范冰冰 主演劇集《武則天》同史實有咩出入？

crazy9898

一)《武則天》成大半套劇都講緊武則天同李世民嘅愛情故事，成套劇講到李世民有幾愛武則天，武則天又幾愛李世民。而史實上，武則天根本唔得李世民歡心，入宮十二年都只係做一個才人，而武則天就偷偷勾搭上太子李治。

二) 史實上李世民唔愛武則天，愛嘅反而係劇中另一個奸角。劇中因愛成恨由忠變奸嘅徐慧，應該係歷史上賢良淑德嘅徐惠。

徐惠係天生才女，四歲識《論語》、《詩經》，八歲識寫文章，仲成日勸諫李世民。李世民不但唔嬲佢，仲對佢大加獎賞添。徐惠深得李世民竉愛，一路由才人升級上去，最後李世民死咗，仲哀傷成疾死埋，先真正係可歌可泣。

三) 《武則天》成套劇嘅後宮佳麗都係V面，全部都瘦到得副骨，個個塊臉白得似鬼。史實上，唐朝人鍾意有肉地嘅豐滿女人，而且女人最好「面如滿月」塊面圓啲，同埋唐朝人鍾意紅臉，胭脂塗得好厚，誇張到王建係《宮詞》寫一個宮女「金盆水裏潑紅泥」，講佢梳洗之後，臉盆就好似多咗層紅色泥漿。

四) 武則天畀人屈，出口就話：「莫須有的罪名」，莫須有應該係宋朝岳飛之後先出現架嘛？！

五) 劇中韋貴妃囂張專橫，多次陷害妃子皇嗣，最後不得善終。其實韋貴妃為人謙卑，深得李世民喜愛，李世民死咗都未到佢死，李世民死後跟兒子李慎遷往封地，享年六十九歲，獲得善終。

六) 劇中李牧係武則天初戀情人，史實上無李牧呢個人。

七) 其實最離譜嘅出入，應該係套劇講武則天懷有李世民個仔再被李治召回宮養胎，因為同史實出入實在太大，武則天根本無可能懷有李世民個胎，被有關當局要求改返劇情，劇組唯有用剪接同配音硬改。

所以大家之後追劇個時，睇到武則天大肚個時，就會覺得好奇怪，完全唔明點解武則天會有咗李治個仔囉。

chicken

根本呢套係掛羊頭的愛情劇

wakit

你好撚叻呀 !!!!!

limited-too

首先, 這部天朝劇已在網上播了接近半年, 什麼討論都已經被天朝人討論過, 現在又再討論, 是否有點遲
其次, 大凡什麼劇, 來來去去不是勾心鬥角, 就是愛死一世的愛情故事, 若一心想看忠於史實的歷史劇, 不必要看這部, 所以定位要攪清楚先
再其次, 現在要再提出討論只因這部劇的收視很差, 一貫CCTBB的宣傳手法, 為了收視好, 什麼都要做, 只看東睇西看晚晚都用幾分鐘宣傳便知啦.
最後, 最失人心要算是用CG封空, 若沒有這幼稚手法, 好相信, 晚晚都有30點以上的收視

地溝男

你好撚叻呀 !!!!!
wakit 發表於 2015-5-6 09:47 AM

阿爺最撚叻牙

長洲賓客

最大的分別

史實 vs 劇集