[轉貼]九龍灣聯Ｘ桌球室驚魂

wai81

今年暑假我去o左淘大一間叫做聯X桌球室做兼職，多數都係返夜班。初初返o左一個月都冇乜事，不過悶o的o者！點知到o左１２號晚，我遇到呢世人最恐怖o既o野！

o個晚唔係太多人，到o左差唔多收工時都只係得返兩三張檯。因為實在冇o野做，所以我就同拍檔威哥傾偈吹水。點知傾傾o下威哥突然眼定定、好驚咁望住波檯o個邊，我咪拍o下佢睇佢乜o野事啦！跟住威哥就震住手咁指住波檯o個邊，我一望都嚇到呆o左！我見到前面有一個手捧住盤波o既男人行緊過o黎我o地呢邊，應該係想交波埋單走。不過個男人由小腿到腳板冇o左o架。

咁都唔止！佢一路行過o黎，隱形o既部分就越多。望住佢膝頭哥冇o左、大脾冇o左、成個下身冇o左、條腰都唔見埋……到差唔多行到埋o黎Counter四、五呎時，連個頭都隱形埋，剩返盤波BANG一聲跌晒落地，呢個時候我同威哥先識慘叫，仲嗌o左好耐好耐。

到我o地都冷靜落o黎時，再四圍望都唔見到o個個男人。不過就見到波檯o個邊仲有一個人好似我o地咁o既樣好驚。我即刻跑過去問佢見唔見到頭先個男人，佢都話見到。

原來佢同威哥一樣，最初見呢個男人由最入o個張檯捧住盤波行出o黎時係完整o架！ 點知擰轉頭再望佢，已經冇o左隻腳，越望冇o既部分越多，卒之成個人都唔見o左。

o個晚好辛苦先至捱到收工，到o左第二日返到公司先知道威哥嚇到病o左辭職唔做，跟住我咪又即刻辭職囉！我以後都唔會再經過淘大花園附近呀！

pakho

堅定流架~?真人真事?