巴士埋站太貼，兩惡煞拉車長落車毆打，Thomp 有乜感受?

自拍男

狗年太多人渣




年卅晚有九巴車長遭2惡漢拉落車圍毆！昨(15日)晚11時許，一輛路線905九巴由灣仔開往荔枝角途中，駛至干諾道西近摩利臣街時，剛巧有數名男子企在巴士站路邊，疑被巴士駛得太貼嚇親，2男突然踢向巴士車身，姓王(50歲)車長見狀將巴士停低，並開門準備落車查看，其中1名廿餘歲男子衝上車廂將司機拉落車，繼而毆打車長，另一人見狀亦加入拳毆車長，2惡漢逞兇後與同行友人逃去，乘客目擊事件致電報警。

警方接報趕至，遇襲車長額頭受傷，由救護車送院療。案件列作襲擊致造成實際身體傷害，正追緝涉案2名約1.7米高中國籍男子，一人案發時身穿黑色上衣、黑色長褲及白色鞋，另一人穿灰色上衣及棕色長褲，中區警區刑事調查隊跟進。

遇襲姓王車長表示，他入職5年，事發時見有5至6人企在路邊，他怕危險於是停下車，有人突然踢向巴士車身，他開車門想了解情況，惟仍未落車已被人拉下車毆打。事發後有乘客向他表示已拍低片段，可轉交警方跟進。王表示「唔知發生咩事」，又坦言「某啲人行為唔可以接受」，形容事件是「不幸」，嘆「車長左右做人難」，「希望新一年身體健康」。