嘩吊，亞姐決賽隨時爛尾收場

潮吹男

【太陽報專訊】屋漏更兼連夜雨，亞洲電視拖糧情況稍為改善，但又要面對舉辦年度盛事亞洲小姐的資金壓力，總決賽不但一拖再拖，為減省食宿的開支，大中華區總決賽出線的佳麗昨日更要秘密執包袱返老家，亞姐的終極決賽隨時爛尾收場！
亞視財困情況未解決，為了減省食宿開支，連王牌節目亞姐都受牽連！日前在《ATV2014亞洲大中華總決賽》出線的內地佳麗，亦要秘密執包袱返老家。昨晨十一時許，(2)鍾金玲、(5)李玲玉及(7)李璐璐手拉行李篋現身酒店大堂，戴着口罩的李璐璐首先匆匆上車，期間有兩名大堂經理以不准拍攝為由驅趕記者，記者轉戰停車場入口處守候，但依然數度被勸離開。約一小時後，打扮性感的鍾金玲及素顏上陣的李玲玉木無表情地拉着行李步出大堂，神色黯然地乘坐掛着中港車牌的七人車直奔深圳，整個過程由身穿紅衣的疑似女工作人員暗中安排。

延期比賽暫緩來港
十位大中華賽區出線佳麗，原本聯同另外十位亞洲地區候選佳麗一同參加下月初的亞洲小姐總決賽，但由於亞視經濟不穩，早前不但拖欠員工薪金，更有可能影響亞姐的總決賽。一選再選的亞姐可謂雷聲大雨點小，在經過多次不同賽區出線的二十位候選佳麗，本於本月底進行總決賽，可是舉行日期一改再改至下月初舉行。
其實中華賽區的十位佳麗原本會一直留港至總決賽，期間一切食宿均由亞視一手包辦。據悉每位佳麗一日三餐的伙食費要160元、住房費用約350元一晚，如果十位佳麗要留港至總決賽，分分鐘亞視要豪花二十萬港元，這一大筆開支無疑會令其經濟狀況雪上加霜。而其餘十位亞洲地區，包括韓國、日本、菲律賓及新加坡等候選佳麗，亦應在本月陸續來港準備參加總決賽，但亞姐總決賽分分鐘爛尾收場，所以她們亦暫緩來港計劃。

亞視稱畀佳麗回家
亞姐負責人趙汝強昨日承認大中華區的出線佳麗昨日已離港，但來自美國的(6)劉佩欣、台灣的(19)邱珈蓉及多倫多的(20)唐淑薇，因為老家太遠而選擇留港。問到準亞姐離港原因，趙汝強說：「因為賽事延期，想畀啲佳麗返家探望家人，仲可以辦證。（係咪為咗慳錢？）唔係！都唔差嗰少少錢喇！唔想啲佳麗咁掛住屋企人！」