吊你老母五招幫CCTVB慳錢！

地溝男

蝦頭索牙

https://hk.celebrity.yahoo.com/news/%E5%B9%ABtvb%E5%93%A1%E5%B7%A5%E4%BF%9D%E9%A3%AF%E7%A2%97-%E4%BA%94%E5%A4%A7%E7%B5%95%E6%8B%9B%E9%96%8B%E6%BA%90%E7%AF%80%E6%B5%81-081342841.html


TVB早前公佈上半年業績，雖然營業額按年増加4%，但係盈利就有所下跌。有傳因為今年TVB用高成本去投資世界盃引致中期業績受挫，所以管理層要裁減一百名幕後人員節流，月中已裁減50人。唔止架！據講TVB仲會搵贊助商禮品去頂替藝人嘅出騒錢，例如細細粒拍完《Sunday扮嘢王》尾集無錢收，但係就有三盒月餅同其他禮品，仲有「神奇羅蘭姐」都試過去接受訪問後收到旅行插蘇。其實唔一定裁員或唔俾錢先可以節流架！今日就幫TVB諗下有咩方法節流同賺到盡啦！


1. 重播節目
「香港人唔可以冇」嘅亞視，最成功之處係將重播節目融入生活，係噃！邊個話睇電視一定要睇新嘢啫？TVB咁多經典劇集、大騷、綜藝節目，唔好擺喺收費嘅經典台咁嘥好喎！

2. 搞籌款節目
香港人不嬲為善不甘後人，早排淋冰咁多人撐就知啦！TVB可以試吓搞個籌款節目叫人捐款，保住嗰一百個被炒員工喎。仲可以搵贊助商贊助禮品俾藝人當出騒錢，又有人捐款，成本可能仲低過《Sunday扮嘢王》，諗得過架！

3 裁員真人騷
既然係咁，不如搵製作《盛女》、《沒女》嘅真人騷導演岑應，搞個類似《生還者》嘅節目，決定邊個要被叮走。再拍埋被裁同事如何逆境自強嘅《裁員大翻身》，食到盡！

4. 叻哥跪返屋企
上年年尾有網民發起齊齊熄電視，實行擺睇《萬千星輝賀台慶》，就挑機話如果台慶收視跌到得兩至三點，佢就會由將軍澳跪返屋企。早前叻哥出席公開活動時就講過一間公司有四千幾人，有幾十人走左，好似新陳代謝。撐到咁，其實TVB可以試下開一個節目俾叻哥，就係俾佢由將軍澳跪返屋企，全程直播，相信應該有唔少人想睇，收視分分鐘高過啲電視劇。

5 拍《TVB血淚屎》
既然嗰本講喺TVB做PA有幾辛酸嘅書可以引來咁大迴響，倒不如喺TVB實景拍返部電視版，一邊拍膠劇，一邊搵部機影住啲幕後「相親相愛」嘅場面，一份人工做2個節目，成本即慳一半！演員？梗係搵PA做返啦！係咪又要鬧呀？@!@##!%@#%^#$%!