小小康

comeon babe~

樓市? 你想買定賣?
**** 本內容被作者隱藏 ****
BOYDWAN 發表於 2011-1-28 01:32 PM

我睇頂多咪跌5%~10%左右
宜家啲大陸客仲豪過本港人
我睇想大跌都難......除非再有世紀病毒

小小康

(0.186-0.149)*1200000...5皮野
d228216 發表於 2011-1-28 09:41 PM

又被人殺咗5隻雞

小小康

129841# BOYDWAN  

要結婚......女人喊晒口話要買
AWU 發表於 2011-1-28 01:43 PM

想買居屋、夾屋定私樓?

d228216

又被人殺咗5隻雞
小小康 發表於 2011-1-28 10:26 PM

我要打九死個操作員呀

d228216

想買居屋、夾屋定私樓?
小小康 發表於 2011-1-28 10:28 PM

豪宅

BOYDWAN

啱啱去完醫院! 嚇L 死!
同雄霸食食吓嘢, 佢突言話肚痛.....
佢未講之前, 見佢突然停晒手, 塊面忽青忽白, 已經心感不妙!
"老公, 我好痛........"
"邊度痛呀.....?"
"肚入面.....呀"
仆街! 唔係突然要生吓話! 我淨係上過幾堂產前班咋喎.....急救我都算ok, 但係接生唔同急救咖.....
"老婆您放鬆d, 我即刻叫白車....."
已經好努力扮鎮定, 但我都feel 到自己口震震.....
"唔得! 老公您要陪住我! "
"ok! ok! 我唔會行開, 冧天花都唔行ok? "
"好痛呀! "
"乖! 我都唔痛, 您好快都唔會痛咖... " 開始語無論次添!
同時間, 個manager 已經即刻call 左白車, 叫咗個女waitress 入房陪住我地, 仲叫d 人企喺我地間房門口等白車嚟........
"老公, 我會唔會死咖? "
"傻嘅! 我就未聽過生仔會死人嘅! 係痛少少之嘛! " 我d 大話技巧簡直連三歲細路都不如!
"嗚............. (佢d 說話已經包含英文+日文+廣東話+新加坡普通話... )"
"蝦! 您咁乖, 老公同您食雪糕吖! "
"嗚............."
"係喎! 您仲未試嗰幾條裙比我睇喎~ "
"嗚............. "
"不如我講笑話您聽吖~ " 如果真係要我嗰刻講, 我諗我會講花木蘭代父從軍都似!
"嗚............."
我跟住已經唔記得講過d 乜, 總之可以講嘅我都講, 係終於有句說話令佢有d 反應.
"老婆其實我想話您知有一個祕密我無講比您知咖! "
"嗚............. 係乜呀? 您有乜係我唔知咖? "
"呀...........但係我驚我講咗您會嬲喎....." 其實係無咖, 點作呀.....
"您快d 講!!! "
"呀.........我驚您會唔睬我喎" 一路拖一路諗, 又一路睇佢情況點, 又一路通知個主理醫生, 又睇吓白車到未, 人都癲!
"快d 講! 我地唔可以有秘密咖老公! "
"咁又係, 您又講得啱, 兩公婆點可以有祕密呢......." 拖到咁真係肉酸!
呢個時侯, 白車到......同時間仲有警察叔叔.
"我唔去醫院! 老公您講埋先! "
白車叔叔一頭霧水...........警察叔叔就好d, 淨係要mark 低d 資料啫, 酒店d 人可以應付喇.
"傻豬您乖乖地, 我地一路去醫院我一路講比您知好唔好? "
隻大帝咁先就範, 可以順利由酒店後門上白車.
原來如果唔講明去邊間醫院, 就會去公立醫院, 但我就同個白車主管要求, 去主理醫生等緊我地嗰間私家醫院; 對方亦好好人一口就答無問題, 不過同時佢亦解釋如果非緊急就可能要收錢, 但Ruby 咁嘅狀況就當然屬緊急.........我根本就無諗過呢個問題, 就算要收頭等機位全包價我都即刻比!
一路去醫院, 雄霸一路叫痛, 一路係咁問我有乜秘密無講比佢聽.....
"嗚............. 老公您唔再愛我喇? 您做乜要收埋d 秘密唔同我講喎......嗚 "
"吓? 梗係唔係啦   我諗緊由邊度講起吖嘛 "
"個秘密好長咖? 好耐咖喇? "
"吓? 唔係, 無幾耐嘅啫...... " 諗落又真係無幾耐喎, 由同佢講呢樣嘢開始計.......十零分鐘啦.
