陸浩明吸金三百萬，拖索女友搵樓試大床

自拍男

有錢有髮有索女系列


【太陽報專訊】無綫上位主持陸浩明近年在無綫發展不俗，騷價三級跳年吸300萬港元，非行靚仔路線的他原來收埋一名索爆女友Ayan！年屆36歲的他賺到第一桶金即心郁「試婚」，日前約埋女友到天后搵樓兼到傢俬舖試大床，心情High爆的他更跳上床狂Un試彈力！
陸浩明（6號）於2012年獲恩師余詠珊提攜由有線過檔無綫，工作即接踵而來，拍住肥媽主持《食平D》系列人氣急升，騷價三級跳，由不足一萬到三至四萬元，一年狂接50個騷，加上拍廣告收入，年賺300萬港元絕不手軟！6號雖然其貌不揚，但口才好的他異性緣不俗，冧掂肥媽上契又廣納師奶Fans，私下原來更有一名模特兒女友Ayan Chan，兩人拍拖約四年，在朋友聚會中認識。
湯殼「襲擊」氹Ayan
Ayan貌似台灣女星吳佩慈，同樣擁有45吋長腿，難怪6號不時出冧招箍到實，不避嫌在網上晒恩愛合照，早前在活動中表示與女友感情穩定，正努力儲老婆本，希望兩年內結婚！據知收入大增的6號為要將女友「私有化」而先「試婚」，除到天后的地產搵樓外，更為稍後的新居選購傢俬及日用品。日前他與Ayan到銅鑼灣一間傢俬店「入貨」，兩口子行到床鋪售賣部，6號即雙眼放光一支箭衝往一張雙人床，並興奮地坐上床狂Un試彈力，怕醜的Ayan坐在床邊，亦忍不住笑！其後兩人「轉戰」另一張雙人床，6號再度整個人瞓上床，再與女友分享瞓床感覺。
由於他與Ayan都是高瘦一族，自然引來途人眼望望，但兩人沐浴愛河中旁若無人耍花槍，期間6號不停「出口術」氹女友，行至廚具部，兩人駐足研究一番，冇厘正經的6號又出招，先以隔水罩笠女友頭，再施以湯殼「襲擊」，逗得Ayan邊避邊笑，玩足一大輪。之後6號與Ayan往天后睇樓，兩人在多間地產舖外游走，之後又跟一名女經紀到附近的樓盤睇示範單位，看來6號對「試婚」愛巢的環境甚有要求，希望令「未來老婆」住得舒適！
望肥媽助上車
談到「升呢」做「吸金主持」，他坦言得此「新朵」有賴公司給予機會，以及得到肥媽賞識：「好多人話我喺《食平D》系列度做下把位好慘，但我完全唔介意，咁樣先得到觀眾憐憫。」問到將於一年內結婚，他說：「我都36歲啦！試婚先啦!今年細佬結婚，出年都要計劃啦！（肥媽打「龍鳳鈪」畀你？）係呀！佢真係有咁講過，我女友講笑話遲啲係咪會打埋三五六隻金豬。」問到是否已穩袋300萬，他坦言沒有認真計過，但今年的確進帳不少：「係欠層樓，如果肥媽幫埋我上車就完美。」

自拍男

近年 TVB 吸金王

1. 陳奐仁

2. 肥Bob