英格蘭冇老林咪幾好!!!

HansChan

沉晚對瑞士....人哋話差又唔係好差
英格蘭沉晚嗰場都算係哩十年八年既代表作!
老謝同老林一樓都唔應該一齊出...出巴利....即使唔係打得好好...
但個隊形咪出返黎囉!
老禾或阿當真係不可多得...兩個都可以獨當一面!
前鋒用defoe咪好囉, 活力夠,又有鬥心!
英格蘭繼續甘打啦...起碼唔駛啲波甘鬼悶!

Winters

老謝同老林一樓都唔應該一齊出

絕對認同,比我揀我會揀謝四棄林伯.

另外,我本來覺得以朗尼為中心嘅英格蘭唔再適合打442,
點知將朗尼退後一格輔助迪科爾嘅效果卻出奇地好.
本身我會覺得不如比謝四打前啲輔助朗尼,好似係利記輔助費托咁,而家比我擺我會擺返佢係中埸中.

至於邊個搭佢?巴利?我覺得佢唔適合.
佢同沙比阿朗素一樣,唔係掃蕩型中埸,攻強於守.
但有謝四係度,駛乜另一個攻?
我覺得柏加係同謝四搭檔嘅最適合人選,不過係現實實現嘅機會都好微.

RNRSKY

呢個問題...唉,已經煩左好多年,
只不過無一個領隊夠膽放棄雙特其中之一,
當初上任時原本我以為卡比路夠膽咁做,
話晒佢之前都係鐵碗政策型ge領隊,
點之去到世界盃依然同之前艾歷臣果d 領隊一樣照用雙特落場,
卒之踢到成pat 屎咁,
個人覺得雙特根本就唔可以共存,
但礙於名氣,唔俾其中一個落場又唔得,
可能放棄其中一個之後輸左波,英國d 傳媒又會大肆炮轟領隊點解唔用晒雙特,
總之英格蘭領隊呢份工真係難做,
作為england 球迷,我寧願lampard 唔出場好過,

個人覺得gerrard 中場拍住夏格維斯最完美, 一攻一守,
可惜........打機先有可能咁做....
現實中夏格已經變左文員, 作為夏格fans真係好心酸....
讚成英格蘭繼續呢個出場模式, 棄 lampard 用 gerrard

Winters

3# RNRSKY
夏格

林伯同謝四...
前者狀態時好時壞,有態時比謝拉特更強,但無態時...;
後者狀態則相對穩定,而且我認為佢嘅領導能力係英格蘭入面無人能及.
兩者選其一我亦會選擇謝拉特.

HansChan

其實我覺得.....路蘭係一個唔錯既選擇!!
不過.......要謝老四同林伯都冇份....仲要有人記得佢先得lu!!