[愛情診療室] 可以和好如初嗎~?

kingdom

唉~~~
我之前鍾意左一個女仔....
不過佢一直唔知我鍾意佢架~!!
而我地一直都係d好close ge朋友....
一齊玩,出街,傾電話咁.....
但係,後尾我知道左原來佢有鍾意ge人架喇~!
我真係好心痛呀......
直到有一日,佢冇啦啦o係icq問我係咪鍾意佢喎~~
雖然我知佢唔會鍾意我,但係我都講左俾佢知我鍾意佢~!!
跟住佢就話我地永遠都係好朋友喎....
你唔好鍾意我呀....

唔知點解,講左俾佢知之後,
成個人都鬆晒,冇晒負擔咁...
知道佢有鍾意ge人後,我諗通左~!
明白到同佢冇可能,
可以做朋友已經好滿足~!!!

但係o係學校見到佢,好尷尬,唔敢同佢講野,唔敢望佢....
後尾我問番佢我地可唔可以好似以前咁fd
而佢就話俾d時間大家,
冇可能即刻fd番...
我依家淨係想同佢fd番,好以前咁fd.....
我唔會再奢望d咩,因為佢真係一個好好ge女仔
即使佢唔鍾意我,我都想o係佢身邊...關心佢,幫佢!!!
我想問下咁多位

1.佢話俾d時間大家,咁即係點呀??
我同佢有冇機會fd番呀你地覺得???

2.點解我咁快就可以放低佢,
係咪代表我其實唔鍾意佢架.....

3.你地有冇類似ge經歷呀??

4.當你地知道你鍾意個女仔唔會鍾意你,
你地仲會唔會痴住佢呀..
或者選擇放棄呀???

[ Last edited by kingdom on 2005-10-22 at 08:43 PM ]

fmchelloauntie

1)俾d時間大家...我覺得即係呢排唔好搞咁多野住,但係都要keep 住同佢有聯絡...
一定有機會fd 番既~~!!

2)或者你知道左一定無機,咁咪可以快d放低佢囉...
既然而家你都唔會再想同佢做情侶,咁就唔洗諗番之前係咪鐘意佢...(同埋係咪鐘意/愛佢,無人清楚過你)

3)我就冇,因為我好多時都搞到哂都清楚哂,先表白,或者知道無咩可能就會give up~

4)我會希望同佢做好朋友,或者佢有一日會回心轉意~而自己就平常心咁同佢做好朋友~(除非人地結哂婚,咁我就放棄la~)

Miz

『知道佢有鍾意ge人後,我諗通左~!
明白到同佢冇可能,
可以做朋友已經好滿足~!!!
我依家淨係想同佢fd番,好以前咁fd.....
我唔會再奢望d咩,因為佢真係一個好好ge女仔
即使佢唔鍾意我,我都想o係佢身邊...關心佢,幫佢!!!  』
你呢段野應該直接同佢講...或maybe u say左 , 我冇咁既經驗 , 幫唔到你 , sry

greatzelda

Originally posted by kingdom at 2005-10-22 08:38 PM:
1.佢話俾d時間大家,咁即係點呀??
我同佢有冇機會fd番呀你地覺得???

2.點解我咁快就可以放低佢,
係咪代表我其實唔鍾意佢架.....

3.你地有冇類似ge經歷呀??

4.當你地知道你鍾意個女仔唔會鍾意你,
你地仲會唔會痴住佢呀..
或者選擇放棄呀???

我有類似經驗,不過到最後個結果都係各散東西
你要既答案:
1.叫你俾時間,係因為佢想你唔好再纏佢,等時間過你慢慢淡忘
2.你根本唔係放低佢,如果你放低左你就唔會想同佢變返以前咁close啦,你關心佢唔係出自朋友既關心,因為你仲鐘意佢咋
3.答左你喇,不過我既經歷個結果真係好悲,唔想再提
4.你仲痴住佢只會令你自己有幻想,以為可以再續前緣,佢會覺得你變得討厭架咋,講真,有幾多人會想一個唔係自己鐘意既人日日痴住自己,萬一自己鐘意果個見到會點丫,只會有誤會

有好多野唔係講左出黎就會舒服d,係只會破壞現有關係,所以有時鐘意一個人,對佢好就已經好好,唔洗表白架,有時D野留係心度反而好好多,歌仔都有唱
"有時激情捉o係手裡面　會化為灰燼　反而藏o係心底可以歷久常新"
鐘意一個人,收係心度會好好多,你就係因為講左出黎,攪到原本既關係都冇埋

火龍219

1.俾d時間大家...基本上，係佢覺得大家都需要時間沖淡番件事
做唔做得番fd，我覺得除o左你可唔可能好似以前咁之外，都要在乎佢得唔得同佢想唔想

2.咁快就可以放低佢.....我覺得係因為你知道o左個result，所以咪唔洗估下自己仲有冇機囉
並唔代表你唔鍾意佢o架!!!況且鍾意有好多種程度，可能程度轉了，你自己唔知姐

3.而家同你有類似狀況!不過我地冇咩機會見，所以好難拉番個關係

4.why u say 痴住佢呢???keep 住做番好友有問題???定係你一開始已經唔係當佢fd黎睇呀???
fd 冇話who痴住who 嫁!!!
我唔會話放唔放棄嫁wor--o--同fmchelloauntie一樣，以平常心咁同佢做好朋友，睇下會唔會一日佢會回心轉意，不過機會不大囉~.~

[ Last edited by 火龍219 on 2005-10-23 at 01:06 AM ]

kaikin

1.我覺得佢女仔係驚仲你鍾意佢會唔知點對你.....我覺得你要比時間佢    一個字   等
2.你係咪以個女仔角度黎睇?  我諗你都係口不對心 - -  如果你係放低左 就唔會問啦.....  
   或者比自己少少時間同佢分開下先     唔好去諗佢住  但如果你之後仲成日諗住佢....咁即係話
   你仲係鍾意佢
3.我篇  失敗者.....  有冇睇....?你睇下我篇野......或者比到意見你既
4.每個人都唔同.....呢d野  問自己   唔好問人   唔係會後悔


講真 我覺得你放佢唔低  話哂你都鍾意左佢咁耐....
如果你可以咁易就忘記佢..咁你唔好咁易就話鍾意人

唔好成日諗住佢先.....比自己放鬆下啦^^

kingdom

好多謝你地呀～！！
佢話俾ｄ時間大家，
係因為佢鍾意ｇｅ男仔都係唔鍾意佢．．．．
個男仔已經有鍾意ｇｅ人．．．
佢依家都嘗試緊放低個男仔～！
佢ｇｅ處境同我一樣呀．．．．．．．
即係我鍾意佢－－＞佢鍾意另一個男仔－－＞個男仔鍾意另一個女仔！
依家我同佢都要放棄．．．
係咪好複雜呀？？？＞＜

kaikin

你唔好放棄    只係佢要放棄....xdd...
但我覺得就唔好即該追佢   比d時間佢

kingdom

kin～
我依家冇再諗住追佢喇～！！
我淨係想同佢做最好ｇｅ朋友～！
即係佢有咩開心，唔開心都會同我講．．．
咁我已經好滿足喇．．．
唔使一定要做情侶．．．．．

greatzelda

表白左,人地唔係即時接受都只會有反效果,你果D講得難聽只係你既妄想,佢鐘意既人唔鐘意佢都唔一定要接受你架,呢D野唔係等就會有你想要既結果