會否拯救亞視? 李魔鬼︰吊你估我好X得閒咩

自首男

今次連阿爺都放棄牙

呢排亞視嘅欠薪風波搞到咁大，，大家都係度諗究竟亞視無人睇咗咁多年，係咪終於要摺埋呢？唔，除非佢有........白武士！
白武士首要條件就係要有錢，一講有錢你會諗起邊個呢？當然係李超人李嘉誠啦～佢尋日喺業務重組嘅記者會上，問到會否買亞視嘅時候，佢就咁答：
「你覺得我好得閒？」
嘩，型到呢！唔答你YES OR NO，但又俾你知我點諗，而且你班記者又有貨交。呢句說話唔係李嘉誠，仲有邊個有資格咁講？
雖然大超人唔肯出手幫亞視，但係就有報道指小超人李澤楷旗下嘅now TV正計劃同亞視合作，將now觀星台節目《娛樂審死官》，喺本月15日購入亞視本港台播出時段，兼租用亞視大埔廠房作節目直播之用。未知成事機會，但係主持梁思浩就似乎好贊成，仲話：「如果係真嘅，就係好事，電視台之間應該互相幫忙。」