|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
117929#
發表於 2010-3-13 12:52 AM
| 只看該作者
好! 講吓今日行程先~ (有時侯我都覺得[頑童俱樂部]幾似我個blog~ )
今日同ruby 姐去咗朋友間玩具店, 而今日呀ruby 姐嘅活動係-----------扭蛋 
計落我都好多年無掂過扭蛋機呢樣嘢, 對上嗰次都有成廿年喇~
同老婆仔食完早餐+午餐, 兩個人懵吓懵吓咁, 行過去個老朋友間玩具舖; 本來諗住搵佢吹吓水, 點知原來佢去咗傾訂單, 人地做正經嘢無理由阻住人, 所以都費事call 佢, 淨係同個老婆遊吓算lu.
嘩~ 睇落原來我都有好多玩具miss 咗, 淨係成set "機甲創世紀"合金都要成二萬幾, 仲有我好耐無買嘅"聖鬥士星矢", 神聖衣同冥鬥士我都未買, 又成皮......
仲有我最愛嘅macross, 乜原來有隻macross fronter? 隻艦同d 機都幾得喎.........全部要晒又要二萬幾, 有d 仲要等貨返先.......真無奈~
高達hcm pro 我都未睇呀, 對上嗰次我買到幾多號呢? 
d 大波美女figure 好似多咗好多款喎.........
正當我踎咗喺度一面無奈嘅時侯, 老婆仔就笑咪咪咁同我講:
"hon, 我想玩蛋仔機呀~ "
蛋仔機? 煮飯仔呀?
佢就拉住我行去睇, 原來係扭蛋機.......
哇.........多到呢, 拍得住日本嗰d 扭蛋舖, 望到頭都暈~
原來依家d 扭蛋唔平喎! 閒閒地二三十蚊一次, 都咪話唔誇張.
不過又真係好多種類, 乜嘢類型都有.
好啦~ 一於玩吓扭蛋, 睇吓好唔好彩先~
行去cashier, 唱咗唔舊水5蚊餅, 乜都扭吓.
扭扭行先發現, 原來有d 係要一個10蚊餅咖! 於是又唱咗50個10蚊餅.
兩袋加埋原來好鬼成重咖!
好彩, 我地呀ruby 姐好有效率咁同我減磅~
佢真係乜都扭一餐! 藥膏玩具, 狗仔貓仔公仔, 黑白豬盒仔, 發聲爪仔, pooh 公仔, 迪士尼小飾物, 迷你鞋仔, bb公仔, 車仔...........總之就乜都扭扭扭!
未扭前就話要扭邊個邊個, 扭中就 , 扭唔中就
見到佢笑到成個小朋友咁, 我除咗企埋一邊望住佢笑之外, 就只有睇吓有無需要"補倉".
到大少姐叫累, 望吓表原來佢都扭咗成粒幾鐘.
間舖d 職員都算醒, 拎定個籃比佢裝蛋, 有d 小朋友仲以為ruby 係職員準備"入蛋"落機添~
有兩個小朋友行去問ruby: 姐姐我想扭跳跳虎但我只可以扭一次........妳可唔可以入蛋之前賣隻比我先呀?
當時我正同緊個職員吹緊水.
個職員見到咁正當上行去叫嗰兩個小朋友嘅時侯, 我示意叫佢唔好理.
"好吖~ 姐姐送比你地吖, 每人揀一個鍾意嘅啦, 你地陣間去cashier 前面個捐款箱每人放10蚊吖~ "
"嗯! 多謝姐姐!  "
呢個就係我老婆.
雖然預咗佢會咁做, 但我真係覺得, 佢真係好可愛.
扭完蛋, 即場拆彈! 我開到手都軟............邊條PK 發明扭蛋咖!!!!
重有好多重覆咗添呀! 真係呢.........點算呢?
佢話送比佢d 朋友喎, 我又睇吓佢送得幾多件~
扭完蛋, 兩公婆百無聊賴, 諗住返酒店......點知行經碼頭, 兩個人坐咗喺張櫈度, 望海.
哈, 真係無幾可, 幾有呀婆呀伯feel~
凍就唔係好凍, 不過風都幾大, ruby 姐乘機捐入我件摟入面.
兩個人都無乜講嘢, 但係個氣氛就好sweet.
"hon, 我覺得我好幸福."
聽完佢講, 我有少少想喊.
點解呢?
可能我覺得我呢個叫做人老公嘅, 未算合格啩.
問心講, 佢重咁後生, 要佢放棄一切陪住我, 我認為好殘忍.
我諗過多排, 我都要勸佢返新加坡讀埋個學位, 至多我陪佢過去住啫.
而且, 我發覺我對佢都太嚴厲喇........佢只不過想同我去沙利文食木糠布甸啫, 點解要鬧佢呢?
"sorry 呀老婆, 我唔識點做老公........如果我有乜唔啱, sorry......"
之後所做嘅肉麻嘢就唔講喇.
由無乜人, 到好多人........原來d 人開始放工, 望吓佢地望吓自己, 都覺得自己幾頹廢.
如果身體好轉嘅話, 我諗去吓做義工都應該唔錯.
兩公婆一路望住太陽潛水, 先再返酒店.
但係我地唔係返上房喎, 係右轉去餐廳............因為ruby 姐話好肚餓, 聞到d 燒牛肉好香喎~
結果又係食到要抬佢返上房咁滯........雪糕佢都食左6個球呀~~~
但係呢.........其實今晚我係想食羊腩煲咖~~~ |
|
發表於 2010-3-12 11:55 PM
| 
