會考零分20萬創業，年生意額2000萬，bxxx21恨唔恨?

港燦男

DSE放榜，今年一共誕生9位狀元！有考生考到好成績、也有考生失手成續未如理想。無論如何，DSE只是人生中其中一場考試，即使讀書不成，也絕不能「一試定生死」。當年會考零分的Michael就是個活生生的好例子，他於3年前裸辭，利用20萬創立『爽WiFi』，短短3年間由首年100萬營業額做到去年2,000萬營業額，誇張的增幅令人張口結舌！
撰文：Hody ｜ 攝影：何柏基
延伸閱讀：
80後女生創立插畫品牌 每月淨賺坐底50,000元 | 80後創業 | 創業個案 | Startup
23歲仔月入13K想買樓 漸進式儲蓄法 7年儲78.3萬首期 | 理財個案 | 財智姊妹淘
36歲裸辭創業自言出身低微、無家底、無人脈的Michael，原本在電訊業由前線Sales做到管理層，2014年10月某天，他決定裸辭，因為有感事業已無起色。
他坦言當日裸辭後「唔知做咩好，但發現日日喺屋企唔掂！」他覺得自己不會再搵工，一定要諗做生意！
他說：「我讀書少、只得經驗，我可以做到幾多歲？」他深知自己的長處弱項，但因為自小已好想自己做生意，所以3年前即使從未接觸過WiFi蛋生意，也不顧一切的衝出去創業！
查看相片


爽WiFi DSE 會考 創業 Wifi蛋 Michael
更多
中學收人100蚊抄校規 但俾5蚊另一個人幫我抄現今不少都年輕人「有父幹有母幹」，就連上車都有父母幫助俾首期，非常「幸福」！
然而Michael的童年就過得一點也不容易，Michael指自幼家景窮困，小時候經常有「收數佬」到家拍門，又不時有「收數佬」接他放學，「細個住土瓜灣，中一開始爸爸媽媽抽到公屋上到樓住粉嶺，但喺何文田返學，試過阿媽冇錢俾我返學…」
他笑稱：「我由中一二已開始諗辦法點樣可以搵錢，例如幫同學抄校規，但我已經識得收人100蚊抄校規，但就俾5蚊另一個人幫我抄！小學已識做呢個動作，又試過叫啲有錢同學仔帶飯時煮埋我飯，叫佢同阿爸講煮多啲俾我，盡量令自己返學唔使用錢！」生活過得不容易，令他自小已培養出獨立性格，同時也培養出不一樣的生意頭腦。
查看相片


Michael童年生活過得不容易，令他自小已培養出獨立性格，同時也培養出不一樣的生意頭腦。
更多
目標為本 報會考取中五學歷不斷自稱「讀得書少」的Michael的確只有中學學歷程度，原因正正是家景不佳。
他指，那時一直等、等到15歲，中三的上學期完後就向父道明言不會再讀書，因他受不住屋企無錢！「其實我讀完中三，中五都冇讀過…..小學用兩蚊都返到學，中學唔得，要食飯要搭車，當然那時同學仔已經好多物質嘢，個人會自卑…然後就出嚟做嘢。」
中三學歷可以做什麼？「就係廚房、跟車，無其他嘢做到架喇，當時拎6000零蚊人工…之後阿媽喊住同我講想我讀埋個中五，所以我去私校報讀中四，讀咗一年後，就轉到另一間學費較平的學校報讀中五，返咗三日學報咗會考之後，就無再返學去返工。」家景不好，但他懂事生性，以目標為本報會獲取中五學歷，出來工作後更開始慢慢在經濟上反過來照顧家庭。
金融海嘯欠債 阿爸中風 阿媽被裁員 公司執笠報會考後第一份工就做Sales，當時萬多元一個月人工，相比同齡又已出來工作的同學「搵多幾千蚊」，然後「學人買股票，點知一場金融海嘯，輸咗廿幾萬，就每個月分期還，跟住我阿爸中風無做嘢，阿媽被裁員，連我做緊果間公司都執埋笠….真係可以黑成咁！」廿幾歲開始真正「擔起頭家」，真正經歷過貧窮，如此人生經歷令到他處事獨立。
眼前的Michael今天雖已貴為「老闆」，公司生意額達到每年2000萬，也不斷開發新事務，但他卻沒有一絲「老闆」架子。
在他的辦公室訪問時，過程「門常開」，外面邊吃零食邊工作的員工也一起聽著整個訪問內容。
查看相片


