兩個不知所謂既女人

自拍男

  

俗語有云：明知山有虎，偏向虎山行。現實中好多女人都明知人地有家室，仲要痴埋去，而好多女藝人即使身為公眾人物，依然唔識克制，光明正大做第三者。

近日人稱洗米華嘅澳門娛樂大亨周焯華，被指為咗享齊人之福， 豪送3億生活費畀Mandy Lieu，毫無斬纜之意。Mandy Lieu出道多年形象一直好正面，但喺2014年佢發聲明承認同當時已婚嘅洗米華拍拖，即使被傳媒多次影到佢地偷情，依然唔肯放手。佢更加完全唔以第三者身分為恥，同正印陳慧玲（Hedidi）喺社交媒體上互相駁火，令Heidi心死決定結束13年婚姻，不過洗米華就極力挽回，所以宜家只係分居狀態。Mandy Lieu做第三者做到出曬面，即使被網民怒轟，依然堅持自我，仲為洗米華生咗兩個小朋友，留喺英國待產，勢要搶到做正印為止，認真面皮厚～

作為其中一塊餅碎嘅楊愛瑾Miki，自從組合解散後只係間唔中拍下戲，但就越住越豪，非常可疑。直至07年被傳媒影到佢同永安太子爺郭永淳密會，仲要被當時身患重病嘅正印大鬧，形象即時插水，同時解開第三者疑團。踢走正印之後，二人公開戀情，冇幾耐就低調成婚，去年仲宣佈有喜，真係快過打針。消息傳出後，正印伍智恒接受訪問怒斥Miki係「狐狸精」、「通姦」，加上男方雖然身世顯赫，但有傳因為父母不滿Miki介入婚姻，所以決定低調結婚，免得招搖。不過Miki就一直對外解釋拍拖嘅時候，對方已經搞緊離婚，堅稱自己冇做第三者。究竟誰是誰非，真係得佢地先知～

自拍男

小心生仔冇屎忽

自拍男

古人浸豬籠系列