ming8964

因為足球賽事入球比較少, 所以一個錯判, 一個幸運入球, 一個不幸失球, 一個神來之筆, 足以扭轉形勢, 出現意外賽果!!!
足球是所有球類賽事中, 出現最多意外賽果!!!
正是呢D意外賽果, 令足球如此引人入勝, 假如賽事結果盡在意料之中, 誰會有興趣睇, 有興趣賭, 有興趣閞盤!!!
從巴塞對車路士兩場賽事來看, 巴塞不如想像般強大, 明顯被人高估!!!

Shaqleung

其實年年都係咁....邊隊帶頭就俾人話黑哨~

記得車仔威哂果三兩年,曼記迷同阿記迷都係咁話有黑哨,幫車仔......事隔兩年d黑哨又幫番曼記.....嘩...咁d黑哨都幾冇義氣....捧下呢隊捧下果隊~

其實只係大家d fans有時激進左d,唔抵得人地head住個league je.....咁有時睇波一定要加埋自己感情落去...但係我覺得講野又唔好過火......車仔係hiddink帶住係真係好堅,但係俾1st half聯賽scolari拖累哂....下年再黎過lor~

brightlee

原帖由 Shaqleung 於 2009-5-8 04:36 PM 發表
其實年年都係咁....邊隊帶頭就俾人話黑哨~

記得車仔威哂果三兩年,曼記迷同阿記迷都係咁話有黑哨,幫車仔......事隔兩年d黑哨又幫番曼記.....嘩...咁d黑哨都幾冇義氣....捧下呢隊捧下果隊~

其實只係大家d fans有時激 ...

absolutely truth, +6.....

that's why I say in here many times, I feel sick when people say that's corruption in soccer games... (especially the result is out of their wishes)

there are so many X factors during the games....

Yes, the truth is, we read the news some referees had corrupted and caught by Police, but what's the percentage?

I feel sad some some immature comments.....

fowlerhk

自從足球博彩流行之後
逢係有比賽因為球證 / 球員犯錯導致賽果唔 0岩心水 / 完場前逆轉 / 扳平
黑哨、假波 le d 詞語一定會出現
係人都會犯錯
點解一定要將犯錯解讀成罪惡 ?
知唔知黑哨、假波係直接貶低球證、球員既人格
比過失嚴重唔知幾多倍
仲有人話巴塞出線係 uefa 既內定賽果
你可以話球證犯錯多、水準低
話係黑哨其實只係表示自己既無知

HansChan

原帖由 brightlee 於 2009-5-8 04:11 PM 發表


absolutely truth, +6.....

that's why I say in here many times, I feel sick when people say that's corruption in soccer games... (especially the result is out of their wishes)

there are so many X f ...

甘大家都有睇法既....只係相對地你好似一面倒protect"造馬"之類既可能性......
點解你可以諗正面,但又唔接受負面嘢啦?
講真,我都好享受睇足球賽事(造唔造馬都好啦!)...
我立場係"一定有造馬同冇造馬既賽事o架喇!"
當然,有啲人場場都話造馬,又未免誇張.....
講真,有乜嘢係冇可能??
偉君龍個個都記得.....嗰時邊有人會話佢打假波...
好喇,到判咗出黎,個個都話佢"人楂,敗類!!"
喂,可能好多人都係o架喎,只做得乾淨但唔知甘解!
所以我話"鬼知得晒係造定唔係造..."
正當賽事人人都想睇,唔正當既...我哋都control唔到啲乜!
只係一面倒去protect或attack.....比較好笑

cfccfcc

原帖由 HansChan 於 2009-5-8 04:49 PM 發表


甘大家都有睇法既....只係相對地你好似一面倒protect"造馬"之類既可能性......
點解你可以諗正面,但又唔接受負面嘢啦?
講真,我都好享受睇足球賽事(造唔造馬都好啦!)...
我立場係"一定有造馬同冇造馬既賽事o架喇!"
...

講得arm
連香港波都可以有人造波......真係錢字作怪
但大家諗下
車仔巴塞呢d大會,賺咁多錢,洗唔洗同你玩corruption?
Anyway, as a chelsea fans
The thing is past already
Lets look to the future

屠膠含三世

先旨聲明, 我都認為個球證係屎, 但唔似收左錢...

