有線死亡四大原因，元老點睇?

電騙男

今年已經踏入第24年嘅有線電視好有可能要同大家講拜拜。尋日有線嘅母公司九龍倉係公佈業績時表示有線寬頻已經連續9年蝕錢，單係舊年就蝕咗3.13億，咁多年嚟加埋虧損超過16億，加上又搵唔到潛在買家接手，所以嚟緊將會撤出通訊、媒體同娛樂嘅業務，亦都唔會再提供新嘅資金畀有線。如果短期內無新嘅注資，就會係新電視牌照生效嘅6月前決定有線生死，將會影響90多萬個用戶同大約2,300個員工。

其實有線都創造過唔少令人印象好深刻嘅節目同造就唔少明星，好似24小時無間斷嘅娛樂台、《怪談》、《肥媽私房菜》等，都曾為電視業帶嚟新嘅氣象，但點解最後都會出現危機呢？

一台獨大
三色台歷史悠久，多年嚟造就同捧紅咗無數嘅名人明星，而且陪伴咗港人咁耐難免有份情意結（尤其老一輩），加上有線始終都係收費電視，普及程度同收視點樣都無辦法同三色台對撼，自然係廣告收益方面都少咗。

新競爭者
成日都話有競爭先至有進步，舊年嘅亞視已經被市場淘汰，加上近年又多咗新嘅免費電視頻道可以選擇好似香港電視、ViuTV同埋香港電台，多咗選擇自然令觀眾再進一步分散，更何況呢啲電視台係唔使畀錢同申請，開著就睇得。

網上睇片
以往電視台爭球賽轉播權都以億計算，例如有線就試過係now手上搶番10至13年嘅英超轉播權據指就用咗超過15億，但實質收番嚟又有幾多？而且而家網絡咁發達，無論係乜嘢球賽或者劇集，上網都總會搵得到（雖然可能唔合法），但就對電視台做成好大嘅衝擊。

社交媒體
時下仲有幾多香港人會好認真咁日日坐喺度睇電視呢？相信大部份人都會用自己嘅電話睇嘢，而且睇嘅都未必係電視，而會係社交媒體等等有得即時交流嘅工具。

電騙男

梁齊昕做主持一定收得

Thomp

無咸濕野睇 ... 必死！

地溝男

無咸濕野睇 ... 必死！
Thomp 發表於 2017-3-10 11:54 PM

睇阿爺咸濕野

sarmsan

咁廣告贊助唔多掂係唔係

自拍男

咁廣告贊助唔多掂係唔係
sarmsan 發表於 2017-4-3 09:10 PM

吳光正咁X愛國，點解唔搵阿爺幫手