致中五會考生及其父母

bengrace50

《放榜在即，請容我在此同今年的中五生分享一下經驗，謝》


唔好咁早做野呀！有機會讀書幾大讀

中學唔掂唔等於大專唔掂。  當年我考3次會考英文先pass，第一次只得3科pass，一樣由diploma讀到大學畢業，無問題，有恒心不怕輸就得喇。

仲有依家好多不同渠道讀上去，e.g.IVY, 校外課程、大學社區學院等，用呢d cert.一樣可以申請入番大學，我都係咁入大學的。  同時，讀大專容易同好玩過中學(我覺得).

況且最重要的是，一個人的成就同被人認同的重點是『識做人』與否，並非單單是學業。 人的人格比任何事更重要，你們出到社會工作後自然明白最重要的是人格的道理了。

bengrace50

仲有講漏左d野。 唔好以為IVE的course好差。  一向以前d人因為以入大學為最終目標，IVE的前身『工業學院』就因為當時同F.7好似差左d。 但其實因為當時成積較差的學生先選『工業學院』，同時入『工業學院』的目標是要入理工學院『今日的理大』。  所以俾人感覺好似入IVE讀好差。  其實老實講，俾我將來個女讀到中五之後，我都會要佢先讀IVE再入大學。

點解，IVE讀的課程其實是專上課程，同大學的課程其實仲緊接同有用。讀完大學都是要做野。 IVE的Cert、Diploma、同 HigherD以前大學都有攪。 只是俾董建華攪到無錢變左淨係大學以外的學府攪。  但以Diploma、HigherD同中七來比較，Diploma、HigherD以經高學歷過中七。d顧主都較受落。

以我出來做野咁耐知道，中七畢業同中五分別其實不大。但如果你有張diploma，以經好過d中七仔啦。