「真話巧說」的例子

tlkwan

以下再是一些「真話巧說」的例子：

我係做物業管理，其實就是看更。

我係搞本土經濟，其實即係趁墟做小販。

我係做物流，其實係做搬運，亦即係苦力也。

我係做資訊科技，其實係賣電話或擺檔幫電訊公司叫人登記。

我係搞另類醫療，其實即係同人做腳底按摩。

我係搞視覺藝術，其實即係同人美容，化妝或洗頭電髮。

我係搞創意經濟，其實即係自己做些DIY手作仔去賣。

我搞中港貿易，其實係走水貨。

還有一些日常用語，都是新的理解。

我係搞珠三角融合，即係上堔圳入平貨營商。

我間舖頭正在內部裝修，其實，已經關門執笠。

我間公司諗住搞上市，其實，老闆想刮最後一筆，然後甩身鬆人。

我繼續進修緊，即係無野做。我想嘗試自己創業，即係剛剛失業。

其實，若平時把口放乖巧些，儘量稱呼人多，得罪人少些，唔等於就是擦上司或老師的鞋，對待同事或同學和亞嬸時都可以的，這自自然然便會給人「親和」的印像，人緣便會在不知不覺間建立起來了，這比起在辦公室檯頭或在家裡放些甚麼粉晶球、水晶陣的，以求增加人緣，更立竿見影有效得多呢！

最後一題，就是縱使你擁有一副如何的靈牙利齒、滔滔雄辯的不爛之舌又如何？若每每跟別人有著不同的觀點和意見時，縱使次次也給你拗贏又點？這只會贏得了道理，但輸了感情而已，徒留給別人「牙尖咀利」、「大聲公，唔同你一般見識」、「好佬怕爛佬、爛佬怕潑婦」等負面評價而已，試想想為那些何老是有得升職加薪的，往往都是些稱呼人多、得罪人少的滑頭或騷包，而不是那些做事、說話唔識轉膊、事事都只會跟著指引辦事的「四方木」吧！