女醫生被騙2千萬，護士被騙250萬，點解依家港女咁易呃
 
最近聽到唔少網上相戀繼而被騙財嘅新聞，受害人都係女性，例如女醫生被騙2千萬、女護士被騙250萬等，而被騙嘅通常都係單身中女，而且金額之大，可謂歷年少見。其實今時今日當經過多番報道，加上資訊流通，點解受騙嘅人同金額反而會愈來愈多？一齊睇睇。
溝通方便
目前通訊軟件極為方便，過往可能一定要坐喺電腦前面先可互相傾計，但宜家只要有個電話，無時無刻都可以短訊，甚至通話同視訊，變相令騙徒可以更以
搵到目標。
約會網站大增
有見商機無限，大量約會網站出現，都標榜網上有大量筍盤男女，而且呢種網站入會容易，資料又可以亂寫，騙徒可以話隨便寫乜都得，例如呢幾次騙案嘅騙徒都話自己係英藉工程師。
單身女性數目增
睇新聞都知香港男女比例失衡，以致單身中女數目愈來愈多，從近年每年上升嘅北上嫁人港女數字可見；留喺香港嘅，當然就要把握每個機會，然而現實上苦無對象，惟有網上搵真愛。
騙徒手法層出不窮
唔係老土，但騙徒手法真係不斷有新招，可能過往大家聽傳媒、警方公布嘅手法已經唔同咗，從以前最常見話炒燶股票，去到近年話喺非洲被扣留要繳付保釋金，所以有部分無咁留意新聞嘅女士會中招。 |
發表於 2016-8-14 09:44 PM
| 
