零觀眾緣，最頂唔順邊位大台女藝人？

港燦男

林海峰Talk騷串盡大台，話而家有電話，就已經無睇大台好耐！阿Jan你真係還是太年輕了，其實大台仲有大把捧場客，老中青男女都有，而且除咗真心鍾意嘅忠實Fans之外，又要睇又要鬧嘅人都大把。不過，儘管你睇開大台，都唔代表一定位位花旦合你眼緣，大家有見近年眾多劣評王就知啦！要數劣評王女藝人，今期最紅一定係呢3位，你又會揀邊位當選呢？
蔡思貝
今期劣行：炒車傷人
一向無乜觀眾緣嘅蔡思貝，備受大台力捧，但愈捧，啲人就愈踩，唔講演技幼嫩同永遠得一種戲路；連個樣都因為同達哥撞臉而慘被恥笑，100%係直接人身攻擊！今期電視雖然未有佢住，但佢早前喺尖沙咀開車，轉彎時炒到另一架車，玻璃窗爆晒，搞到對方司機受傷送院，事後蔡思貝道晒歉認錯，話自己唔熟香港啲路同規則，仲慰問咗畀佢撞傷嗰位司機。不過始終都被指駕駛態度差喎。
吳若希
今期劣行：第三者迫婚
同樣畀受大台力捧，基本包攬咗大半劇集主題曲，但偏偏被網民評為「樣又唔得，唱又唔得，唔知做乜」。然而今期最紅莫過於佢放閃，話自己同澳門富二代Alex去到談婚論嫁階段，仲公開迫婚問人幾時娶佢，繼而被踢爆原來佢係第三者，搶人男友，然後再峰迴路轉，轉貼Alex自己寫嘅「悔過書」話只不過當前度係「雞」喎！嘩，被人形容為極度匹配嘅「金童玉女」，好睇過大台本身啲劇啦係嘛？
黃翠如
今期劣行：偽善粗口事件
原本好哋哋嘅翠如BB，由於傻更更加上樣子標緻，都深得唔少人嘅歡心，雖然拍劇唔多，不過都叫做自然唔作狀。不過最近因為笑住口咁影「向前線消防員致敬」然後被劣評，甚至留粗口攻擊，換來翠如BB話「好驚粗口，接受唔到」，但又好衰唔衰，被人翻舊帳搵到佢當年曾經話「人生有些時候，難免很想說髒話」，結果被插偽善、虛偽、雙重標準。

港燦男

煩音貝

港燦男

六四偽善黃翠如

港燦男

Pizza麵吳若希