利物浦評擊、維護臨時專用區(內含戰果)

amigofans

上季利物浦交出既成績, 雖然最終都只係第二, 但獲一置好評(尤其係潛伏多年既講波佬fans如丁偉傑蔡玉瑜之流),
今季雖然有沙比艾朗素他投, 但因為曼聯少左c朗同tevez, 車仔又無咩變動, 加上阿仙奴又繼續被低估, 利物浦比上季令人寄予厚望...

但開季3場已經2敗, 有豐富睇英超經驗既球迷都知, 而家唔係世界末日, 仲有大把空間佢地去追回失地...

不過熱捧利物浦好波既朋友們, 可有反思利記是否真係如此強大?

小弟對利記既戰術有d睇法想同大家分享, 有興趣插佢地或者撐佢地既fans們, 黎緊幾日大家可以係呢版討論下.....

kerr12ca

小弟係利記fans, 不過係好嚴緊個隻，提倡"錯就要認，打就要企定"，並唔會盲目死撐...

- 賣走沙比=斷左中場命脈。上季利記中場係靠馬斯係中間喪搶，再交比沙比負責駁腳。今季單靠馬斯孤掌難鳴。
- 賣走沙比其實都唔緊要，價錢好同埋球員有離心就應該賣。最奇怪係個領隊走去 20M 買個跛既阿古蘭尼返黎做替補。傷兩個月，都唔知佢點過到體檢。就算講到佢有幾勁，兩個月之後都應該俾人帶緊街...
- Lucas 代替沙比跟本就無可能。傳送同組織能力根本唔係踢英超大會既才料。俾我排陣既話我會擺番謝拉特落中場駁腳個位，再打雙箭頭。本人覺得尼哥 (Ngog) 係一個唔錯既選擇。
- 領隊都係時候換。賓sir章法已經見晒底，仲有佢個d撩事鬥飛既偉論，小弟一向都唔太like... 本人心水人選係希汀克，不過都無乜可能...
- 不過講到尾，班主唔肯科水(或者應該話佢莫財)，講乜都無用... 早就話咪鬼賣俾美國佬架啦。如果當初係賣左俾杜拜財團 (DIC)... 都係唔講咁多如果喇~~~

steven999

原帖由 kerr12ca 於 2009-8-25 10:48 AM 發表
小弟係利記fans, 不過係好嚴緊個隻，提倡"錯就要認，打就要企定"，並唔會盲目死撐...

- 賣走沙比=斷左中場命脈。上季利記中場係靠馬斯係中間喪搶，再交比沙比負責駁腳。今季單靠馬斯孤掌難鳴。
- 賣走沙比其實都唔緊要，價錢 ...

好似o係邊度見過wo~
o係果邊搵返你個名先

lywv5

some curve will be obseverd

yutik

冇左沙比的確好幣.....
踢左成季前鋒的謝拉特又要返來踢中場.....lucas點解唔換?!
而且唔喜歡利記成日用高波......長傳準的冇幾多個...仲要冇埋沙比....用20m換個傷兵....要買佢等季中先買都未遲la.....無錢仲買個人返來擺.....
torres呢d咁的前鋒係利記浪費晒!!!如果去阿仙奴會好好多...

btw, 我係利物浦fans....不過係因為喜歡torres 而喜歡利物浦的......而前係喜歡馬體會的...

成班傷兵.....左邊的奧利你奧又傷....agger又傷....20m果個又傷.....lucas呢d又唔傷....仲有個babel....好心比佢走啦....佢應該ok...但唔適合利記....

anyway, 對利記又愛又恨!!

amigofans

個人認為利物浦上季之所謂"佳績", 純粹係拉中JACKPORT, 即好運可一不可再也...

之前係度講過佢地上季對手獲紅牌既次數竟達9次, 冠絕英超, 今日都唔講呢點...

利物浦既打法尤如艾歷克麥卡倫年代既英格蘭, 即係做好防守等你錯, 尤其係對手強時更見功效...
但呢種求人出錯後獲利既打法有弱點, 就係對手唔錯, 你就頭痕...

好多唔同意既朋友, 大可以比較番利物浦同其他BIG3既入球模式, 會發現利物浦係4隊中組織計劃性最低,
靠"偶然性"取得入球最多既一隊, "偶然性" 即事前無預過會咁入, 就以上季利物浦對BIG3既彪炳戰績黎做例,

作客對曼聯一場, 大腳長傳比torres做特擊, 係一個戰術, 果一腳長傳係一個組織,
但球結果傳唔到比torres, 維迪自己漏油比torres單刀, 呢個係"偶然性", 唔係"組織性"取得既入球...

作客車仔一場亦如此, 波子機彈出沙比艾朗素一射, 再省到人入波, 又係一個"偶然性"....

呢類入球曼聯有車仔有阿仙奴也有, 但偏偏利物浦就係最多, 佢地入球唔似其他big3有個模式,
之所以上季對著一d弱手, 當對手又神奇地無咩甩漏之時, 利物浦就會老鼠拉龜...
簡單講一句, 曼聯車路士阿仙奴既入球清脆利落得多...

上季唯一可喜既係, 利物浦打出個氣勢, 反勝已經係食生菜, 但我上面話齋JACKPORT唔會時時中,
今季其實大致同上年一樣, 都係鐘意大意地失一兩球先, 只不過今季再無改善進攻模式,
又係靠t9同g8既個人神來之筆或者等運到, "好運"唔再出現自然露出本來實力...

再講今季買人方面, 小弟認為完全係攪錯晒, 有機會又再同大家討論!

a1036043

我既預感:

1.打多3場..利物浦攞得5分

2. 賓仔(賓尼迪斯)可能被炒或辭職

3. 下年費托被賣走或有意思走人..

4. 隊長謝生向球迷道歉,因為成績差..

5. 隊中隊友互相指責

6. 歐聯16強都入唔到...

7. 利物浦有球員受重創影響成隊波...

sky308

本來有個全能中場謝生係到
奈何前鋒人才真係少 要推前謝生一格黎打
本來有個傳球好手沙比係到
奈何球會要錢唔要人 賣走佢搞到自斷經脈
我講依2句野係想指出....
利亞拿 班拿約 馬斯 利華 等...無一個係真真正正既中場中派牌角色
無一個好既分波 組織既球員 好似依場波咁 利華 馬斯根本唔係做依d野既 乜都搞唔到出黎
托利斯真係一個人係前面追下波
賓生唔好以為有個世界級前鋒係手點玩都得

以現今既人腳
我覺得要拉番謝生打中場中先 攻守都要靠番佢

                                               托利斯
                             巴布     
利亞拿(班拿約)            謝生                 古治
                                  馬c
or

                                   托利斯
                             古治
利亞拿(巴布)               謝生                 班拿約
                                  馬c

主要咁樣係比謝生企後d 等前面同左右兩路走位再發牌


雖然我唔係利記fans 但睇見佢地踢到咁樣 = =真係忍唔住係到發下"up"風
不喜勿插 純交流

sky308

其實打4-3-3又得唔得?!
                        托利斯
利亞拿(巴布)                                                          古治
                     巴拿約       謝生(or拉後一格)
                         馬c

[ 本帖最後由 sky308 於 2009-8-25 11:55 PM 編輯 ]

steven999

樓上d陣係行得通
但係咁樣會令謝生既活動位置減低
表演可能會比上季仲差