分享社論 "權貴犯法輕饒 法治之區病了"

PKTung2

嘩嘩嘩！富家子弟一個又一個駕車闖禍，然後一個又一個法外開恩，唔怪得之窮等人家個個望發達啦，發咗達咪可以享受逍遙法外嘅權貴待遇囉，犯咗法都冇必要受到應得懲罰！
& j; c2 u6 L9 v" O
7 q1 Z7 d6 _9 H/ U$ X大家可能會問，唔係吓話？香港唔係出晒名嘅法治之區咩？有乜可能權貴犯法不與庶民同罪？問得好！其實功夫茶都想知道香港到底係咪已經進入法治已死嘅彌留狀態，如果係嘅，考慮移民。; d" }- Y- E9 r; p4 U
6 `, S1 v. r$ _3 t) d
富家子弟逍遙法外最近總共有三單，逐單逐單略略介紹一下先啦。
! R6 n1 ?2 q1 m! X' H/ |, S% l2 W( b8 H- m1 E) w& X- b
第一單，前民政事務局常任秘書長李麗娟有個寶貝女，西隧出口超速駕駛，時速限制五十公里竟然開到九十四公里，即係超速接近一倍，簡直係逢車過車女車神。阿女即場被警員截停，當堂斷到正一正，睇怕吟詩都吟唔甩。點不知一上到法庭，前高官嘅寶貝女以「時速路牌被遮擋」為由否認控罪，而法官大人唔知點解又接納，超速罪名洗脫得一乾二淨。
! I6 n- }7 j) y- {- k7 r, F/ [. T/ C4 C- e& V) T
第二單，終審法院常任法官包致金有個姪女，撞車之後不但拒絕吹波波，而且眾目睽睽之下掌摑警員，第三次涉及襲警罪。哈，法官大人又唔知點解冇判呢個襲警積犯坐監，只係輕判感化令、停牌一年以及罰款八千。輕判嘅理由係乜呢？良好背景喎，美滿家庭喎，榮譽畢業喎，總而言之唔係壞人只係病人。
% V: n' V( X/ j4 Q
- B& b2 F3 r6 \' ?! p第三單，上市公司豐德麗副主席唐家榮有個寶貝仔，承認未獲授權使用車輛、無牌駕駛、醉酒駕駛、無第三者保險及不小心駕駛罪，法官大人再一次從輕發落，僅僅判處一百五十小時社會服務令，罰款一萬二千元。: N/ g& i8 a  e( s2 W8 f# Q
  c/ C2 t( R1 P. J& [# F0 r6 C
一口氣講完三單案例，功夫茶愈講愈心寒。喂，係人都知襲警好大罪，何況已經唔係第一次，咁都唔使坐監受靶，難怪警隊上下震驚扯火，一來感覺受盡侮辱，二來擔心執法困難。講真，假如功夫茶係得到特權保護嘅名門望族，咁啱有個親戚做法官，日後確係有衝動一見警察就大巴大巴兜巴星，反正摑完警察都冇事嘅，唔摑就笨咯！3 A$ m, P+ q( @8 }) F# J' F- z
7 r! `# K) ?, s) }4 Q$ N; s
至於揸大膽車仲要醉酒駕駛，同樣係人都知好大罪，政府宣傳片成日嚇人，醉駕一經定罪就要入獄。如果換轉係冇人冇物無權無勢嘅普通人，睇怕洗定八月十五踎監過中秋都得啦。吖，上市公司高層嘅下一代果然神仙放屁不同凡響，基本上乜事都冇，服務社會咪當做運動囉，區區罰款更加係碎料。
9 n8 Y( H) ^% [# m
) n) {1 P- z# V  X, M三單之中最引起各界嘩然嘅焦點人物毫無疑問係包致金姪女，事關呢位法官口中嘅病人，功夫茶思疑係公主病，病發期間摑警一幕清清楚楚攝入鏡頭，逍遙法外特別惹人反感。所以咯喎，怒不可遏嘅網民已經喺facebook設置多個群組抗議，其中一個群組叫做「強烈要求律政司介入，重判包致金姪女Amina」。網民會唔會上街示威呢？唔知㗎，今時今日互聯網一呼百應，隨時又搞出個大頭佛。/ d! u2 _1 d* D& G$ l

. j) c  F4 g: i$ i  \. k計功夫茶話齋，莫講話公主病了，香港作為法治之區其實同樣有病，如果唔係病到五顏六色，冇理由餐餐輕饒權貴！

: H4 m: {3 r& u; X
. k9 \; X  i# H8 c4 H# v2 e- P呢 3 單 CASE 真係 天地不容
8 r5 Q/ ~# u* }* C0 @