|
- 帖子
- 31607
- 精華
- 0
- 威望
- 5053
- 魅力
- 1813
- 讚好
- 26
- 性別
- 男
|
139629#
發表於 2011-8-21 12:45 PM
| 只看該作者
好多八十後覺得上車很困難, 我是82年出生, 月入只有萬五, 儲蓄也只有十萬左右. 但我上年卻上了車, 雖然有點勉強, 但都想分享下, 看看對其他人有沒有幫助...
先講講我既經歷, 我中七畢業, 一開始出來社會遇著經濟不景氣, 人工只有六千, 兩年後, 人工升至八千, 那時家中遭逢巨變, 父母欠下賭債, 我向財務公司借了十幾萬幫他們還債, 分4年還, 每個月要還超過5000, 因那時父親還要求我借高利貸...所以我離開了那個家, 那時是2004年, 我當時只有22歲...
直至2008年, 我才可完完全全還清所有債項, 開始可以儲錢, 我人工由2004年的八千加至2008年的萬二, 扣除日常駛費, 加埋雙糧及花紅, 2010年我人工已是14000. 那時的儲蓄已約有十萬, 於是我便留意地產, 看看有沒有合適的二手公屋放售, 我的目標不是那遠大, 多年的套房及悏窄的村屋生捱令我覺得400多呎的公屋已是我人生中理想的住所, 最後我找到一個鄰近鐵路站的屋邨, 以105萬的價錢買下約400呎的單位, 做九成按揭, 分30年供, 每個月供約3800元...
每月3800元對我來說很輕鬆便可以應付, 有人可能會覺得分30年供樓很長, 但我覺得凡事量力而為即可, 反正若不上車, 也要租屋住, 替人供樓不如自己慢慢供一層吧...況且3800元, 在我附近連租個套房都唔得啦. 所以我決定買下這個單位..
如果有人想好似我咁上車的話, 有幾點温韾提示:
1) 銀行估價有機會估唔足, 我果陣落咗訂3萬蚊, 如果估唔足的話我會打算問人借錢填番個差價, 如果大家唔係咁急住買既, 最後預定多幾萬先好落訂
2) 小心地產經紀常說物業可做九成按揭, 但銀行其實只會做七成, 餘下兩成是由一間MC做審批, 而MC那邊是絶對有權拒絶閣下申請的, 理由可以很多, 如信貸記錄, 物業樓齡等, 所以如果好似我咁得一成資金, 就要冒風險 (我果陣等佢批核都驚足一個月)...
3) 預留1%佣金, 約八千元的律師費及厘印費. 我果陣自已髹油, 批盪及跣灰, 交水電煤按金都用了幾千元, 如果找裝修公司的話更動輒幾萬元..所以大家要預留這些錢, 免得買了屋後什麼都不能做...
最後, 祝大家都可以輕鬆上車, 像我這樣經歷都可以上到車, 我相信大家都有能力的, 問題只是在於決心. |
|
發表於 2011-8-21 12:55 AM
| 
人體正常36.8度..........33度應該就瓜
