|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
116991#
發表於 2010-3-5 11:02 PM
| 只看該作者
農曆年, 一句到尾, 慘烈.
話就話係做老襯後嘅第一個年, 但事實上需要拜嘅年唔多; 一來真係半退隱狀態, 二來知小弟身處香港嘅人唔多, 知嘅人都幫小弟保密.
隨咗屋企人同近親好友外都無乜利是要派, 但係呀ruby 姐就封利是封得好開心, 我都唔知唱咗幾多錢...........大約叫人唱錢唱咗四次.
年初一淩晨, 情人節.
同佢兩枝公二人世界, 點知拆完禮物溫馨完, 肚餓.........
又驚人多費事楂車出去, 傻吓傻吓兩個人行到去寶石戲院附近, 竟然見到有湯丸食, 結果兩個人食咗三碗湯丸...........
咁就快速過咗兩個人嘅第一個情人節.
朝早, 年初一開始.
ruby 姐一馬當先, 一起步, 成間酒店lobby 嘅人已經派晒利是, 速度之快令我目定口呆.
再轉去門口bell boy 同泊車, ruby 繼續帶頭, 所到之處都見紅.......
邊個好口叫佢一聲Mrs. wan 嘅, 再比!
哇............................
鏡頭一轉, 去到我屋企人屋企樓下.
ruby 姐勢如破竹, 繼續派........派到去停車場.
終於入lift, 去勢放慢.
入到屋見到我呀媽, 二話不說衝入廚房斟茶, 再跪喺到叫: 老爺奶奶飲茶! 身體健康!
我嗰兩個老頑童冧到暈笑到見牙唔見眼.
勁............................
廣告後, 繼續.
訂咗枱同兩位老人家同埋d uncle aunti 去麥當勞道食齋.
ruby 姐再次發力, 由樓下保安到齋舖所有員工, 人人見紅.
繼續一聽見有人話"少奶好可愛" "有個咁嘅新抱真係好".......雙封.
連廚房都出埋嚟讚, 佢就繼續派.
吓............................
食完齋, 老人家話累要休息, 我哋繼續去拜年.
ruby 姐段段有, 繼續做財神, 我諗如果唔係過年, 佢同件痴線佬通街派錢無分別!!!
我話老婆您都咪係又派唔係又派吖, 佢話第一次做人老婆派利是, 好興奮!
我真係無佢修........
見到我班friend, 仲大鑊.
嫂前嫂後, 我就數前數後......我見佢個手袋本來裝咗500封利是, 淨得十零封!
佢已經想返酒店"補倉".
我就好d, 100封仲有30幾封淨, 比埋佢派.........
到咗夜晚食飯, 災難繼續.
結果我都係要兜佢返酒店"補倉".
食完飯再去朋友屋企開賭, 贏咗幾萬蚊當幫補家計.
返到屋企, 已經係凌晨3點幾..........第二朝8點起身繼續睇ruby 姐表演魔術-----------點樣將滿載利是嘅手袋變成空空如也.
到左年初四, ruby 姐嘅利是已經派晒, 扁晒嘴望住我之後, 又輪我變魔術--------------點樣將空空如也嘅手袋變成滿載利是.
原來我都有做大衛高柏飛嘅潛質.
佢第一次做呀太派利是, 由佢啦~
不過...........其實我粗略計過條數, 夠我買部isc 喇.............. |
|
你有得玩就可以咁講...可憐想買個CD盤都冇蚊