真正現代中餐禮儀!!(轉貼)

echola

真正現代中餐禮儀!!!


見到好多人都寫中餐禮儀,但係十之有九可以話係過時或者誤導
我寫既係現代人食飯既中餐禮儀,適合於交際應酬等比較嚴肅D既飯局
須然都一樣係繁文縟節, 但係絕對係現代社會既標準
不過一般同屋企或者朋友食可以隨個人喜好,唔需要咁注重

首先係最基本好多人都知但不得不提既幾點

第一, 搾筷子手勢唔正確會比人感覺礙眼, 所以要留意

第二, 食野係嚼不露齒, 所以請盡量收埋排牙

第三, 飲湯聲浪盡量細, 唔需要講

第四, 儘量避免餐具碰撞摩擦等做成不必要嘈音

跟住落黎既幾點比較少人知/會做,但係非常緊要既要點

第五, 中餐每道菜一定有羹/筷子跟住一齊上, 想食邊樣,用適當既餐具攞適合既份量
        放落自己隻碟,切忌攞太多,唔夠先再攞,無公用餐具你通常就會有長羹去攞送
        切忌用自己筷子去夾送

第六, 切忌用自己筷子夾完送直接放入口,向自己既碗/碟上停留一陣不過係自欺欺人既做法
        應該用"第五"先將送放向自己碗/碟上,然後先用自己筷子開始食

第七, 用自己筷子夾起碗/碟中既食物, 份量係一小啖, 放入口開始嘴嚼, 筷子放回個托
        即係話嘴嚼時一定要放低筷子,直到吞左落肚,攞起筷子重複直到食晒碟/碗中食物

第八, 如果目標食物太大舊, 咬一啖, 放低舊食物同筷子,吞完, 再攞起筷子重複直到食完

第九, 唔需要怕隻碗/碟睇落好似食到好邋遢咁, 剩載食物係佢地既作用, 污蹧係應該既

第十, 如果要講野/回答,吞左口中食物,先抹嘴然後先開始講/答, 慢D總好過滿嘴油咁講野

第十一, 切忌攞起個碗扒, 緊記"第七", 永遠係由碗/碟夾一小啖入口,飯送都係

第十二, 切忌手掙放上台, 最多雙手都係放前臂既一半左右


以上禮儀適用於所有隆重場合,包括商務飯局/婚宴等,只要做足就肯定無失禮!!!
試問你身邊所謂有中餐table manner既人又做到以上幾多項呢??

dk129

"第十二, 切忌手掙放上台, 最多雙手都係放前臂既一半左右"

都幾痛苦喎,食龍肉都冇用啦要咁守規矩