[發財埋便] 一般賭仔犯的錯，好好反省！

kakeidevil

我唸好多人都睇過呢篇文,但我覺得寫果個係寫得幾好....
就當貼出黎比未睇過既版友仔睇下啦~~

--------------------------------------------------------------------------------------------------------
一般賭仔最大的犯錯有以下幾點：

（１）無心水照賭，求賭也

明知無心水都要賭，博一博，這樣做不如拿ｄ錢去捐好過賭，因為如果想羸錢一定要做下功課，唔可以一未靠估，只求賭，有些人就算明知邊隊對邊隊，都走去賭大細，因為呢ｄ人真係講真一句，求賭是也～  

（２）直播波一定賭

直播波又要去賭，因為有得睇，所以為了增加刺激及投入程度，就算冇心水，點都賭下大小，半場主客和等等，尤其係大戰例如星期日晚的曼聯對車路士，我相信呢場波一定很多人有下注，因為直播的關係，又有走地盤，中場大細，波膽等等，其實點解馬會開多咁多玩法，其實一個字，想你買，中間抽水，馬會實羸，其實找呢場波為例，可以講很多野，第一呢場波開賽前一定冇咁易估，平手盤，各有各支持者，貪好分既買車仔，唔貪既買曼聯，再加一些死硬派買自己心愛的球隊＜－－－－呢點又可以再詳談，先講車仔的愛載者先，見到上半場落後，總覺得有機會追和及反勝，加上賭率又好分，一定分注買和同羸，其實這樣已經係唔好，因為你所投注的金額大左，風險又大左，俾馬會抽水自然多左，幸好真係追番１：１，如果唔係就傷上加傷～又或者中場時投注個入球大，有２點幾倍好好分，因為望車仔羸起碼都要入２粒，所以大既機會高，而且曼聯又有機會再入，開大機會自然高，所以又加注～加下加下，點知最後又輸埋！
講完車仔ｆａｎｓ，講曼聯ｆａｎｓ，曼聯ｆａｎｓ中場既時候就諗啦，我一早買在曼聯羸，現在都叫緊胡，不如買番ｄ中場波謄，２：０，２：１啦，應該都得啦掛，唔得最多贏少ｄ，結果最後冇謂多講，緊係輸番ｄ俾馬會，所以最後馬會係羸番本應你所贏的，所以各位緊記，唔好加注，唔好心大心細，買左就算～

（３）千奇唔好羸縮輸谷＜－－－－－呢點好重要！！！

一定要保持注碼，唔好突然加大好多倍，唔好一次過孤注一擲，羸多就冇問題，輸左怎麼辨呢？緊記！！好簡單一句成語：窮寇莫追，越追越會輸，大多數的定律，點解呢？好簡單的，賭呢家野好邪的，有運係上來，連贏１０口以上，衰起上來，連輸１０口，如果每次加注既話，想想會怎麼樣呢？第一想追回輸的大有人在，包括自己本人，哈哈，但係一想追，心就會亂，亂既話，頭腦分析得唔好，自然羸機會細了，輸機會大，而且衰起有條路，所以一句窮寇莫追是也，緊記～

（４）唔識賭學人賭

呢個又係好多人犯既錯，因為我遇見太多這樣人，尤其係師奶同婆婆居多，一心諗住羸錢，買明牌，呢ｄ輸死人，我見過有個婆婆係馬會冇啦啦走去問人：唔該呢位先生，幫我畫一條３ｘ４，唔該你呀先生，呢位先生就答：唔好啦，你話我知你想買乜，我幫你畫就得，叫我用我自己心水幫你，輸左怎麼樣？＜－－－－－－呢樣野係我一陣間會講的問題，這個婆婆真係不斷咁問周圍畫緊飛ｄ人叫佢幫佢畫，最後唔知有冇人肯幫呢位婆婆呢？我唔知啦，因為我已走了，真人真事！
為何叫唔識賭學人賭呢？亂買一通，自己不懂足球，邊隊打邊隊，球隊有什麼人，人腳怎麼樣都唔知就去買，機會係有，因為係會有爆冷的，不過唔會高，而且都係２分１機會，如果買大細，單雙，讓球盤等等，不過呢ｄ叫靠運，不如過去澳門賭好過啦～

（５）買完羸輸都沒有影響生活＜－－－－－－呢點係病態賭徒最會犯的

賭唔係一定羸的，輸左怎麼樣？輸羸都唔會影響生活，這一點好重要，因為這樣才不會導致債台高築，唔會行上不歸路！有ｄ人會成日以為輸左唔緊要，下次羸番，先係１千，２千，４千，８千．．．越賭越大，怎不知越賭知道越輸越多，開始沉淪下去，冇得反身，賭仔心態，冇理由咁黑仔既，再買，呢次一定羸．．一定羸，哈哈，一定羸變左一定輸，多多錢都唔夠輸～結果走上不歸路～各位緊記＜－－－唔好借錢去賭，唔好拿生活費去賭，只好有多餘錢先好賭，唔係後果自負！

（６）世上沒有不勞而獲

其實想羸錢一定要做功課，世上沒有不勞而獲的事，做功課只係提高命中的機會，唔係代表實中，１我出ｐｏｓｔ一定唔會話１００％，只會話可以一試，今晚要，但冇話一定中，一定中？我係神呀，預知未來，唔好講笑啦，我只不過係普普通通的一個凡人，沒有超能力，中既話我只會話自己好好彩，因為未必一定羸的～有ｄ人想羸錢又唔做功課，一未靠運，上天好公平的，明白嗎？

（７）輸羸都不要怨別人＜－－－－－呢點好重要，睇埋下面就會明

好多人不但沒有做功課，又想羸錢，所以未跟人買，跟人買係沒有問題的，但係請呢ｄ人緊記一點，輸左唔好性賴，我見得太多人係咁，輸左就係處鬧人，怨人，但呢ｄ人有沒有好好想清楚，其實沒有人拿槍指住佢地要佢地買架，係佢地自己選擇要買的＜－－－－輸錢唔緊要，連品都輸埋！跟人羸錢佢又唔好好反省下？邊個叫你跟，你自己選擇跟買的，你可以唔買架，對嗎？  
我出ｐｏｓｔ都係想分享一下意見，跟唔跟買，係你們自己決定的，因為每人有每人的選擇，所以我又唔會話１００％中，如果好彩給我估中，而你地又跟左，恭喜哂，但功勞不是我，因為我都冇話實中，我只係分析，想多ｄ人羸馬會錢～因為你們自己選擇跟我買的，係你地自己決定，我沒有拿槍叫你跟我買   ，所以不是我功勞～而且我只係分析的！相反，輸左都唔好話我，我冇話實羸的，因為買唔買，跟唔跟都係每個人自己既事，呢一點我已經睇得太多～輸既時候俾人話，成日發生，不過唔緊要，我都會繼續努力的，分享才係最重要的！

最緊要各位緊記小賭怡情，唔好訓身呀！

mhkk

3

琴日首名入球出晒客