四大天王陣借屍還魂!?

bigfish

當年湖人同時擁有 o'neal, kobe, 馬龍同披頓, 結果都係輸波
今年熱火亦有 o'neal, wade, 披頓同 morning, 仲有獲加同白朱古力呢兩個半天王級球星, 唔同o既係只有兩至三人能擔任正選, 配合一至兩位綠葉球員, 球隊分工更加明確, 究竟呢個四大天王陣o既威力及唔及得上當年 lakers o個個呢?

shaqkobe

雖然我係熱火fans不過坦白講。。依家熱火既陣容真係仲有唔少漏動。個人覺得最大問題都係在於三分射手度，熱火陣中少梗個穩定且多產既三分射手。第二依家熱火都係仲未搵到一套最適合既戰術，一切仍在摸索當中，磨合情況都真係未如理想。好大原因係奧尼爾呢個最大既磨石劑季初長期缺陣，一方面令球隊季初戰積平平，少了一份氣勢。另一方面，少了奧尼爾令陣中的黏合作用久未產生，依家睇熱火打波都仲係見到佢地默契不足。
論陣容的完整度，熱火比當年的F4更完整，正選陣容大可打成均勢，替補陣容更見高上一層。不過事實上熱火陣容睇就真係好睇，不過事實上就未見大成效。Wade同Shaq既定位當然無問題。Payton、同ZO做既都只係佢地能力內既工作，大可做得妥妥當當。問題正出現左一班中生代球員Walker、William、Posey上。。。Walker既表現大家有目共睹，內線打得唔好，外圍又唔掂。事實上熱火依家無一套打法係發揮到佢既作用。。。至於Posey理應就好岩佢打，射下open look三分、做下防守就岩佢一向打法，問題係佢自己既信心就久久都未返黎，佢上年一樣打落患得患失咁。如果佢有返灰熊前期既水準，就無問題。。William其實已經見到佢開始融入球隊，比現愈見理想，不過就偏向左係得分貢獻上，應加強在助攻上的意識，才可幫助串起球隊。總括而言，我覺目前熱火發揮出既實力上不見得比F4湖人強，不過我覺得潛力上就仲有進步既空間。要睇下下半季佢地既發展。

[ Last edited by shaqkobe on 2005-12-26 at 05:58 AM ]

甘國武

1,總結LA Fxxx4，就是 "徒具陣容" ......如果其他配合不到，恐怕難有成就
2,我總覺得，O'neal己不復當年勇，到季後賽時，他缺乏活力的問題就會浮面....
3,打個比喻：球隊某位置缺人，於是請了出名的A，完全沒考慮打法比較配合球隊的B......
4,默契，每年各球隊大換血時，馬刺則保持基本陣容，結果養成深層的默契
是很多人忽略了的冠軍原因

jumpbean

Heat will be beaten by Piston this season.

Dicksonheng

熱火連入唔入到東岸決賽都成問題
奧尼爾無傷無病都算執啦
算吧啦....上面nba.com都無乜人捧熱火
好似你講得咁高...
今年都係睇溜馬會換入邊個同活塞鬥者

shaqkobe

今年熱火真係幾難話爭冠軍。。暫時睇都無乜冠軍相，還是觀望下季，或許當默契出現、隊中問題得到解決，才能再挑戰冠軍。。。東岸應該會係活塞一支獨秀。至於西岸就不出馬刺、小馬、太陽之爭。

甘國武

太陽？！

shaqkobe

Originally posted by 甘國武 at 2005-12-26 14:34:
太陽？！

依家太陽攻力不減當年，防守就更勝以往。後備又深左上個賽季。只要三月史杜達復出情況良好，我覺得佢地有能力爭冠。

甘國武

Originally posted by shaqkobe at 2005-12-26 02:36 PM:

依家太陽攻力不減當年，防守就更勝以往。後備又深左上個賽季。只要三月史杜達復出情況良好，我覺得佢地有能力爭冠。

某程度上，我覺得太陽上季，唔多唔少係因為其他球隊未適應
今季其他球隊會識應付左

仲有，太陽季後賽一對住馬刺，就好似撞落牆咁
好難覺得佢地嬴到馬刺喎～

shaqkobe

Originally posted by 甘國武 at 2005-12-26 14:43:

某程度上，我覺得太陽上季，唔多唔...

唔一定會撞上馬刺。。。nba就係咁特別，球隊正如你所講有格食格問題。不過季後賽既對陣好大可能影響到冠軍誰屬。。。

舉個例說明。。。
如果今左年季後賽小馬先對陣馬刺，如果小馬將馬刺拉一馬，那麼太陽隨後對小馬以目前陣容都可能有得搏。
但係如果太陽一開始就對住馬刺，就好有可能被馬刺KO。。不過太陽隊既打法同之前其實改變左。馬刺內線實力又減弱左，都未必會KO既。哈哈

情況同當年F4湖人咁。。如果當時東岸出到線既係溜馬而唔係活塞，咁湖人就好大機會奪冠。
又或者係當年熱火既超強陣容對住所有球隊都可以贏得到，不過就成日係季後賽對住宿敵力搏。力搏又特別怪，對住熱火既戰力比平時高出很多，令熱火每每未能過關晉級。