[轉貼] 生氣、憤怒、嬲到震同哭笑不得,有乜野唔同[locked]
上哲學堂時
學生問教授一個人生哲理的問題︰「教授我想問，生氣、憤怒、嬲到震同 哭笑不得，有乜野唔同？」
教授說︰「我做個實驗俾你睇，你就容易明嫁勒。」
於是他揭開電話簿，隨便搵左一個叫PK仔既電話號碼，就打電話過去，電話接通，教授按擴音鍵讓學生聽清楚……
教授︰「請問梁朝偉係度嘛？」
PK仔︰「你打錯喇！」
教授︰「唔好扮野啦！梁朝偉係度嘛？」
PK仔︰「都話你打錯咯！」說著就把電話掛了。
之後，教授即刻又打電話過去……
教授︰「請問梁朝偉係度嘛？」
PK仔︰「邊個呀！你打錯喇。」
教授︰「請問梁朝偉係度嘛？」
PK仔︰「@@，痴線嫁。」又把電話掛了。
教授馬上又撥左一次……
教授︰「請問梁朝偉係度嘛？」
PK仔︰「你到底係邊個？少無聊了！」
教授︰「我係劉德華，我要搵梁朝偉……」
PK仔︰「白癡架！你係劉德華咁我咪成龍！我XYZ你個上中下！」說完，就把電話甩上。
教授告訴學生︰「呢D就係生氣喇！跟住，俾你睇下乜野叫憤怒啦！」
教授又撥一通電話過去……
教授︰「請問梁朝偉係度嘛？」
PK仔︰「你係咪五行欠打？要搵梁朝偉打去中國星啦！@@丫，你有種就再打黎俾我睇下……」說完就更用力的甩上電話。
教授告訴學生︰「呢D就係憤怒。跟住，俾你睇下乜野叫嬲到震！」
接著，教授又撥了一通電話，這次隔了一段時間才有人接，電話一接通……
PK仔︰「頂你個肺！.............@@……」正當他破口大罵的同時……
教授︰「請問，你係咪PK仔？」
PK仔︰「喔！真係對唔住，因為頭先有人惡作劇，我唔係特登要鬧你……」
教授︰「唔緊要，請問梁朝偉係度嘛？」
PK仔︰「哇!你個仆……」這次沒等PK仔鬧完，教授就把電話掛了。
教授告訴學生︰「呢D就係嬲到震，你明未？」
學生答︰「我完全明白晒喇！」
學生點點頭︰「不過……乜野係哭笑不得呢？」
教授笑了笑，又打左同一個號碼，對方快速接起電話……
PK仔︰「喂！你個@@樣係咪想玩野呀？」
教授︰「我係梁朝偉，請問頭先有冇電話搵我……」
_______________________________________
[ Last edited by 月月鳥 on 2006-2-6 at 10:18 PM ] |
發表於 2006-1-19 04:00 PM
| 
