抗議英國出賣李漢奸! 抗議英國出賣民主阿婆!

madinggou

抗議英國出賣李漢奸! 抗議英國出賣民主阿婆!

【太陽報】

政壇：李漢奸 民主阿婆告狀連番受辱
外號「李漢奸」嘅民主黨創黨主席李柱銘同「民主阿婆」政務司前司長陳方安生正喺英國「唱衰」香港，乞求外國勢力干預，但佢哋連番食悶棍，繼日前在英國國會外交事務委員會聽證會上被議員噴到一面屁後，英國政壇專用智庫駐港高級研究員最新評論報告亦隔空反駁兩人嘅歪理，批評某些政客在《基本法》條文以外，另闢蹊徑實現普選，形容此舉係一種政治操作。依家好多歐美國家都排住隊向中國「撳錢」攞着數，但李漢奸同民主阿婆仲未瞓醒喺度阻頭阻勢，唔畀人一腳伸開至奇啦！關乎一七年特首普選嘅兩份政改報告本周二出爐，適逢早前國家領導人先至去完英國簽訂一份價值二千三百億港元嘅採購合同，英國佬啱啱攞完中國着數，李漢奸同民主阿婆仲唔識死走去英國「告御狀」，結果被英國國會議員不停質疑佢哋有冇誇大香港情況，仲講到明唔覺得香港有乜重大改變，暗批兩人喺度搞事。


英智庫摑多幾巴兩人呢頭被英議員噴到一面屁，尋日又到英國政壇專用智庫Chatham House駐港高級研究員向李漢奸同民主阿婆摑多幾巴掌。Chatham House駐港高級研究員發表題為「白皮書並沒有顯示北京對香港政策有變」嘅最新評論報告，報告開宗明義指，白皮書引發激烈批評並非同本身內容有關，而係純粹由政治因素導致，而白皮書提及中央對香港有「全面管治權」，同時賦予香港高度自治權，有關說法並沒有僭越《中英聯合聲明》所訂明的權力。


報告又指白皮書提到法官係治港者一部分，中文原文清楚顯示，根據「港人治港」理念，視法官為治港者並無問題，法官亦無被指係行政管理者。報告強調，中央於白皮書只係重提對香港長久以來有關「一國兩制」一貫政策，並無改變對港嘅方針及政策。此外，面向英國工商界嘅英國《名流》雜誌，原來在國家領導人訪英期間破天荒出版「中國專刊」，正所謂「西瓜靠大邊」，邊個係主邊個係客，相信不言而喻。


俗語說「有錢使得鬼推磨」，據聞除咗英國佬外，美國等大國都排緊同一條隊靜候佳音「攞着數」，而事不離實，紅鬚綠眼人獲利後接二連三畀說話李漢奸同民主阿婆聽，講白啲即係暗示兩人唔好喺度阻頭阻勢，如果他朝山姆大叔也得償所願，兩人只會再次自取其辱。