TVB二三四線「屎戲」之人

潮吹男

  



無綫成日俾人話用來用去嗰幾個演員，唔少一線亦已經無心戀戰，所以俾多咗機會二三四線演員，不過唔係個個演員都夠班。


喺《愛·回家》入面，就有一位演員因為演技太突出，成功喺網上引起討論。佢就係飾演馬屈帆嘅鄭健樂(Rocky)。好似噚晚嗰集咁，佢明明好嬲第二個同事花紅多過佢，所以去搵Billy (何君誠飾)理論，但係佢真係好嬲咩？唔覺囉。淨係覺得佢喺度讀稿。網民睇完當然喺有討論啦，仲揶揄佢有神級嘅演技。除咗Rocky之外，唔知以下呢班演員，喺大家心目中係唔係「好戲之人」？

羅莽
其中一個TVB老臣子，經常被網民笑佢表情生硬兼浮誇，好在浮誇得嚟都幾搞笑。其實羅莽本身係動作演員，並無受過真正演戲訓練，大家通融下喇！


吳業坤
吳業坤(坤哥)喺《愛·回家》中飾演利樂童，頗重戲份，不過佢淨係識擺出一個好無辜好無助嘅樣子，睇到人好反感。對一個《超級巨聲》出身，演戲經驗尚淺嘅坤哥，可以俾多啲時間佢進步嘅！


洪永城
以前同翠如BB一齊做旅遊節目，好多師奶都鍾意睇。不過講到做戲，佢就有好大嘅進步空間。有網民指佢啲演技連Youtuber都不如，仲話《張保仔》搵佢頂黃浩然，當堂變咗傻仔！


蔡思貝
蔡思貝應該係被網民鬧得最多嘅一個，尤其是係佢係青春劇《衝線》入面嘅演出。雖然被封為新一代短髮女神，但係唔少花生友就直斥佢演技僵硬到可以演殭屍。而且講嘢時啲懶音又似小朋友，仲被網民封為「高音貝」。


陳智燊
無錯！陳智燊的確係靚仔，甚至仲有人話佢係鄭少秋嘅接班人添(?!!!!)。不過做得演員，有樣都要有演技。對於佢既演技，網民當然插爆啦！無論做咩角色都係得一個樣，如果唔係得閒有佢同宋熙年既戀情上吓報紙，啲人都未必記得佢。


吳綺莉
之前TVB劇《雷霆掃毒》大結局收視高達38點，起初套劇本來想搵吳綺莉做噱頭，不過最後佢竟然成為大茄，就係傳佢啲戲太屎，工作態度又差，搞到俾導演cut晒啲戲份，仲連累埋同佢好多對手戲嘅苗僑偉添！

潮吹男

蜀中無大將系列

潮吹男

66630考藝員訓練班

d228216

66630考藝員訓練班
潮吹男 發表於 2015-9-26 01:48 AM

做豬肉佬入型入格

潮吹男

做豬肉佬入型入格
d228216 發表於 2015-9-26 01:52 AM

   

bobo426

羅頌謙算唔算一線屎戲？仲衰過吳卓A！

king_king

羅莽 - 我覺得佢在電影 犀照 做得唔錯架喎。