今季利記令人失望........

SCM

開季3個月已經輸左4場英超 一場歐聯
對住車仔個場 成場比人禁住打
完全冇晒上季既氣勢
琴晚對新特蘭 我自己冇睇 但聽聞謝四同王子都冇出
結果又輸波
其實究竟係關賓佬事 定係關沙比仔走左事
如果一月佢地唔執下隊波
下年我諗要歐霸盃先見到佢地la

eqhigh

好多人覺得利記係靠謝四同王子
冇左佢地就唔掂
其實沙比先係最不可或缺既果個, 沙比係中間可以聯繫攻守, 又可以派到牌
依樣工作而家紅軍根本冇人做到, 佢拍住馬仔真係最佳選擇
睇番佢而家去到皇馬拍住迪亞拉, 一樣係踢得好掂
紅軍而家用Lucas, 拍住馬仔兩個都冇進攻, 謝四又唔係派牌球員

而家唯一機會係等下個月阿古蘭尼出黎, 睇下有冇驚喜, 雖然佢都唔係沙比果種角色
但一定好過Lucas, 不過長遠黎講都係爭咁d

其實利記又未必係大家諗到咁衰, 有番謝四, 王子係度, 衰極有譜, 我覺得要入番前四都係ok既

葵新伍

講真丫
期實除左3:3個場奇蹟波
有邊一年無失望過..............

SCM

好多人覺得利記係靠謝四同王子
冇左佢地就唔掂
其實沙比先係最不可或缺既果個, 沙比係中間可以聯繫攻守, 又可以派到牌
依樣工作而家紅軍根本冇人做到, 佢拍住馬仔真係最佳選擇
睇番佢而家去到皇馬拍住迪亞拉, 一樣係 ...
eqhigh 發表於 2009-10-19 01:21 AM

沙比走左對隊波既影響真係好明顯咁睇到
阿古蘭尼 買返黎好似冇出過
我自己冇留意佢以前係意大利踢成點 不過斷估賓佬唔會苯到買件唔掂既人返黎掛
後防依家都唔多掂
睇親佢地都係不停比人埋門
不過今日睇返報紙 原來前晚新特蘭負6都爆

arthur8088

沙比走左對隊波既影響真係好明顯咁睇到
阿古蘭尼 買返黎好似冇出過
我自己冇留意佢以前係意大利踢成點 不過斷估賓佬唔會苯到買件唔掂既人返黎掛
後防依家都唔多掂
睇親佢地都係不停比人埋門
不過今日睇返報紙 原來 ...
SCM 發表於 2009-10-19 08:29 PM

i guess Aquilani's health condition, no one doubts about his talent and performance on the pitch, he could have brilliant performance but sitting on the bench for a couple of weeks because of injury. that's the concern....just like ARjen Robben, he was the saviour on his debute match with Bayern...but now he's on the bench with injury....that's the concern....

just a little statictics to his record for last couple of years,

http://soccernet.espn.go.com/players/stats?id=13752&cc=3436

He just started 7 times with Roma last season...20M for a glassy leg...that's stupid move~~~~

艾官

基本上每一年都唔睇好

sssyyy

當然冇左沙比係一個因素,
主因係少了一個攻防串連人物,而沒有有效既補充,
本來謝老四都可以做好d呢樣野,但謝老四狀態又麻麻,身邊少左支援,
事實上利記除左買格連莊遜有d作為之外,
暫時都見唔到其他新球員有表現,
加上本身利記水準唔穩定,有時對d 2線球隊都冇符.

tlkwan

未來三戰包括今晚歐聯E組主場鬥里昂，周末英超主場對曼聯及下周聯賽盃作客阿仙奴，如果謝拉特同費蘭度托利斯繼續缺陣，紅軍難有勝望。紅軍缺少「孖寶」費蘭度托利斯和謝拉特，替補球員賴恩巴布、禾路連和尼亞拿在關鍵時刻實難擔重任，加上"天都唔助紅軍"(即對新特蘭時那個從天降令紅軍輸波的紅色波)，唔通領隊賓尼迪斯因此而下台?

amigofans

我唔係要係度辣起個火頭, 問題係一講利記今季表現差, 大家通常都歸咎無左沙比艾朗素...

咁講好正常, 因為其實已經無咩野好賴, 表面上今季同上季之別, 就係少左佢, 唔賴無左佢, 可以賴d咩?

但要深入點去睇, 其實一隊球隊既「戰術」重要過「球員」一百倍, 睇番利記既對手曼聯同阿仙奴, 同於夏季流失左攻力既主力, 尤以曼聯雖見攻力大減, 但人家仍可以「戰術」減細傷害, 9場過後數字上依然強勁, 此乃領隊之作用也...

反觀賓尼迪斯, 戰術單調, 往往只懂求穩, 等對手出錯再靠謝拉特或torres等把握力高既球員, 靠個人能力取分, 呢種打法杯賽可能仲有甜頭, 於長途聯賽似乎唔會好似上季咁好運...

唔順既利記球迷可以睇番, 利記既入球同其他big 3有咩分別, 其他3強靠「組織」做出黎既入球明顯較多, 相反利記靠「偶然性」對手出錯既入球又明顯較多...

小弟覺得今季利記其實同上季無咩分別, 唔鍾意都係咁講, 佢地係靠謝拉特同torres兩人only, 其他角色並唔重要, 包括『沙比艾朗素』

上面有位朋友都講, 今季利記對車仔一場只會死守, 全無氣勢可言, 但有趣在其實上季作客打破車仔不敗金身, 正正亦係靠守, 當晚全場死守無甚攻門, 入球贏波係靠沙比艾朗素一個禁區外, 乘亂省中人既入球而已....

如果係要講分別, 小弟睇到既係今季無咁順, 球員打出黎無咁有信心, 作客賽事尤見荒失失, 同埋上季果d輸緊波對家紅牌反底, 由上季有成9場, 縮到今季到現今止, 只出現1場....

SCM

利記既入球同其他big 3有咩分別, 其他3強靠「組織」做出黎既入球明顯較多, 相反利記靠「偶然性」對手出錯既入球又明顯較多
filter-052fans 發表於 2009-10-20 12:36 PM

呢一點係對住費倫個場歐聯顯現晒出黎 特別係上半場

睇番利記既對手曼聯同阿仙奴, 同於夏季流失左攻力既主力, 尤以曼聯雖見攻力大減, 但人家仍可以「戰術」減細傷害, 9場過後數字上依然強勁, 此乃領隊之作用也...

filter-052fans 發表於 2009-10-20 12:36 PM

同意 季初以為工廠走左多哥王子會攻力低
雲加今季轉左戰術 反而多返入球