大學校友聚會，杯葛月入兩萬以下同學，ericliu 回應?

自拍男

人工唔代表一個人的價值，但原來好多人都唔係咁睇。最近討論區就有網民開帖，講到明「大學聚會，絕對唔會邀請人工低過兩萬的同事」，結果當然引起罵戰。
樓主自稱佢哋同學閒閒哋搵緊5萬、6萬，所以好難同賺得萬幾蚊的同學仔溝通。有人就反駁，依家有唔少拎住PhD的兼職導師，人工都唔夠兩萬，所以人工同學歷未必係正比，批評樓主「階級觀念重」。
其實呢個世代，再用人工睇人已經唔準。好似朋友圈中，賺得最多的，係完全唔洗交稅的同學仔，因為佢哋好多都係自由工作者，鍾意現金或者支票出糧，密食當三番下，一個月最高峰可以搵到十幾萬。呢類同學仔通常都好低調，完全唔怕別人誤解佢，絕對係「禾稈冚珍珠」。
另一款同學仔人工雖然唔高，但因為家底豐厚，所以好多屋企人已經幫佢俾咗首期，有成層樓收租，講緊每個月有一萬幾蚊的租金收入，呢啲隱形資產，又有幾多人知吖。
又如果你單憑一個人的職業去判斷人工，可能會大錯特錯。就好似有同學做media buying，可以月入80萬；有同學做名店sales，連埋佣金，人工可能好過好多自命清高的公務員。
唔知你同唔同意，單憑人工去睇人已經唔準，建議一眾「白鴿眼」的打工仔，下次最好自備入息證明，先好去搞同學聚會呀。

自拍男

做地產魔鬼個個月幾十萬

bobo426

賣白粉,OK?

港燦男

賣白粉,OK?
bobo426 發表於 2018-7-4 03:12 PM

男賣 J、女賣西