有層樓唔想升職，元老有乜感受?

港燦男

香港，一直以嚟只分兩種人，一種係有樓；一種係無樓。無錯，係香港呢個畸型社會，大家仲可能會話至有姐「現實」、「勢利」、「表面」，其實睇真啲，有樓同無樓嘅人，無論心態上同行為上都差好遠！至有姐我有位朋友，公司有個同事係佢讀緊大學時父母已經畀咗首期，由於當年買樓平，呢位同事畢業10年期間已經供完層樓，據聞仲市價800萬。呢位同事由於已經有樓，所以平日返工都零舍輕鬆，每日返工放工都係無乜壓力。反而佢上級老闆，因為要儲首期上車，做到隻狗咁呀陰功。最近仲發生一單震驚全公司嘅事，就係呢位同事竟然拒絕升職，因為唔想太辛苦！嗱，人各有志，至有姐我就唔評論呢位同事嘅做法，不過拒絕升職，有時唔一定係因為錢架。

輕鬆工作放工湊仔
好多人返工只求放工準時，專心返屋企湊仔睇《愛回家》，仲要佢升職咪即係加重佢負擔，多嗰幾千蚊對於佢哋而言，都抵償唔到失去家庭時間呢種損失，於是咪唔升囉。
工作繁重不勝任
做人最緊要知所進退，唔係一味向前衝就叫正確，如果自問不能勝任新職位，大可拒絕晉升，以免由原本工作表現卓絕變成甩碌大師，到時先要自己走或者被人請走仲樣衰啦！
心有所屬準備走人
大家都知，升得職嘅，都唔應該即時轉工離職，咁對自己個底都有所傷害，起碼再做多半年、一年先可以離開；如果一早心有所屬諗住轉工走人，倒不如搏一搏放棄升職仲好啦。
催至有：80後港女OL一名，每日返工即係扮工，熟讀辦公室生存之道，最愛煲韓劇，返工奉行三大宗旨：拖、推、卸。

港燦男

有層樓仲使鬼做咩

港燦男

日日返工過日神

港燦男

日日返工hea做

港燦男

最愛煲韓劇，返工奉行三大宗旨：拖、推、卸