Michael公司員工以90後為主，他從不要求員工OT，亦不會用規矩規限他們發展。
更多

從不要員工OT 請假不用跟他交代Michael稱，他向員工說明，在辦公室找他不需叩門，也不接受稱他為「老闆」，可直呼其名。
他如此「貼地親民」，全因他也曾是個打工仔，深知打工仔的心，不想令員工上班感壓力。
他從不要員工OT、員工請假也不用跟他交代，自己填假紙即可。他相信「吸引力法則」：「你對人好，人哋都會對你好！」
「我覺得自己識嘅人就應該要幫，因為我相信『吸引力法則』，只要一個人正面對待人，人哋就會幫返我。所以創立爽WiFi嘅過程，有好多明星幫我宣傳，但我一蚊都無俾過佢哋。」Michael說。
查看相片


「創立爽WiFi嘅過程，有好多明星幫我宣傳，但我一蚊都無俾過佢哋。」Michael說。
更多
20萬創業 3年後每年生意額達2000萬Michael指創業初期挫敗感極大，因為「乜都唔識，試過搵唔到貨源」，第一年「屈埋自己好緊要，埋頭苦幹，唔識咁去做」。
他說：「創業初期，大小事都不斷嘗試、也不斷碰釘，要數生意上遇過最難忘的事，一定是要「瞓機場」，當初創業時，客人上網落訂單，只要是客人要求，我都會做！例如我們有幾個交收點，但若客人要求要到地鐵站交收，我都會去。若客人選擇寄順豐時「甩件」，我又會即時衝去拎WiFi蛋俾客人。」
「創業時當同行都只有兩、三個交收點時，爽WiFi以四個交收點作賣點，其實當年全公司包括Michael在內，就只有4人在4個地方與客人作交收，當中包括機場。
Michael當時一人身兼宣傳、接Order、跟單、做客服等工作，工作時間是早上8:00至晚上11:45。」Michael說。
查看相片


創業初期，Michael的工作時間是早上8:00至晚上11:45，若客人選擇寄順豐時「甩件」，他會即時衝去將WiFi蛋給客人。
更多
打風令航班延誤「瞓機場」收回WiFi蛋公司運作了大約半年時，剛開始回本到「正數」、看到有少許成續的時候，Michael在機場交收點的拍檔有天突然即日請辭，在當時全公司只有3人的情況下，Michael唯有與其中一拍檔輪流去機場「頂更」，由於當時沒有門市在機場，他們就利用一架七人車停泊在機場的停車場作交收點。
WiFi蛋要充電可以怎樣呢？就是在機場上免費插頭「周圍插！借電！」
由於當時是剛起步的超迷你公司，爽WiFi的WiFi蛋都是「機駁機」的借出，若天氣不穩、打風令航班延誤，員工或Helper是不會到機場工作，Michael在創業頭一年每遇到此情況都要自己頂上「瞓機場」收回WiFi蛋，再即時充電再轉交給準備上機的客人。
堅持、投入、不斷學習他的堅持、他的投入，令爽WiFi首年生意額達100萬元，以幾個人計的「公司仔」來說，成績算不錯了。
然後，隨著Michael不斷學習，第二年開始有突破性升幅，營業額超過1000萬；第三年更超過2000萬營業額，現時也在增長中。
2018年4月1日，Michael更投放過百萬開設『零食到家』，大搞零食生意。
Michael的生意愈做愈大，成績有目共睹，但他謙虛地說：「自己最初創業好辛苦，3年來用咗好多時間在人脈上學習點樣做生意，有前輩教我『學做生意前，先學做人』，其實而家就不斷學做人。」
查看相片


Michael更投放過百萬開設『零食到家』，大搞零食生意，同時也讓公司員工工作時免費任食零食。
更多
珍惜每一個客人「每一個客我都好珍惜，由於網上生意沒大機會可以直接接觸客人，我就學返以前做電訊業做門市嘅經驗，我都Sales出身，好想了解每一個客。而家成日都講大數據，我相信大數據，但我想再親密啲，所以當時我每一個客人都親自致電了解，那時客人對此反應極佳，認為服務非常貼心。當全行都只傳一個確認訂機電郵給客戶，我們直至今時今日都使用Whatsapp給客人，現時單是傳送Whatspp工序，都有兩個全職同事主力做傳送及接收的工作。」他說。
他希望做到品牌朋友化、不想機械化，所以由以前一個月幾百張訂單，至今時今日一個月過萬張訂單，爽WiFi都以同一方法Whatspp確認訊息予客人，因為若客人到了外地，萬一有何問題，都可利用Whatsapp聯絡他們。
Wi-Fi蛋生意賺到好多聲譽、尊重、朋友「Wi-Fi蛋生意未必賺到好多錢，但令我賺到好多聲譽、尊重、朋友，我知道呢個行業未必可以持續很久，Michael深明科技可以淘汰一個行業，做Wi-Fi蛋生意未必可以持之永恆，但他相信旅遊業可以持之永恆。」Michael稱。
所以現時爽WiFi努力轉型中，想做成一站式旅遊品牌，現時例如會做一些旅遊保險的優惠、機場接送、租翻譯神器、日後會推出租車、租喼、租相機、One Day Tour，不同的旅遊產品都會陸續加入及推出。