拍拖*n

Elsie

我試過好多次戀愛，但係呢~ 唔可以講話係專家。
我覺得係戀愛裡面，無人可以係專家，因為咁樣，呢個人就真係太假了。。。

我想係到講 o下我 d 經歷呀~ 仲有 d 趣事~~ hehe
想同大家分享下囉 ^^"

希望大家會支持我啦~~~

唔知大家會想聽初戀丫~ 定係 others 呢?
我份人比較多野講~ 萬一打得太長唔好怪我呀~~

Elsie

咁不如等我問大家一個問題先!


通常你地拍拖會係：

1。男仔主動同你講 "我地一齊丫"
2。女仔主動話 "咁我地宜家係咩關係呀?"
3。相方無乜點講到，只係大家已經知道一齊左。

qweqweqwe

想聽宜家........

衰貓

咁多次都係我同個女仔講話大家一齊，因為我極度唔靚仔，所以只有我求人‧‧‧‧‧

greatzelda

我係第3個既,我未試過要開口講要一齊,不過都冇咩戀愛FEEL,可能太多次LU

gn00751960

我係第二個, 而家仲係同緊佢一齊

Elsie

好~ 咁我就講下宜家啦~~^^"
我呢次算係第 3 ，我地兩個都無乜點講到野。
好似都唔知係邊個追邊個先囉~~哈哈
我地宜家成日都會話係對方追自己先既

咁我同佢呢~ 係番工識架，佢大我一年，係後來先知道原來我地係同校。
勁傻~ 因為佢都係比較靜啦，係學校都唔係好覺佢存在既!
岩岩開始只係係番工個時會傾啦囉~ 因為好悶嘛~
咁佢又好好人，成日都會幫我執下手尾，就可以一齊放工。
我地之後交換左 msn，就主要係上網 chat!
(因為個時我只係番一星期一日。。依家無番工)
就係咁上網 chat 得多就越來越熟o勒~後期係契左做契哥囉。
(唔知係咪好多女仔同男仔都會先玩契左先既呢~~?)
有一次傾到話大家都鐘意唱 k，哈~ 咁我又話自己唱好好ga!
(當時只係想佢有多 d reaction)
咁佢就話不如一齊去唱 k 啦~考試之後~~

就係咁~ 就第一次約會o勒!!
不過當時仲有佢 d fds，有3，4個咁囉
我只係識一個又係我地學校，另外個 d 我都唔識既。。。
個日其實真係無乜野囉，唱下歌，傾下計~~~
後來食 dinner 只有我同佢個 fd (我識個個)
食完就番屋企 lu~ 佢無送我。
反而係佢個 fd 同我坐火車去到我落車個個站
(因為佢個 fd 又係住個到)
之後呢~ 都有上網 chat ga~
直至下一個約會。。。

Rika

Originally posted by Elsie at 2005-10-18 05:21 PM:
好~ 咁我就講下宜家啦~~^^"
我...

然後幾時變成情侶架? 幾時開始對佢有好感架? 好奇一問~

Elsie

hehe~~
好感呢就一早有架啦~
鬼叫佢成日都幫我手咩臨放工個時~~~
之後記得有一次約左出黎睇戲。。。就睇出事了!!

個日有小小雨，我地仲同對方講實唔會帶傘，點知。。。
我地見到面就笑左出黎~ 因為我地兩個都有帶到喎!!
之後佢比左一個 hello kitty 糖我
(但我本人對 hello kitty 無乜興趣，我反而對個盒，圓型既，比較有好感)
咁我地就行去睇戲啦~ 當時睇咩都唔係好記得啦。。。
話晒都一年幾前既事!
我地可能都已經契左啦個時就比較 close d 都有成日講下個 movie
又有dd 挨埋咁呢~~~ 過左一陣。。。
就直頭攬埋左一齊添 (呀~~~ 好尷尬呀 ><"")
不過~ 個時真係好 sweet 好開心既。
睇完戲我地去左 starbucks 坐低飲野
(我好鐘意去cafe，只不過同左佢一齊先知佢無乜興趣，當時只係為左就我)
飲到咁上下。就入題o勒。。。
我問：記得個時番工你問我借電話 sms 比人嗎?
佢話：記得~
我：　其實呢~ 我睇左個 sms 囉之後，ummm
佢： 哦，係咩? 我個時都無 send 出去。
我： 哦。。。
(因為心諗，個 sms 都幾骨痺，原來自己大頭蝦，唔記得佢有女朋友，亦因為佢女朋友係 china，我地係澳洲讀書，所以對個個女仔都無乜存在感。註：佢係廣州來的，所以講廣東話，都無咩隔膜)
其實都差不多時間了，我約左人架個時。個 fd 就係條街到等我，所以
我同佢講我要走啦~
咁佢就送左我去下面，我望住佢，大概5秒啦我諗，佢都無乜野講，咁我就走左啦。。。

之後個晚係屋企同佢講電話先講番正題。
原來佢已經唔 like 個個 girl，只係為左 d 責任，先唔同佢散。
唉~~~ 咁我就話啦~~~
你同個女仔散左我地先一齊啦!!
隔左幾日都係唔得囉，我地似乎真係幾鐘意對方。
一齊左個晚，佢先打電話比個女仔，同佢講。
(好似話佢地都傾左成個鐘。。。唉！)

Rika

Originally posted by Elsie at 2005-10-19 08:53 PM:
hehe~~
好感呢就一早有架啦~
鬼叫佢...

原來係咁既，都幾順利啦叫做
有無諗過搵鬼仔或者日本仔呀?
你又係響澳洲讀書架，邊個 city 呀?