"嗚.......我知我依家肥咗唔靚又無服侍您, 所以您嫌棄我喇 "
"唔係喎, 有身孕嚟講小姐妳係我見過最靚嗰個嚟咖喇! "
呢句對白係由同車嘅白車叔叔講嘅, 可能佢見我手忙腳亂啩......
"嗚.........老公您講比我知啦 "
"係咯, 先生你物講比你太太知咯, 佢生仔好辛苦咖, 要關心多d 咖 "
我頂你個肺.......... 但係佢又唔係錯, 只係唔知發生乜事啫.
"ok! 我講, 您乖呀吓, 老公應承您一定話晒比您知, 我有無講過唔算數吖? "
"無! 但係結婚前您都應承過我同我一齊之後唔再有祕密咖! "
"係咯......呀........ "
白車叔叔想再搭口之際, 我已經拎轉頭怒啤佢
"梗係啦! 但係我都未講您就痛喇, 所以我未講到之嘛 "
"咁係幾時嘅事呀? "
"今日咯 "
"您今朝去跑步嗰陣呀? "
"no~ "
"我沖涼嗰陣呀? "
"no~ "
"您上網嗰陣呀? "
"no~ "
"咁幾時呀? "
"同您食嘢您叫痛嗰陣咯~ " 當時其實個心都定番晒, 氣定神閒番lu.
"係乜事呀? "
"您突然話痛嗰一刻, 我真係好驚無咗您, 原來您對我唔止係重要咁簡單, 我唔識形容........(其他肉麻嘢就唔詳寫喇), 呢樣嘢如果我唔講您物唔知咯, 咁就會成為我嘅祕密喇! "
"嗚...........老公 真係呢樣呀? 係唔係真咖? 仲有無其他咖? "
"吓......?! "
好彩嘅係呢幾分鐘終於過去, 順利到醫院, 個主理醫生已經企咗喺門口, 二話不說已經即刻推Ruby 入去.....
白車叔叔叫我簽番兩張文件, 所以我無跟住入; Ruby 當然唔想, 但係個主理醫生一路推一路解釋比佢知我要簽字, 好快會入去陪佢, 佢先無再捉住我隻手唔放............
"先生唔好怪我多口, 你老婆好緊張你喎...."
原來又係頭先嗰個白車叔叔, 佢地仲要等醫院張文件.
"我知....頭先唔好意思 "
"我明嘅, 大家男人 "
"吓? "
"我地做呢行, 知道有d 嘢有其他人在場唔方便講嘅......有乜等你太太生完先慢慢傾咯 "
"吓? "
"你都係惹桃花嗰種男人嚟咖喇, 不過你老婆已經係好好嗰種, 要珍惜呀, 咪怪我多口 "
大佬, 你正職睇相咖?
"哦.......多謝關心" 我都唔想再花時間唇舌去答佢, 同個白車主管講句唔該後就去搵Ruby.
原來係子宮抽蓄.........大肚婆有時侯就會咁, Ruby 依家先第一次, 算係咁.
check 咗幾個鐘, 等埋report, 大同細都ok, 一切正常.
不過就真係嚇餐死......
我都係嗰句, 大吉利是有乜事, 大嘅優先保存, 其他都要借歪.
我就想Ruby 留院觀察多一日, 醫生就話其實無乜特別, 留又得唔留又得, Ruby 就梗係唔肯啦.
一路打的返屋企, 隻雄霸就一路問個"祕密"係唔係講晒.......
我唔知佢係想聽多d 因為好冧吖, 定係擔心所謂"祕密"仲有祕密......不過睇佢表情都係似前者居多~
不過我諗我都要趁呢段時間, 學吓d "緊急接生法", "大肚婆急救需知" 喇.........

BOYDWAN

129841# BOYDWAN  

要結婚......女人喊晒口話要買
AWU 發表於 2011-1-28 13:43

開心事, 唔駛喊晒口嘅~
有個兄弟陪自己一齊做老櫬, 除咗衷心恭喜您地之外, 點可以唔盡微薄之力去支持?
有乜資料想知, 有乜需要隨便開聲, 任何時侯無"N, O" 呢兩個字母!

自由神

129885# BOYDWAN 秘密
How's ruby doing? She is fine now right?

d228216

Boy嫂, Boy佬既秘密就係...................................................................重出江湖幫我隊冧高盛

d228216

開心事, 唔駛喊晒口嘅~
有個兄弟陪自己一齊做老櫬, 除咗衷心恭喜您地之外, 點可以唔盡微薄之力去支持?
有乜資料想知, 有乜需要隨便開聲, 任何時侯無"N, O" 呢兩個字母! ...
BOYDWAN 發表於 2011-1-28 10:47 PM

咁你幾時幫我call人