Wow, 頂級豪放索爆陸永妻牙

七仔男

有個銷魂妻



農夫成員陸永五年前與麥玲玲合唱《風生水起》時，被玲玲 rap批有銷魂妻，不出所料，他去年迎娶圈外人 Rainah，近日忽然流出其妻婚前與 Rapper曲赤（ K-Chek）夜蒲啜爆的照片， Rainah舊情史同時被起底。從昨日流出的一批夜蒲照中發現，盆骨有紋身的陸永嫂 Rainah原來非常狂野，喜愛夜夜蒲，更專吼 hip hop男。

夜場殺手 Rapper曲赤與陸永妻 Rainah及連詩雅的舌戰慾照，近日離奇曝光，昨日更有一批陸永妻爛蒲夜場的相片流出，她對 hip hop仔情有獨鍾，就算去年奉女成婚嫁給的陸永，外形味道同樣有着陣陣 hip hop味。
23歲的陸永妻 Rainah今年2月誕女，近日卻被與曲赤的舌戰慾照連累，被翻開一堆情史，原來 Rainah是夜場常客，專吸 hip hop仔，照片中看到她豪放側身躺下擺甫時，清楚見到盆骨上的紋身，同時她又不介意攬仔合照，既讓 hip hop友貼身挨背，還請男伴食波餅，黐身男子清一式典型 hip hop打扮，鴨舌帽配閃鑽耳環，再加板仔 tee， Rainah擇偶品味可謂非常專一。

陸永：佢講晒畀我知

Rainah專姣 hip hop友，丈夫陸永直認知道老婆婚前喜愛夜蒲，他昨日在電話中爽快回應：「太太以前有蒲㗎，以前我都有同佢去蒲過。喺結婚前，太太已經講晒我知佢夜蒲嘅嘢。」對於記者舊事重提，陸永好奇反問：「做乜呀？又有相？影得靚唔靚先？據我所知曲赤嗰啲已經係最勁，曲赤我都知，老婆都有介紹曲赤畀我識，其他嗰啲都係夜蒲普通合照啫。」對於 Rainah腰間紋身，陸永說：「係！佢係有紋身。」身為人夫的陸永語重深長表示太太情史蒲照均是過去式，他維護說：「我都有飲醉過，我太太唔係圈中人，唔好再搞佢喇，佢家好專心湊女。」
堪輿師麥玲玲跟農夫在07年合唱一曲《風生水起》，當中有句歌詞 rap到陸永向她問桃花運，麥玲玲口爽爽 rap：「陸永大情人，個老婆好銷魂！」似乎早洞悉先機，預測到銷魂爆燈的 Rainah是 hip hop仔殺手，麥玲玲昨日在電話中說：「陸永太太好靚女，未結婚出去拍拖同玩唔出奇，但家佢修心養性結婚生女，呢個時候有人拎啲咁嘅相出嚟博宣傳，真係別有用心。」

麥玲玲：無損夫妻情

麥玲玲力撐 Rainah是清純人妻，她表示這次慾照風波無損夫妻感情，麥玲玲說：「佢哋兩公婆夫妻宮好夾，陸永結咗婚，老婆旺佢多咗嘢做，今次只係小問題，一定冇影響，佢哋命中注定唔止得一個女，遲啲仲有幾個小朋友。」麥玲玲還爆料指 Rainah年紀輕輕卻懂行奶奶政策，甚討老人家歡心。
採訪：丁寧

kenlabs

又真係幾好樣播~

ELCM

索爆

killer6666

有個咁Ge老婆
唔出去玩真係對唔住自己

liverpool-tam

咁鬼索,緊係溝死仔啦~!~

hochiu0

a nice pick