[原創小品]公仔男女[nep+]

亨九利

公仔男女
　
喺好耐以前嘅香港，常人大都用有色眼鏡去睇紋身，紋身嘅人會被視為同黑社會有某種關係，紋身嘅男人有一種野獸嘅感覺，紋身嘅女人更加好似係稀有勳物。

喺香港紋身要去灣仔或者尖沙咀，由於呢兩個地方係二十年來美國水軍時時到嘅地方，所以流傳落嚟呢種行業。美國大兵十之八九都有紋身，因為佢哋怕一旦打起仗來客死異鄉，而面容身體被炸得肢離破碎時，亦可以從紋喺身上嘅圖案來判別。

遠古中國社會，已經有紋身呢回事，嗰陣時叫做「刺青」，大部份被「刺青」嘅人都係囚犯。遠至戰國時期，七國混戰，凡是被敵國俘虜嘅人，都會喺臉上被刺上敵國國號。例如你比秦國捉嘅，咁佢哋就會喺你塊面刺個「秦」字。演變落嚟「刺青」發展到並非囚犯尊享，最為人知應該係南宋時候嘅岳飛，佢細細個已經比佢老母刺咗「精忠報國」四個大字喺佢背脊。而後期一啲反對政府嘅幫會組織為咗辨認誰是自己友，就刺上一啲暗語或圖案。如清康熙年間，由陳近南帶領嘅民間組織「天地會」就會喺幫眾身上刺上「明復清反、母地父天」八個字，將呢八個字倒轉嚟讀，就係「天父地母、反清復明」。

到咗今日，紋身變成一種時尚，有啲人會覺得紋身係一種奉獻，係一種自我犧牲，喺比針拮嘅時候追求一種痛楚裡面清醒自我肯定。有幾個藝人成日鼓吹紋身風氣，嗰幾個緋聞男女檸檬、皇妃、拍蜘、大春，好似鬥比賽紋身咁，其實佢哋唔知有冇諗過一旦紋咗身，就好似一失足成千古恨，永遠唔可以再回頭，永遠唔可以再重新搵番喺紋身之前嘅清白之軀。

[ Last edited by neptune1122 on 2005-6-2 at 08:29 PM ]

twh1110

Originally posted by 亨九利 at 2005-5-30 10:58 PM:
佢細細個已經比佢老母刺咗「精忠報國」四個大字喺佢背脊。
　...

岳母真係追得上潮流~~
haha

neptune1122

支持原作～～～～