無能領隊除左麥卡倫，仲有個叫鄧納東尼....

MaxFigo

可能相比起意大利波，大家比較著緊英格蘭
所以大家都無留意到
拍埋去鄧納東尼度，原來英格蘭請到麥卡倫叫執到

岩岩睇完意大利對法國....

鄧生居然可以令到全場控制戰局o既意軍，全場有威脅攻門得兩、三次
雖然法國隊刻意求和，守得好穩，但鄧生o既調動對今場和局真係「功」不可抹.....

首先，係對手無乜攻勢情況底下，主場o既意大利莫名其妙咁打起451上黎
迪比亞路名為輔鋒，但佢走o既位置根本係左中場
而本應偏左o既迪羅斯走左入中路，成場波係進攻上都無太大建樹

下半場三個離奇換人，更主宰住整個戰局
先係用柏路達入替整條中場線最具創造力o既甘莫蘭尼斯
令成條中場線出現加度素、迪羅斯、柏路達3個工兵球員
唯一邊路球員都調走埋，奧度失去掩護難以助攻，右路攻勢癱瘓
自此意大利再組織唔到任何一次射門

若然被入替o既係無乜表現o既迪羅斯，至起碼會保持到中場攻守平衡...

第二個換人，無厘頭用盧卡利尼入替恩沙基
擔任單箭頭o既恩沙基雖然無乜表現，但歸根究底都係源於中場創造力不足
前鋒換前鋒，根本改變唔到d咩，更何況換入一個級數更低o既....
唔好唔記得恩沙基上半場唯一一個機會，就已經射左球中楣波
換人果刻，我已經知道意軍無運行
結果盧卡利尼連稍有威脅o既埋門鏡頭都無

第三個調動同樣只係人腳上o既調動
用迪拿達利換迪比亞路，一場波內重覆犯上第二個錯誤

要換前鋒的話，就唔該同我調走迪羅斯
中場工兵兩個乜都夠哂，法國隊擺明守你，中場都只係擺韋拉同馬基里尼兩個防中
若然調入盧卡利尼，迪比亞路踢返攻中，柏路達拉返後，打返個4312
踢多個前鋒，以意大利尾段個勢都有機入返粒

佔盡優勢都踢單箭頭，鄧生都算係有種
結果我睇到o既係意軍臨尾空有氣勢，卻無攻門

值得欣喜o既係簡拿華路、森保達逐漸踢返係06世界杯時o既狀態
穩住左防守，令法國o既反擊難越雷池
另外巴沙利今場波都唔錯


[ Last edited by MaxFigo on 2007-9-9 at 05:32 AM ]

sbbnuftne.

唉...出線有暗湧

Rated-R

叫鄧納東尼自己落場踢la,佢全盛時起碼好過甘爺先