|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
139643#
發表於 2011-8-21 08:04 PM
| 只看該作者
終於都回復正常........
前晚失驚無神無啦啦完全上唔到網, 原來我住嗰度有一組光纖線瓜咗, 包括我呢個可憐用戶在內, 結果要今朝先整好 (個4G 放咗喺車, 唔駛用車就懶去拎~ ).......
跟住間光纖服務公司就懶好咁, 去逐個受影響用戶屋企重新整d 唔知乜春........我淨係知道:
1) 上嚟整嘢嗰兩條契弟成個晏晝只係不斷借d 意問吓Ruby 呢樣嗰樣, 我老婆d 中文又唔係好, 佢地又唔識講英文, 當我老婆話唔明佢地講乜,
佢地就懶風趣咁講: "你真係好Q 呀!", 然後就哈哈哈.........我老婆開頭都仲笑吓, 跟住都費鬼事理佢地返入房就算~
(聽隻雄霸講佢地問左佢好多嘢咖, 不過雄霸就無理佢地, 佢地係後來見到bar corner 我地張結婚相先收聲咋.)
2) 當呀Ruby 唔睬佢地, 佢地就每次一見佢喺睡房行出嚟, 對眼就同對手"分體", 手就整個盒, 對眼就好似d 監視鏡頭咁跟住target 走!
(明知我去做gym 可能會有人上嚟, Ruby 只係好普通嘅雞翼背心+ 牛仔短褲, 完全唔係暴露衣著嗰隻.)
3) 我個客廳, 睡房, 客房同書房都有盒, 但係佢地夠膽死我個客廳整成粒鐘!!! 其他就只係15分鐘!!!
三點幾, 我做做吓gym Ruby 已經打比我話d 師傅嚟咗, 跟住已經打過幾次叫我快d 返嚟; 四點未夠, 我一入門口 Ruby 就第一時間跳過嚟成隻樹熊咁, 望一望嗰兩條契弟, 我只係問一句: 整好未? 跟住佢兩個就即刻話: 好快! 唔好意思呀吓.......
入到睡房, 隻大帝就梗係申冤咁申啦.....約略知道情況之後, 二話不說打個電話比食蕉, 跟住行出廳問佢兩個要搞d 乜, 依依哦哦又話係公司規矩又話要check d盒, 我問佢地駛唔駛開埋部腦比佢地試吓?
話口未完食蕉已經上咗嚟, 我問食蕉佢地幾點入嚟, 食蕉一check 原來佢地入咗嚟已經成4個幾鐘.....
淨係我屋企, 未計我番嚟, 佢地玩咗成粒鐘!
佢地知瀨嘢, 即刻對唔住前對唔住後, 又話無下次, 語無論次嗰隻.....
個食蕉仲好火過我, 第一時間叫幫手, 跟住叫埋control room 報警.........我幾有衝動想問佢有無興趣轉工呀!
後來我同呀食蕉講警就唔駛報喇, black list 佢兩個visitor list 啦, 打番去佢公司投訴就算.
佢兩個走嗰一刻, 我只係好冷漠咁講一句: 要溝女都睇場合吖懵仔!
一講呢句呀雄霸"嘰"一聲笑出嚟, 佢兩個個樣直情可以用蕃茄去形容.
最抵死係Ruby 事後講一句: 你下次去做gym 都係帶埋我去喇! 我驚呀!
大佬.......唔係日日都有人上嚟整嘢吓話? |
|
發表於 2011-8-21 02:22 PM
| 
if possible sounds great
