[愛情]愛情故事

yanmatthew2006

愛情故事


        你們知道什麼叫愛情嗎 ? 其實愛情分多種,有啲人話咩一見鍾情,呢啲只不過係順口開河既事,其實呢個世界邊有一見鍾情呀。响而家呢個年代, 有好多青少年玩 ICQ 同玩 chat room, 呢啲情況已經係越嚟越普遍。佢地上去呢啲地方玩都係因為想結識一啲男女朋友, 有些人會視對方為自己既終身伴侶; 但當佢地一見到大家既時候, 就會因為對方既樣貌同身形去判斷應唔應該仲同對方來往。


        响呢個世界上跟本就冇人明白咩叫愛情, 難道對方話愛你、話鍾意你,呢啲就係愛情? 其實鍾意同愛係兩件事, 好似你信耶穌一樣, 嗰啲牧師都會同你講佢會好愛你, 只不過係一個關心既表現, 並唔係愛情同鍾意。愛情同鍾意係要大家雙方面, 大家都要將個心交俾對方, 要對伴侶完全信任, 不可欺騙對方同要互相遷就, 咁樣先可以同對方一生一世, 呢啲都係愛情既表現。唔通呢個世界真係冇真真正正既愛情?咁你地有冇遇過呢?以下係我一個朋友既經歷:


        我個朋友佢叫coco, 佢係一個開朗、好鍾意逗人笑、好健談同好鍾意玩電腦既女仔, 佢亦都係學校既電腦管理員, 佢平時都有玩開chat room。有一日佢响學校既電腦室當值嗰時, 佢個好朋友介紹佢玩左一個chat room。由嗰日起coco就好似上左引一樣一有時間就上去玩, 佢响 chat room上面識左好多好朋友, 佢响上面都識到幾個男朋友, 而佢既初戀對象亦都係响上面認識。
個男仔叫Sam,佢地第一次見面時係响一間碟鋪門外, 嗰時間碟鋪正左在播緊首歌「最後一次」,因此呢首歌就成為左佢地既歌。佢個男朋友對佢好好, 做任何事都好遷就佢, 佢地彼此間都對方十分之信任, 而佢地雙方既家長都好鍾意對方, 大家都覺得佢地係一對無範既情侶,從不鬧交, 佢地既感情日漸進展, 一日好過一日。


        當佢地發展到永不分離既地步時, 突然間從電話中傳來一個不幸既消息。當coco食緊飯嗰時電話突然響起, 係呀Sam個朋友打俾佢, coco接起電話, 之後呀Sam個朋友就話俾coco知呀Sam前日已經死左之後就收左線, 初頭coco都唔信以為係呀Sam同佢班朋友一齊玩佢, 之後coco就打去呀Sam屋企問個清楚, 電話接通了係呀Sam個呀媽聽, 後來佢呀媽就將整件事完完本本地話俾coco知, 當coco知道呀Sam真係離佢而去嗰時, coco個心真係好唔開心, 收線後coco就一個人响房間不停地喊, 佢足足喊左成個月, 响呢個月裡面coco一邊喊一邊聽佢同呀Sam既歌, 佢每次一聽呢首歌就會想起佢以前同呀Sam一齊既日子。


        之後coco都有同過兩男仔拍拖, 但coco知道嗰兩個男仔並唔係對佢認真, 再加上嗰兩個男仔對coco又唔好, coco同佢地成日鬧交, 日子雖然一日一日咁過去, 但coco就日日都唔開心, 佢一唔開心個腦就會想起呀Sam。嗰時開始coco就成日响度諗, 呢個世界上係唔係個個男仔對女仔都係玩玩下呢? 從此coco就唔再信啲男仔講既野。


        但自從coco識左依家呢個男仔同佢拍拖之後, 呢個男仔可以話係改變左coco對男仔既睇法。呢個男仔除左樣貌外, 佢同呀Sam都有好多野相似, 佢對coco好好。Coco同佢拍左冇幾耐, coco個朋友突然問佢一個問題, 問coco係唔係當左個男仔係呀Sam, 個時coco都唔知道點答佢個朋友。


        直至有一日coco唔舒服, 佢夜晚去左醫院既急診室, coco個時最想見既人係佢而家個男朋友, 但佢又唔想話俾佢男友知佢入左院, 因為coco唔想佢擔心。同埋有時當coco搵唔到佢男友個時, 個心係會好驚, 因為coco好驚佢會好似呀Sam一樣。
由個時coco先知道原來佢唔係因為個男仔似呀Sam先至同佢一齊, 而係因為coco真係鍾意左佢, 所以coco由個時開始決定會同佢一生一世。


        我從佢地既故事先至知道原來呢個世界係有愛情同埋伴侶真係可以改變對方既睇法, 咁你地又認為係唔係呢?