「六星連珠」照耀利物浦

night

今晚歐聯四強矚目大戰，利物浦於次回合主場迎戰車路士作生死決。今年是利物浦的「宿命年」，捧杯並非天方夜譚。翻查歐聯歷史，於七八、八一兩個利物浦捧杯年所出現過歷史現象，竟都於今年一齊重現，連英國王儲查理斯王子都牽涉在內，巧合程度爆燈！利物浦或有可能憑這個「六星連珠」現象，先淘汰車路士，再爆冷捧走歐聯錦標！
七、八十年代係利物浦全盛期，「紅軍」於七八、八一兩年勇奪歐聯（當時稱歐冠杯）錦標。在這兩個年頭曾發生多件大事，和今年對照之下竟出奇相似，似乎冥冥中注定利物浦今年可以重溫舊夢。

於七八年，前任教宗保祿六世及若望保祿一世先後去世、威爾斯勇奪世界欖球冠軍、利物浦於聯賽杯決賽飲恨僅得亞軍；八一年，英國王儲查理斯迎娶戴安娜、利物浦以第五名完成聯賽，而當年係農曆雞年。到○五年，「六星連珠」乍現：宗若望保祿二世辭世、威爾斯事隔廿七年再奪世界欖球錦標、查理斯再婚迎娶卡米拉、利物浦於聯賽杯決賽敗予車路士並大有可能於聯賽以第五名畢業、今年仲係雞年，巧合程度真係唔到你唔信！

阿布相信人定勝天
利物浦得「六星連珠」之助，正所謂天命不可違，「紅軍」奪標似乎係天意所歸。但不少人卻相信人定勝天，如果佢仲係世紀富豪，就更加唔會迷信。車仔老闆阿布拉莫域富甲一方，以億萬巨資打造車路士鑽石陣容，今季得到莫連奴點石成金後，已先後勇奪聯賽杯及英超聯賽兩項錦標，勁勢都唔住。兩軍狹路相逢，究竟係利物浦「無敵宿命」勁，定係車路士「萬能金錢」靠得住，今晚就有分曉！



咁都得.........@.@

奇

再加上燈神預測,想唔捧利記都唔得=.=

abc123aa

Originally posted by 奇 at 2005-5-3 06:16 PM:
再加上燈神預測,想唔捧利記都唔得=.=

咪係.....今晚一定買利記

tell

i know 車仔勁,但都係支持利記