但亦想反駁...
乜有錢就唔會貪錢??? 咁why李嘉誠賣油魚, 百佳假拆扣??
仲有莊家做波有利誘, 亦有威迫, 甚至政治因素, 咩都有可能

上面有網友話球證亦有比紅牌巴塞, 我想講有"走地盤"呢樣野
紅牌後引人買車仔, 然後有人會在觀眾席比暗號球證, 又令車仔贏唔到,
莊家咁先通殺...呢家野好平常...
以上我舉例說明姐...重申呢場波個球證我都覺得無問題

加上從來我覺得假波無咁易睇到, 包括當年高巴拿, 甚至香港對泰國果場

[ 本帖最後由 屠膠含三世 於 2009-5-9 01:39 AM 編輯 ]

Shaqleung

我都信呢個足球圈一定有假波......個足球圈咁大...點都會有d地方係corrupt左~

之如兄台所言話走地盤一事......都真係有可能有~至於呢場有冇d咁既野發生,冇人知~

至於有錢球隊貪錢...咁錢無人嫌多呢個係一定真...之但係有咁多錢途駛唔駛咁樣踩界搵命博呢?高巴拿係球員,貪既錢肯定多過人工...香港vs泰國就唔好提啦.....巴塞車仔....真係要咁做???唔通油王乾塘?

再者,要控制戰果唔俾車仔贏...有人話歐足聯唔想要全英決賽again....有人話係賭波累事.......九分鐘essien果腳唔係假啦gua....abidal俾人趕出場...好...大家落重飛車仔......我又想問,咁如果球證一味唔判十二碼,車仔入唔到第二球,咁但係巴塞又追唔番既話....咁d外圍又係輸到扒係度?咁個球證賠咩俾人呢?黑哨黑哨....如果d外圍收買係咪都買過勁d既球證呢?至少essien射果時企係佢面前擋住佢啦...省到球證又唔會俾人鬧~

而家大家都唔係一面倒話係有定冇黑哨,都係抒發己見je.....如果大家話球證渣,絕對合理....但係講到巴塞收買球證呀...外圍賭波控制呀.....好似有d唱衰左個球圈...大家都想繼續有好波睇架~

HansChan

原帖由 Shaqleung 於 2009-5-9 03:26 PM 發表
我都信呢個足球圈一定有假波......個足球圈咁大...點都會有d地方係corrupt左~

之如兄台所言話走地盤一事......都真係有可能有~至於呢場有冇d咁既野發生,冇人知~

至於有錢球隊貪錢...咁錢無人嫌多呢個係一定真...之 ...

corruption哩樣嘢.....唔一定只係球隊做既!
(我只係話例如!)
莊家買通球證, 球證,一隊中領隊,球員都可以落咗注
可以好多嘢好多可能性既!
係又點唔又點?
我哋睇波既啫!
"黑哨黑哨"(哩兩嘢係你打既!)
黑哨咪黑哨囉!好出奇咩?!
信咪有唔信咪冇囉!

amigofans

原帖由 屠膠含三世 於 2009-5-9 01:37 AM 發表
先旨聲明, 我都認為個球證係屎, 但唔似收左錢...

但亦想反駁...
乜有錢就唔會貪錢??? 咁why李嘉誠賣油魚, 百佳假拆扣??
仲有莊家做波有利誘, 亦有威迫, 甚至政治因素, 咩都有可能

上面有網友話球證亦有比紅牌巴塞 ...

呢個問題, 就好似上次我問巴打們, 車仔贏4球輸3球之作用何在一樣,
認有假波好普遍既巴打們, 總有佢一套自圓其說既解釋,

如上次我得到既答案, 係因為4比3, 波膽彩池就會通殺,
亦似今次既答案, 因為有走地盤, 球証會收到暗號做野云云...

假設我之前POST所講既唔成立, 莊家係可以控制一切, 我既疑問係,
如車仔對保頓, 點解唔做到車仔輸4比3? 咁就連投注車仔既一切過關彩池亦會食晒...

又如車仔歐聯當晚, 走地盤做馬係成立, 點解車仔入波後, 走地盤賠率會大幅下調?
反正佢地知道戰果一定係和, 點解班莊家唔比一個吸引D既賠率, 去引我地呢班羊古?

又如果真係咁神通廣大, 點解要攪到90分鐘先追番咁險, 點解唔早一D比巴塞追番,
再立即打多次手號叫黑哨吹多個12碼, 咁就連買和波既走地盤都食埋, 和味和味!!

其實賠率會升會趺, 彩池五花八門, 就如走地盤呢種玩意, 根本唔洗做馬, 你同我既錢早已係佢地既囊中物,
就如香港馬會, 抽1成已經夠佢地發達, 就如澳門各間娛樂公司, 根本唔洗係出老千既道理一樣....

我仲未講到做波最難度既保密問題, 如果一場假波真係會牽涉咁多人, 人家早知道戰果, 投下重注又如何?
香港一個賭仔一萬月薪都可以買幾萬一場波, 平均10萬磅週薪既球員同佢地有錢朋友家屬們, 將會投注幾多千萬?
到時莊家會唔會係輸家?

係咁多次同各朋友討論後, 漸漸我覺得講打假呢樣野, 就似上面HANS所講一樣, 信則有不信則無...
就如宗教問題一樣, 人家信有上帝, 想用科學既角度同教徒辯論, 根本係浪費口水....