30歲江若琳，出道10年，毫無走樣，元老點睇?

自拍男

【東方日報專訊】「大眼妹」江若琳（Elanne）今年出道十周年，希望以歌手身份重返香港樂壇，跟大家分享入行以來經歷過的風雨。其中最大風浪絕對是與前經理人公司的合約糾紛，當時她因壓力爆煲患上抑鬱症，試過三、四個月不能睡覺，每日躲在黑暗的家中不停喊。事過境遷，她感激之前的一切經歷，令其20至30歲的十年很精彩。經歷過幾次感情失敗的Elanne終於找到「對的人」，與「生煎包王」蕭潤邦（Oscar）互相扶持，風雨同路。
一係浸死 一係發憤
即將30歲的Elanne於2007年以歌手身份出道，近年專注內地發展的她藉着入行十周年，決定回歸香港樂壇，相隔五年再推出廣東新歌《小燈塔》：「十年嚟經歷好多風風雨雨，依家所有嘢已經走過。今年係我入行十周年，係好有意義嘅一年，所以好想用番歌手身份返番去起點，畀自己重新出發嘅機會。呢首歌係好勵志，話畀大家聽，遇到困難或挫折唔使驚，希望大家可以勇往直前。」問到十年內經歷過最大的風雨是甚麼？她坦言出道時遭到很多負面新聞抨擊，雖然一直抱清者自清的心態，但事實並非如此。而人生第二次大風浪就是與前經理人公司的合約糾紛，她直言持續了三年，已成為生活一部分：「依家係我最開心嘅時間，因為我將所有嘅難關成為咗自己嘅血液，隨住我身體內流動，所以就唔會覺得有幾慘。（咁樂觀？）係呀，我成日講當你遇到風浪，你得兩條路，一係畀佢浸死，一係奮力向上游，畀自己一條生路，我選擇咗第二條路。」
犧牲瞓覺 不停工作
合約糾紛令Elanne每月要付6位數律師費，她坦言跑數跑得很辛苦：「呢幾年過啲生活係癲嘅，可能為咗一個商演，拍緊戲或劇時一收到電話，無論邊個地方，可能近至廣州，遠至紐約，橫跨半個地球嘅地方我都會去，我會犧牲瞓覺時間去另一邊地球接一個商演，再返內地拍戲，但我會覺得幾快樂，有得跑好過冇得跑。」她又稱試過戶口得雙位數：「呢啲生活我絕對試過，但已經慣咗，但當然最難捱嗰陣（發生合約糾紛時），我會覺得死啦，我係咪要浸死？因為冇面對過咁大件事。」禍不單行，爆發合約糾紛前半年，Elanne因壓力爆煲開始患上抑鬱症，病情維持了近年半：「呢10年裏其實我覺得自己有時幾似條橡筋，強裝堅強咗好多年，遇到好多事情但唔會將軟弱一面表達出嚟，甚至同屋企人，我都係一個報喜不報憂嘅人，將所有嘢都收埋喺心入面，我會形容（患病時）係呢條橡筋突然斷咗，所以嗰年半都係過住黑暗生活。」
食安眠藥 拒見光明
Elanne憶述患病時試過三、四個月都不能睡覺：「一晚會食4、5粒安眠藥，瞓唔到就起身食一粒，食到係會加埋酒精，外人睇可能以為我係自殺，但其實我心裏淨係想瞓覺。去到最嚴重時係出唔到街、做唔到嘢，我已經冇法見到任何光線，一定要匿喺屋企將所有窗簾拉晒、將燈熄晒，每日喺屋企淨係識得喊，喊到由梳化到地下，每日要由屋企人、朋友睇住我，但每日佢哋都慘不忍睹，一開門就見到有條『屍』瞓喺地下，側邊全部係紙巾碎。」然而事過境遷，成功走出抑鬱的她坦言跟自己講，這一世都不想再重過之前的生活，但她亦對之前的一切經歷心存感激：「如果唔係有之前嘅經歷，或者我到依家都唔知開心係乜，亦好感激個天總會喺逆境中畀一道光我去行，所以到依家我都好感恩所有嘅一切。雖然每一次遇到嘅事都好似好大件事，但我覺得20至30歲呢十年間係幸福，所有挫折、難關都喺呢十年內發生，所以過得好精彩。」
光明正大 公開戀情
去年九月生日，Elanne宣布與內地男星曹雲金甩拖，今年四月底卻突然在網上自爆與前組合Bliss成員、現開食肆的「生煎包王」蕭潤邦（Oscar）拍拖。早前接受專訪時Elanne仍未宣布拍拖，但卻春風滿面，處處流露戀愛中女人的模樣，難怪她笑言工作忙碌都不會沒有時間拍拖：「拍拖呢樣嘢唔會冇時間，只係要遇到一個啱嘅人。」她坦言經歷過幾次感情失敗，現清楚知道甚麼人適合自己：「我希望未來對嘅人係會支持我做鍾意做嘅嘢，當然大家互相支持，每日可以一齊成長進步。」她又稱會揀圈外人做伴：「我係一個幾冇安全感嘅人，好似圈外人比較踏實，唔想成個人生都關呢行事，希望私下生活可以簡單，做啲簡單嘅事。（上次嗰個太高調？）唔關我事，冇諗過喺遙遠嘅他方會畀人影到。不過依家同以前唔同，如果拍拖就光明正大，我都唔細，咁樣我都會舒服啲，唔想拍拖因為工作而偷偷摸摸。」在此恭喜Elanne終於找到「對的人」Oscar！

迦樓羅女王

係無變呀 ... 一樣咁唔靚麻

自拍男

係無變呀 ... 一樣咁唔靚麻
迦樓羅女王 發表於 2017-5-22 03:29 PM

元老口是心非精選

ELCM

係無變呀 ... 一樣咁唔靚麻
迦樓羅女王 發表於 2017-5-22 03:29 PM

hkgos

2# 迦樓羅女王

cxzcxz

係無變呀 ... 一樣咁唔靚麻
迦樓羅女王 發表於 2017-5-22 03:29 PM

自拍男

cxzcxz 發表於 2017-5-22 09:20 PM

英雄莫問出處系列

胡生

【東方日報專訊】「大眼妹」江若琳（Elanne）今年出道十周年，希望以歌手身份重返香港樂壇，跟大家分享入行以來經歷過的風雨。其中最大風浪絕對是與前經理人公司的合約糾紛，當時她因壓力爆 ...
自拍男 發表於 2017-5-22 03:25 PM

https://www.youtube.com/watch?v=KcBO_ulQRUc
為演藝事業拒婚 江若琳：我有我思想
22至25秒 close up佢腳 正呀

迦樓羅女王

佢係靠大陸先紅姐 ... 果D本土派 , 唔係應該反佢咩???!!!

電騙男

https://www.youtube.com/watch?v=KcBO_ulQRUc
為演藝事業拒婚 江若琳：我有我思想
22至25秒 close up佢腳 正呀
胡生 發表於 2017-5-22 11:53 PM

江Ling出名係對腳