星助陣，但相比英超球會的外援量，已少了很多，本土球員亦有出頭機會。英超球隊在世界上取得成績，固然是有名有利，亦助英超聯的地位高高在上，贊助商金額自然滾滾而來。而國家隊有好成績，亦直接影嚮到整個國家形象，甚至是政治舞台上的影嚮力。所謂「針無兩頭利」，未來的日子，英足總如何取捨？

Ｌｕｎｇ

有好有唔好啦..第一當然係娛樂性大減了

但英超既實力開始拋離係不爭事實.

但我認為為左就其他國家而改例滿足其他國隊伍.以至可能令此杯賽水平下滑

chihoho

不少香港人都鐘情英超球隊

否則亦不會獨特地出現『英超台』 沒有西甲台 德甲台 意甲台 葡超台....

為爭英超 now願意用天價來換播放權 也可想像英超在香港有多大的號召力

將香港的效果放大於全世界 情況亦不遑多讓 歐聯變英超聯 相信亦有號召力

想由英超變回歐聯 唯有寄望 AC/拜仁 能勝曼聯...

今年唔知曼聯要和車仔碰頭多少次呢...

enksky

actually in the season of 2002-03, there were 3 italian teams in the semis: inter, ac milan and juventus, the other one was real madrid.

juventus knocked out real madrid but then lost in penalty kick in the final vs ac milan.....

michaelchou

你們知道嗎!香港洒吧有八成已上係直播英超

iknow

其實...之前果幾年都試過西甲同意甲壟斷LA, 點解當時冇人講呢?
當曼聯, 利物浦, 車路士前後喺呢幾年就上晒身,
開始進一步邁向歐聯, 果班咩Q野歐協又話要減席位,
咁點解唔一出現意西壟斷果時就發現呢個問題呢??

關於英本土球員問題...問題又真係大左d ge...
無論中遊...上遊...甚至爭標分子...正選起碼有一半或以上ge球員係外援...

cfccfcc

勝者為王
贏左就自然進級
係唔係好事我唔理
總之有好波睇就得啦~!

Fung2004

我又唔覺得國家隊唔掂係因為英超獨大喎
你數吓隊正選, 謝拉特,林伯,泰利,里奧,朗尼,高洛治,奧雲等等....全部都係一級球星....你話佢地因為英超愈黎愈多球星而冇得上位咩,又好似講唔通喎...
諗深d,england長期打唔出水準一黎係搵唔到個好coach,二黎係傳媒俾既壓力太,三黎係國內太多賽事,球完根本冇得休息,打完漫長既一季黎打世界杯/歐國杯,球員疲態畢露

Shaqleung

其實都係有能者居之........不過佢地有成四個位又好似多d.可能減番一個都係好事.

bigfish

其實英超聯改名歐洲超級聯賽都係遲早o既事
到時英冠, 意甲, 西甲同德甲o既冠軍就可獲歐超聯席位一個
至於國家隊, 實力不嬲都超班, 不過成日都唔齊腳, 又輸運氣, 情況好似美國夢幻隊打籃球咁, 成日都有d大牌球星唔隨隊